Уацамынды дӕ рӕстӕгӕй хорз пайда кӕн
1 Хъусын кӕныны хъуыддаджы ма бирӕ хъӕуы саразын, рӕстӕг та бирӕ нал баззад (Иоан. 4:35; 1 Кор. 7:29). Нӕ хъуыддӕгтӕ хорз ӕмӕ рагацау куы пълан кӕнӕм, уӕд уацамындӕн цы рӕстӕг рахицӕн кодтам, уымӕй хорз пайда кӕндзыстӕм.
2 Цӕттӕ кӕн. Цалынмӕ уацамындон фембӕлдмӕ нӕ ацӕуыс, уӕдмӕ уал-иу ӕркӕс, цы литературӕ дӕ хъӕудзӕн, уый дӕм ис ӕви нӕ, стӕй дӕ ныхас цӕмӕй райдайдзынӕ, уый-иу хорз бацӕттӕ кӕн. Фембӕлды фӕстӕ-иу ӕвӕстиатӕй ацу хъусын кӕнынмӕ. Уый фӕрцы дӕуӕн дӕр ӕмӕ де ’мбалӕн дӕр фылдӕр бантысдзӕн.
3 Кӕд дын уацамындон фембӕлд бацӕттӕ кӕнын бахӕс кодтой, уӕд-иу афоныл райдай. Фембӕлд хъуамӕ уа цыбыр, 10–15 минутӕй фылдӕр нӕ. Кӕронбӕттӕны-иу бафӕрс, алкӕмӕн дӕр сӕ ис ӕмбал, стӕй кӕм хъусын кӕной, уый ис ӕви нӕ.
4 Уацамынды рӕстӕг. Уацамындон фембӕлды фӕстӕ-иу ма ныффӕстиат у, уайтагъд-иу ацу дӕ участокмӕ. Кӕд ӕй рагацау зоныс, участоккӕй иннӕтӕй раздӕр ацӕудзынӕ, уӕд-иу дӕхӕдӕг бацагур, фӕстӕмӕ цӕуыл рацӕуай, ахӕм транспорт, цӕмӕй де ’мбӕлттӕ дарддӕр хъусын кӕной. Искуыдӕм къордӕй куы ацӕут хъусын кӕнынмӕ, уӕд-иу иннӕтыл хъуыды кӕн: уӕд та дӕм ӕнхъӕлмӕ кӕсынц, цалынмӕ ныхас кӕныс, уӕдмӕ. Зӕгъӕм, быцӕу чи кӕны, ахӕм адӕймаджы ис ныууадзӕн, куыннӕ йӕ фӕхъыг кӕнай, афтӕ. Фылдӕр базонын кӕй фӕнды, уымӕн та дӕ бон у зӕгъын, иннӕ хатт дӕм ӕрбацӕудзынӕн, зӕгъгӕ (Матф. 10:11).
5 Адӕммӕ ногӕй куы цӕуай, уӕд уал-иу абӕрӕг кӕн, уыцы иу ран чи цӕры, уыдоны. Афтӕмӕй дӕ рӕстӕг дзӕгъӕл рацу-бацуйыл нӕ хардз кӕндзынӕ. Чи зоны, кӕмӕдӕрты телефонӕй дӕр бадзурӕн уа, цӕмӕй йӕ базонай, хӕдзары уыдзысты ӕви нӕ (Ӕмб. 21:5). Кӕд ӕй зоныс, кӕмӕдӕр фылдӕр кӕй афӕстиат уыдзынӕ, уӕд-иу рагацау ахъуыды кӕн, уацамынды кӕимӕ рацыдтӕ, уыдон кӕм хъусын кӕндзысты, ууыл. Чи зоны, сӕ бон уа ӕввахс кӕмдӕр хъусын кӕнын кӕнӕ, фыццаг хатт чи байхъуыста, уыдонмӕ бацӕуын.
6 Мах цӕрӕм хор кӕрдыны афон (Матф. 9:37, 38). Тагъд ацы куыст фӕуыдзӕн. Уымӕ гӕсгӕ нӕ фӕнды уацамынды нӕ рӕстӕгӕй хорз пайда кӕнын.