Видеофильм «Библи – абоны чингуытӕй ӕппӕты рагондӕр чиныг»
Ацы видеофильммӕ куы кӕсат, уӕд уын дӕлдӕр амынд фарстытӕ баххуыс кӕндзысты йӕ сӕйраг хъуыдытӕм уӕ хъус ӕрдарынӕн: 1) Библи иннӕ чингуытимӕ абарӕн цӕуылнӕ ис? 2) Ӕрхӕсс цӕвиттон, Библи, рагон чиныг, нырыккон зонады ныхмӕ кӕй нӕу, уымӕн. 3) Библи куы ныффыстой, уӕдӕй абонмӕ кӕй нӕ аивта, ууыл нӕ бон фидарӕй ӕууӕндын цӕмӕн у? 4) Рагон къухфыстыты текстты цымыдисагӕй цы уыдис ӕмӕ уымӕ гӕсгӕ фидарӕй цӕуыл ӕууӕндыс? 5) Джон Уиклиф, Иоганн Гутенберг, Уильям Тиндал, Мэри Джонс ӕмӕ Чарлз Тейз Рассел цавӕр куыст бакодтой, цӕмӕй Библи ӕппӕт дунейыл дӕр апарахат уыдаид? 6) Аргъуан Библийы ныхмӕ карз тох куыд кодта, фӕлӕ абон дӕр нӕ къухы цӕй фӕрцы ис? 7) Иегъовӕйы организацийӕн Библи тӕлмац кӕныны ӕмӕ мыхуыр кӕныны хъуыддаджы цы бантыст? 8) Библийы цы уынаффӕтӕ ис, уыдон адӕмӕн куыд ӕххуыс кӕнынц, цӕмӕй ныууадзой ӕхцайыл хъазын (1 Тим. 6:9, 10), хъахъхъӕной сӕ бинонты цард ӕмӕ кӕрӕдзийыл гадзрахатӕй ма цӕуой (1 Кор. 13:4, 5; Еф. 5:28), ӕмӕ хъӕздыгдзинадмӕ ма тырной (Матф. 16:26)? 9) Цӕмӕй бӕрӕг у, Фыстады уагӕвӕрдтӕ адӕмӕн кӕй ӕххуыс кӕнынц, цӕмӕй кӕрӕдзимӕ знаджы цӕстӕй мауал кӕсой? 10) Библи кӕй ахуыр кӕныс, уый дӕ куыд фӕамондджындӕр кодта? 11) Ацы видеофильммӕ бакӕсын хорз кӕмӕн уаид ӕмӕ дӕ бон цы у саразын, цӕмӕй йӕ уыдон дӕр феной?