Иубонон конгрессы ног программӕ

Фыццаг ӕнусы чырыстӕтты Хуыцау йӕ сыгъдӕг удӕй схайджын кодта ӕмӕ сӕ хъарутыл нӕ ауӕрстой, цӕмӕй хорз хабар дӕрдтыл хъусын кодтаиккой (Ап. к. 1:8; Кол. 1:23). 2007 лӕггады азы иубонон конгресс «Не ’ппӕт хъарутӕ дӕр саразӕм Хуыцауы ныхасмӕ», зӕгъгӕ нын баххуыс кӕндзӕн, цӕмӕй сын сӕ диссаджы цӕвиттон фӕзмӕм (Ап. к. 18:5, НД).

Хуыцауы ныхасы фыст сты паддзах Давиды ныхӕстӕ: «Хицауы раргомдзинад раст у, зондджын кӕны хуымӕтӕгты» (Пс. 18:8). 2007 лӕггады азы иубонон конгрессы программӕ ӕфсымӕртӕ хорз бацӕттӕ кодтой. Дзырд дзы цӕудзӕн, Фыстад «хъуыддӕгтӕ раст кӕнынӕн» куыд ӕххуыс кӕны, ууыл. Уый нӕ сразӕнград кӕндзӕн, цӕмӕй хъусын кӕнгӕйӕ ӕмӕ ахуыргӕнинӕгты цӕттӕ кӕнгӕйӕ Хуыцауы Ныхасӕй пайда кӕнӕм ӕмӕ, цы рӕстӕджы цӕрӕм, уый ма рох кӕнӕм (2 Тим. 3:16, 17). Ног программӕйӕ базондзыстӕм, Библийы уагӕвӕрдтӕм гӕсгӕ цӕргӕйӕ нӕ бон куыд у нӕхи къӕппӕджытӕй хизын ӕмӕ нӕхи хӕрзӕбоныл тыхсын. Базондзыстӕм ма, куыд хъуамӕ пайда кӕнӕм Хуыцауы Ныхасӕй, цӕмӕй ӕрыгӕттӕн ӕмӕ ногтӕн уырнындзинады рӕзынӕн ӕххуыс кӕнӕм.

Программӕйы райдианмӕ ма байрӕджы кӕн. Лӕмбынӕг-иу хъус. Цыбыртӕй фысс, спайда кӕнын дӕ цы хъуыдытӕй бафӕнда, уыдон. Бузныг у, цы амындтӕ ӕмӕ нын нӕ зӕрдыл цы фӕдзӕхстытӕ лӕууын кӕндзысты, уыдоны тыххӕй ӕмӕ хъуыды кӕн, цы базонай, уыдон дӕ кӕм бахъӕудзысты, ууыл.

Нӕ иубонон конгрессы программӕ нын баххуыс кӕндзӕн, цӕмӕй Библийӕн тынгдӕр аргъ кӕнӕм ӕмӕ Хуыцауы Паддзахады хорз хабар дарддӕр дӕр зынгзӕрдӕйӕ хъусын кӕнӕм. Стӕй ма дзы фендзыстӕм, уыцы хъуыддаджы нӕ бон иннӕтӕн куыд у баххуыс кӕнын, уый дӕр. Иегъовӕ нын уыцы конгрессы цы амона, уыдӕттӕм лӕмбынӕг хъус! (Ис. 30:20ӕ, 21).