Районон конгрессы программӕ фӕлхат кӕныны ӕрмӕг

Ацы ӕрмӕг ӕвзӕрст цӕудзӕн Хъусын кӕныны фембӕлдты, 2006 лӕггады азы районон конгрессы размӕ ӕмӕ йӕ фӕстӕ. Конгрессы размӕ сӕрдариуӕггӕнӕг цӕстдарӕг ӕрныхас кӕндзӕн, ног программӕйы цы уыдзӕн, ууыл, ӕмӕ йӕ конгрессы фӕстӕ та ӕмбырдимӕ сфӕлхат кӕндзысты, 2004 азы августы «Нӕ хъусын кӕныны хъуыддаг»-ы 4 фарсыл куыд амынд у, уымӕ гӕсгӕ. Фӕлхаты рӕстӕджы ӕргом фылдӕр аздахын хъӕуы, ӕрмӕгӕй царды куыд спайда кӕнӕм, уымӕ.

ФЫЦЦАГ БОН

1. Нӕ бон куыд у ног удыхъӕды сфӕлындын ӕмӕ ууыл дарддӕр дӕр цӕмӕн хъуамӕ кусӕм?

2. Иуӕй-иутӕ фылдӕр лӕггад кӕнын куыд райдыдтой?

3. Нӕхи иннӕтимӕ цӕуылнӕ хъуамӕ барӕм?

4. Нӕ удыхъӕд кӕй фӕивтам, уый нӕ бинонты ’хсӕн куыд хъуамӕ зына?

5. Ӕмбырдыл ӕнувыд кӕй стӕм, уый цавӕр хъуыддӕгтӕй ис равдисӕн?

6. Ног удыхъӕдыл кӕй кусӕм, уый уацамынды куыд хъуамӕ уа бӕрӕг?

7. Арф хъуыды кӕнӕм, уый куыд ӕмбаргӕ у ӕмӕ нын цы ахъаз у?

8. Цавӕр миниуджытӕ сты ӕнӕмӕнг, цӕмӕй нӕ Иегъовӕ ахуыр кӕна?

ДЫККАГ БОН

9. Цас ахсджиаг у зондджын ныхас кӕнын?

10. Не ’мкусджытимӕ, нӕ къласӕгтимӕ ӕмӕ иннӕтимӕ уӕздан ныхас куы кӕнӕм, уӕд уый цы хорзӕхтӕ ӕрхӕсдзӕн?

11. Павел Ефесӕгтӕм 4:25–32 цы уынаффӕ радта, уый нын не ’муырнджытимӕ хӕларӕй цӕрынӕн куыд фӕахъаз уыдзӕн?

12. Иууыл хуыздӕр та цӕуыл у нӕ бон ныхас кӕнын?

13. Цы хъуамӕ аразӕм, цӕмӕй Сайтаны ныхмӕ фидар фӕлӕууӕм?

14. Цавӕр хъуыддӕгты нӕ хъӕуы архайын, цӕмӕй ацы дунейӕ ма счъизи уӕм?

15. Нӕ удыхъӕд ногдӕр кӕныныл нӕ ӕрвылбон дӕр цӕмӕн хъӕуы кусын ӕмӕ уый куыд аразӕн ис?

16. Ацы районон конгрессы уынаффӕтӕй кӕцыйӕ спайда кӕндзынӕ?