Зӕрдиагӕй архай ӕмӕ «бӕстон ӕвдисӕнад дӕтт»
1, 2. Павел хорз хабар хъусын кӕнынмӕ цы цӕстӕй каст, уый тыххӕй цы хъуыды кӕныс ӕмӕ уыйау нӕ бон куыд у «бӕстон ӕвдисӕнад дӕттын»?
1 Апостол Павел дӕр, Йесо ӕмӕ ма рагзаманты иузӕрдионӕй чи лӕггад кодта, уыдонау уыд хорз хабары зынгзӕрдӕ хъусынгӕнӕг, кӕдфӕнды дӕр ӕмӕ кӕмфӕнды дӕр «бӕстон ӕвдисӕн лӕвӕрдта» (НД). Суанг ма хӕдзары ахӕсты куы уыд, уӕддӕр-иу «ӕм чи ӕрбацыд, ахӕмты-иу йӕхимӕ бахуыдта, ныфсджынӕй сын Хуыцауы Паддзахады тыххӕй дзургӕйӕ ӕмӕ сын Йесо Чырыстийы ахуырад амонгӕйӕ» (Ап. к. 28:16—31, НФ).
2 Махӕн дӕр нӕ бон у кӕддӕриддӕр зӕрдиагӕй архайын ӕмӕ «бӕстон ӕвдисӕнад дӕттын». Зӕгъӕм, облӕстон конгресмӕ, «Кадджын кӕнут Хуыцауы», зӕгъгӕ, цӕугӕйӕ хъусын кӕнӕн ис фӕндагыл уырдӕм дӕр ӕмӕ фӕстӕмӕ дӕр, ӕмӕ ма конгресс цы горӕты цӕуа, цалынмӕ уым уӕм, уӕд дӕр (Ап. к. 28:23; Пс. 144:10—13).
3. Цы ис саразӕн, цӕмӕй нын хъусын кӕныны фадат куы фӕзына, уӕд уый ӕнӕнхъӕлӕджы ма рауайа?
3 Ӕнӕнхъӕлӕджы хъусын кӕнын ӕви фадат куы фӕзына, уӕд хъусын кӕнын? Исты хицӕндзинад сӕ ис? О. Ӕнӕнхъӕлӕджы у, ӕнӕуи кӕнӕ та раздӕр кӕй нӕ пълан кодтой, йе та стыр нысаниуӕг кӕмӕн нӕй, ахӕм хабар. Фӕлӕ нӕ лӕггад кӕныны хъуыддагӕй афтӕ зӕгъӕн нӕй. Павелау махӕн дӕр тынг ахсджиаг у Хуыцауы кадджын кӕнын нӕ дзыхы ныхасӕй, ӕмӕ нӕ разы ахӕм нысан сӕвӕрдзыстӕм, цӕмӕй ацы сӕрд кӕдӕмфӕнды ма цӕуӕм, адӕмӕн Хуыцауы тыххӕй дзурӕм. Фӕлӕ уымӕй растдӕр уыдзӕн зӕгъын, зӕгъгӕ нын фадат фӕзынд, ӕмӕ ныхас кӕнӕм, ома сабырӕй, хӕларзӕрдӕйӕ ӕмӕ сӕрибарӕй. Афтӕмӕй нӕ къухы хорз ӕнтыстытӕ бафтдзӕн.
4. Павел ахст кӕм уыд, уым цӕй фӕрцы уыд йӕ бон ӕвдисӕнад дӕттын?
4 Цӕттӕ кӕн ӕвдисӕнад раттынмӕ. Павел Ромы иу хӕдзары ахст куы уыд, уӕд ӕй хъуыд Хуыцауы тыххӕй дзурынӕн фадӕттӕ агурын. Цы хӕдзары уыд, уырдӕм йӕхӕдӕг фӕхуыдта иудейты хистӕрты (Ап. к. 28:17). Кӕд Ромы чырыстон ӕмбырд уыд, уӕддӕр Павел базыдта, уыцы сахары цӕрӕг иудейтӕ чырыстӕттӕн сӕхицӕй кӕй нӕ фехъуыстой чырыстон дины тыххӕй (Ап. к. 28:22; Ром. 1:7). Уый иу фадат дӕр нӕ ауагъта, цӕмӕй Йесо Чырысти ӕмӕ Хуыцауы Паддзахады тыххӕй «бӕстон ӕвдисӕнад [ма] радтаид».
5, 6. Фадат нын куы фӕзына, уӕд нӕ бон кӕм у хъусын кӕнын ӕмӕ нӕхи куыд бацӕттӕ кӕнӕм, цӕмӕй ӕнтыстджынӕй хъусын кӕнӕм?
5 Ахъуыды ма кӕн, фӕндагыл дыл чи сӕмбӕлдзӕн ӕмӕ Иегъовӕйы Ӕвдисӕнты тыххӕй бӕлвырд чи нӕ зоны, уыцы адӕмыл. Гӕнӕн ис, ӕмӕ уыдон зонгӕ дӕр ма кӕной, мах адӕмимӕ Библи лӕвар кӕй ахуыр кӕнӕм, уый. Хъусын кӕнынӕн агур фадӕттӕ, конгресмӕ ӕмӕ фӕстӕмӕ куы цӕуай, артаг кӕнынмӕ куы бацӕуай, йе та машинӕты лӕууӕндӕтты, дуканиты, уазӕгдзӕрӕны, хӕрӕндоны, ӕхсӕнадон транспорты ӕмӕ афтӕ дарддӕр. Рагацау ахъуыды кӕн дӕ ныхас цӕмӕй райдайдзынӕ ӕмӕ цыбыртӕй цы зӕгъдзынӕ. Ныр дӕр чи зоны бафӕлварай, фадат дын куы фӕзына, уӕд дӕ сыхӕгтимӕ, дӕ хӕстӕджытимӕ, де ’мкусджытимӕ кӕнӕ ӕндӕр искӕимӕ аныхас кӕнын.
6 Фадат дын куы фӕзына, уӕд дӕ хъусын кӕнынӕн бахъӕудзӕн литературӕ дӕр. Цавӕр? Дӕ бон у пайда кӕнын трактат «Фӕнды дӕ Библи хуыздӕр базонын?»-ӕй. Адӕймагӕн йӕ хъус ӕрдар фыццаг фондз абзацмӕ, Библи кӕсын цӕмӕн хъӕуы, уымӕн цалдӕр аххосагмӕ. Равдис, Библи хӕдзары лӕвар ахуыр кӕныны тыххӕй трактаты фӕстейӕ цы купон ис, уый. Фылдӕр базонын кӕй фӕнда, ахӕм адӕймагыл куы сӕмбӕлай, уӕд ын ратт брошюрӕ «Цы домы?». Демӕ хӕсс гыццыл чиныг «Хорз хабар ӕппӕт адӕмӕн», цӕмӕй ӕндӕр ӕвзагыл дзурӕг адӕмыл куы сӕмбӕлай, уӕд сын ӕй бакӕсын кӕнай. 2-аг фарсыл амынд у, куыд дзы ис пайда кӕнӕн Хуыцауы тыххӕй ныхас кӕнынӕн. Машинӕйыл куы цӕуай, уӕд дӕ бон у, Библи цӕй фӕрцы фӕахуыр кӕнӕм, уыцы литературӕйӕ демӕ исты айсын, цӕмӕй Паддзахады хабар ӕцӕгдӕр кӕй бацымыдис кӕна, уыдонӕн ӕй раттай.
7, 8. Нӕ уынд ӕмӕ нӕ уагы тыххӕй нӕ зӕрдыл цавӕр фӕдзӕхст хъуамӕ дарӕм фӕндагыл цӕугӕйӕ ӕмӕ улӕфты рӕстӕджы?
7 Дӕ хъус дар дӕ конд ӕмӕ дӕ уагмӕ. Мах хъуамӕ бӕлвырд зонӕм, нӕ уаг, нӕ дарӕс ӕмӕ нӕ уынды тыххӕй адӕм Иегъовӕйы организацийӕ ӕвзӕр кӕй нӕ ахъуыды кӕндзысты, кӕнӕ та йӕ «ныхмӕ кӕй [нӕ] дзурдзысты» (Ап. к. 28:22, НФ). Уый ӕрмӕст конгрессы рӕстӕджы нӕ хъӕуы, фӕлӕ ма конгресмӕ ӕмӕ фӕстӕмӕ куы цӕуӕм кӕнӕ программӕйы фӕстӕ куы улӕфӕм, уӕд дӕр. 2002 азы 1 августы «Хъахъхъӕнӕн мӕсыджы» 30, 31 фӕрстыл 14 абзацы уыди ахӕм уынаффӕ: «Хъуамӕ ныл ма уа ӕгӕр ирд, ӕнахуыр, ӕгӕр нарӕг, цыбыр, гом дзаумӕттӕ. Нӕ дарӕсӕй хъуамӕ бӕрӕг уа, йӕхи „Хуыцауы куыстӕн чи снывонд кодта“ (НФ), ахӕм адӕм кӕй стӕм. Ацы хъуыддаг хъуыдыйаг у. Раст нӕу, адӕймаг аив дарӕсы ӕрмӕст ӕмбырдмӕ куы цӕуид, ӕндӕр искуы та ӕфсармы сӕрты куы хизид. Не ’ддаг бакаст хъуамӕ ӕфсармыл уа, уымӕн ӕмӕ мах алкӕддӕр стӕм чырыстӕттӕ ӕмӕ Хуыцауы лӕггадгӕнджытӕ — бон 24 сахаты» (1 Тим. 2:9, 10).
8 Нӕ уӕлӕдарӕс хъуамӕ уа ӕфсарм ӕмӕ ӕгъдауыл. Хуыцауыл кӕй ӕууӕндӕм, уый кӕддӕриддӕр нӕ уынд ӕмӕ нӕ уагӕй бӕрӕг куы уа, уӕд адӕмимӕ дзурынӕй никуы фефсӕрмы уыдзыстӕм, зӕгъгӕ, ме ’ддаг бакаст чырыстоны бакасты хуызӕн нӕу.
9. Павелӕн Ромы цы бантыст?
9 Фадат нын куы фӕзыны, уӕд хъусын кӕнын у арфӕйаг хъуыддаг. Павел Ромы иу хӕдзары дыууӕ азы дӕргъы ахст куы уыд, уӕд федта йӕ хъусын кӕныны хъуыддаджы дыргътӕ. Лука загъта, зӕгъгӕ, «иутӕ разы кодтой йӕ ныхӕстимӕ» (Ап. к. 28:24). Павел цас «бӕстон ӕвдисӕнад лӕвӕрдта», уымӕн йӕхӕдӕг саргъ кодта, афтӕ куы ныффыста: «Мӕ фадӕттӕ иттӕг ӕххуыс... фесты Евангелийы фесгуыхтӕн; цӕвиттон хъуыддагӕн, Чырыстийы тыххӕй ахсты кӕй дӕн уый зындгонд сси ӕгас преторийы, ӕмӕ ӕндӕрты ӕхсӕн дӕр; ӕмӕ ӕфсымӕртӕн сӕ фылдӕр, мӕ ахстмӕ гӕсгӕ, Хуыцауӕй сныфсхаст уӕвгӕйӕ, стырдӕр ӕхсарӕй ӕдӕрсгӕйӕ байдыдтой ӕргом амонын Хуыцауы дзырд» (Фил. 1:12—14, НФ).
10. Фарон сӕрд иу лӕг ӕмӕ ус хорз куыд аныхас кодтой?
10 Фарон сӕрд иу лӕг ӕмӕ ус облӕстон конгрессы иу бон куы фесты, уӕд уый фӕстӕ хорз аныхас кодтой иу официанткӕимӕ, сӕ риуыл цы плакеткӕтӕ уыд, уыдонӕй сӕ куы бафарста, уӕд. Уыдон ын радзырдтой конгрессы тыххӕй ӕмӕ ма Библимӕ гӕсгӕ адӕммӕ цавӕр фидӕн ӕнхъӕлмӕ кӕсы, уый тыххӕй дӕр. Ныууагътой йын трактат «Фӕнды дӕ Библи хуыздӕр базонын?» ӕмӕ йын бамбарын кодтой, куыд ис Библи хӕдзары лӕвар ахуыр кӕнӕн. Сылгоймаджы бафӕндыд, цӕмӕй йӕм исчи ӕрбацӕуа, йӕ ном ӕмӕ йӕ адрис трактатыл фӕстейӕ ныффыста, ӕмӕ йӕ уыцы лӕг ӕмӕ усы быгъдуан бакодта. Ацы аз зӕрдиагӕй куы архайӕм ӕмӕ «бӕстон ӕвдисӕнад куы дӕттӕм», уӕд ныл ахӕм хорз хабӕрттӕ куыннӕ цӕудзӕн?
11. Цӕмӕй ацы сӕрд «бӕстон ӕвдисӕнад дӕтгӕйӕ», хорз хабар хъусын кӕнӕм, уый тыххӕй нӕ цавӕр миниуджытыл хъӕудзӕн бакусын?
11 Бӕстон хъусын кӕнӕм хорз хабар. Ахъуыды ма кӕн, куыд амондджын уыдаид Павел, куы фехъуыста, йе ’мчырыстӕттӕ уыйау зынгзӕрдӕйӕ кӕй хъусын кӕнынц! Уӕдӕ мах дӕр ацы аз, облӕстон конгрессы бонты хорз хабар хъусын кӕнӕм, фадат нын куы фӕзына, уӕд нӕ Библийыл бындуриуӕггӕнӕг уырнындзинӕдты тыххӕй ӕвдисӕнад дӕтгӕйӕ.
[Рамкӕ 3 фарсыл]
Фадат куы фӕзына, уӕд нӕм хъусын кӕнынӕн цавӕр литературӕ хъуамӕ уа
■ «Фӕнды дӕ Библи хуыздӕр базонын?» (трактат)
■ «Хуыцау нӕ цы домы?» (брошюрӕ)
■ «Хорз хабар ӕппӕт адӕмтӕн» (гыццыл чиныг)
■ Библи ахуыр кӕнынӕн ӕндӕр литературӕ
[Рамкӕ 4 фарсыл]
Ма сӕ ферох кӕнӕм!
Кӕй ма ферох кӕнӕм? Чырыстийы мӕлӕт Ӕрымысӕн изӕрмӕ кӕнӕ сӕрмагонд раныхасмӕ чи ӕрбацыд, ӕппӕт уыцы цымыдисгӕнаг адӕмы. Ацы азы облӕстон конгресмӕ сӕ фӕхуыдтам? Зӕрдӕбынӕй сӕ куы фӕхонӕм, уӕд сӕ, гӕнӕн ис, конгресмӕ бирӕтӕ ацӕуой. Конгрессы хорз адӕмыл куы сӕмбӕлой ӕмӕ монон программӕйӕ сӕ уырнындзинад куы бафидар уа, уӕд Иегъовӕ ӕмӕ йӕ организацимӕ баввахсдӕр уыдзысты. Цӕй уӕдӕ сӕ фӕхонӕм ӕмӕ фенӕм, ӕрбацӕудзысты ӕви нӕ? Алцыдӕр сын лӕмбынӕг бамбарын кӕнут, уыимӕ конгресс кӕд уыдзӕн, кӕм цӕудзӕн, уырдӕм куыд цӕугӕ у, программӕ кӕд райдайдзӕн ӕмӕ кӕд фӕуыдзӕн, стӕй ма сын цыбыртӕй радзурут, программӕйы цы уыдзӕн, уый дӕр. Программӕйы тыххӕй цыбыр афӕлгӕст ис 2003 азы 8 июны «Райхъал ут!»-ы фӕстаг фарсыл (уыр.).