Фадат дын куы фӕзыны, уӕд фӕхъусын кӕныс?
1. Цавӕр хабарӕй у бӕрӕг, фадат нын куы фӕзына, уӕд куы хъусын кӕнӕм, уӕд нӕм хорз кӕй байхъусдзысты?
1 Фадат нын куы фӕзына, уӕд куы хъусын кӕнӕм, уӕд нӕм, чи зоны, хорз байхъусой. Библийы уымӕн бирӕ бӕлвырдгӕнӕнтӕ ис (Иоан. 4:7–15). Нӕхи куыд бацӕттӕ кӕнӕм, цӕмӕй-иу адӕймагӕн хорз хабар радзурӕм, фадат нын куы фӕзына, уӕд?
2. Нӕ уӕлӕдарӕс ӕмӕ не ’ддаг бакаст нын хъусын кӕнынӕн куыд ӕххуыс кӕнынц?
2 Уӕлӕдарӕс ӕмӕ ӕддаг бакаст. Нӕ конд ӕмӕ не ’ддаг бакастмӕ алкӕддӕр нӕ хъус куы дарӕм, уӕд нӕ бон уыдзӕн нӕ уырнындзинады тыххӕй сӕрибарӕй дзурын (1 Тим. 2:9, 10). Не ’ддаг бакаст аив куы нӕ уа, уӕд, чи зоны, фефсӕрмы кӕнӕм искӕимӕ сныхас кӕнын. Фӕлӕ нӕ уӕлӕдарӕс аив ӕмӕ сыгъдӕг куы уой, уӕд уый адӕм дӕр бафиппайдзысты. Иухатт фӕндагыл цӕугӕйӕ лӕг ӕмӕ ус, Йегъовӕйы Ӕвдисӕнтӕ, иу пысылмон лӕджы фарсмӕ бадтысты. Куыд конд уыдысты, уымӕ нӕлгоймаг йӕ хъус ӕрдардта ӕмӕ сӕ бафарста, чырыстӕттӕ стут, зӕгъгӕ. Уыйадыл ӕртӕ сахаты бӕрц Библийыл фӕныхас кодтой.
3. Нӕ бон куыд у Чырыстийы фӕзмын, цӕмӕй-иу адӕмимӕ ныхас кӕнын райдайӕм?
3 Ныхас цӕмӕй райдайӕм? Чырысти самариаг сылгоймагыл Иаковы цъайы цур куы фембӕлд, уӕд дзы нуазынӕн дон ракуырдта, ӕмӕ афтӕмӕй йемӕ ныхас кӕнын райдыдта. Махӕн дӕр нӕ бон у адӕймагӕн исты зӕгъын кӕнӕ йӕм хуымӕтӕг фарста раттын, цӕмӕй йемӕ ныхас кӕнын райдайӕм. Кӕд хатт ӕфсӕрмы дӕр фӕкӕнӕм, уӕддӕр-иу Йегъовӕйы фӕрцы «нӕхимӕ уыйас ныфс ссардзыстӕм», цӕмӕй адӕймагӕн хорз хабар радзурӕм (1 Фес. 2:2).
4. Нӕхи куыд бацӕттӕ кӕнӕм хъусын кӕнынмӕ?
4 Агур фадӕттӕ. Хотӕ ӕмӕ ’фсымӕртӕй бирӕтӕ хъусын кӕнынӕн ссарынц фадӕттӕ. Ахъуыды-иу кӕн дӕ уавӕртыл ӕмӕ боны мидӕг кӕуыл фембӕлдзынӕ, уыцы адӕмыл. Демӕ-иу хӕсс литературӕ ӕмӕ Библи. Адӕммӕ дӕ хъус дар. Куыд хъусын кӕндзынӕ, ууыл рагацау куы хъуыды кӕнай, уӕд дын зын нӕ уыдзӕн хорз хабар радзурын, фадат дын куы фӕзына, уӕд (Фил. 1:12–14; 1 Пет. 3:15).
5. Цӕмӕн хъӕуы пълан кӕнын, цӕмӕй-иу хъусын кӕнӕм, фадат нын куы фӕзына, уӕд?
5 Йегъовӕйы ӕмӕ адӕмы кӕй уарзӕм, уый тыххӕй хъуамӕ ӕдзухдӕр агурӕм фадӕттӕ хъусын кӕнынӕн (Матф. 22:37–39). Ацы дунейы кӕрон тагъд кӕй ӕрцӕудзӕн, уымӕ гӕсгӕ хъӕуы пълан кӕнын, цӕмӕй-иу адӕмӕн хъусын кӕнӕм, фадат нын куы фӕзына, уӕд. Хъуамӕ цӕттӕ уӕм алы уавӕры дӕр Хуыцауы Паддзахады тыххӕй хорз хабар радзурынмӕ, цӕлынмӕ ма рӕстӕг ис, уӕдмӕ (Ром. 10:13, 14; 2 Тим. 4:2).