Кӕмӕн хъусын кӕнӕм, уый ӕндӕр ӕвзагыл куы дзура
1. Хъусын кӕнгӕйӕ ӕмгуыст кӕнын цӕмӕн хъӕуы?
1 Ӕнӕхъӕн дунейы Хуыцауы Паддзахады хъусынгӕнджытӕ тынг арӕх сӕмбӕлынц, фылдӕр базонын кӕй фӕнды, фӕлӕ ӕндӕр ӕвзагыл чи дзуры, ахӕм адӕмыл. Хъусынгӕнджытӕн баххуыс кӕныны тыххӕй филиалтӕй бирӕтӕ архайынц, цӕмӕй ӕндӕр ӕвзӕгтыл къордтӕ ӕмӕ ӕмбырдтӕ саразой. Иу ран адӕм цалдӕр ӕвзагыл кӕй фӕдзурынц, уымӕ гӕсгӕ, алыхуызон ӕвзӕгтыл кӕм дзурынц, уыцы ӕмбырдтӕн сӕ бон у уыцы иу ран хъусын кӕнын. Ӕмбырдтӕн сӕ бон куыд у ӕмгуыст кӕнын, цӕмӕй, хуыздӕр куыд у, афтӕ хъусын кӕной (1 Кор. 14:33).
2. Хӕдзарӕй хӕдзармӕ хъусын кӕнгӕйӕ нӕ бон куыд у, ӕндӕр ӕвзагыл цы къордтӕ ӕмӕ ӕмбырдтӕ ис, уыдонимӕ ӕмгуыст кӕнын?
2 Ӕмгуыст кӕнӕм. Уынджы кӕнӕ фадат куы фӕзыны, уӕд хъусынгӕнӕгӕн йӕ бон у алкӕмӕн дӕр, уыимӕ, ӕндӕр ӕвзагыл чи дзуры, уымӕн дӕр хорз хабар радзурын ӕмӕ йын йӕхи ӕвзагыл литературӕ раттын. Фӕлӕ кӕм цӕрӕм, уым, ӕндӕр ӕвзагыл чи дзуры, уыцы къордтӕ кӕнӕ ӕмбырдтӕ дӕр куы хъусын кӕной, уӕд хъуамӕ цӕуӕм, не ’мбырд цы ӕвзагыл у, уыцы ӕвзагыл чи дзуры, уыдонмӕ. Уыцы иу ран цалдӕр ӕмбырды куы хъусын кӕной, уӕд алцыдӕр хъӕуы бӕстон фыссын. Уацамындӕн дзуапдӕттӕг цӕстдарджыты хъӕуы ӕмгуыст кӕнын ӕмӕ хъуыддӕгтӕ афтӕ пълан кӕнын, цӕмӕй се ’мбырдты хъусынгӕнджытӕ кӕрӕдзийы ма хъыгдарой (Ӕмб. 11:14). Фӕлӕ хӕдзарӕй хӕдзармӕ хъусын кӕнгӕйӕ, ӕндӕр ӕвзагыл чи дзуры, ахӕм адӕймагыл куы сӕмбӕлӕм ӕмӕ ӕввахс уыцы ӕвзагыл ӕмбырд куы нӕ уа, уӕд ын хъуамӕ хъусынгӕнӕг хорз хабар радзура ӕмӕ йын дарддӕр ӕххуыс кӕна.
3. Куыд кӕнгӕ у, алыхуызон ӕвзӕгтыл кӕм дзурынц, уыцы къордты кӕнӕ ӕмбырдты хъусынгӕнджытӕ уыцы иу ран куы хъусын кӕной, уӕд?
3 Иу хъуыддаг аразӕм. Куыд кӕнгӕ у, алыхуызон ӕвзӕгтыл кӕм дзурынц, уыцы ӕмбырдтӕй хъусынгӕнджытӕ уыцы иу бон ӕмӕ уыцы иу ран куы хъусын кӕной, уӕд? Кӕй зӕгъын ӕй хъӕуы, чырыстон уарзондзинад кӕмӕ ис, уыдонӕн уӕлдай нӕу, чи цы ӕвзагыл дзуры, уый, фӕлӕ ӕмбарынц, адӕм хорз хабар кӕй хъуамӕ фехъусой (Иоан. 13:34, 35). Уымӕ гӕсгӕ, ӕндӕр ран хъусын кӕнынмӕ кӕцы къорд хъуамӕ ацӕуа, уый фӕдыл уынаффӕ хӕсгӕйӕ, ӕфсымӕртӕ уарзондзинадимӕ ӕмӕ ӕмбаргӕйӕ фӕархайынц (Иак. 3:17, 18).
4. Цавӕр пехуымпарад ӕххӕст кӕны абон?
4 Библийы фыст уыд, хорз хабар кӕй хъуамӕ фехъусой алыхуызон ӕвзӕгтыл дзурӕг адӕм (Рарг. 14:6, 7). Алыхуызон ӕвзӕгтыл кӕм дзурынц, уыцы ӕмбырдтӕ ӕмгуыст куы кӕной, уӕд хъусынгӕнджытӕ уыцы иу адӕммӕ нӕ цӕудзысты ӕмӕ афтӕмӕй бирӕтӕн фехъусын кӕндзысты хорз хабар (Еф. 4:16).