Адӕмы хонӕм Ӕрымысӕн изӕрмӕ!
1. Ӕрымысӕн изӕры размӕ ӕнӕхъӕн дунейы цавӕр куыст цӕудзӕн?
1 Йӕ мӕлӕты размӕ ’хсӕв Чырысти бафӕдзӕхста: «Афтӕ-иу кӕнут мӕн ӕрымысыны тыххӕй» (Лук. 22:19). Йегъовӕйы Ӕвдисӕнтӕ ӕмӕ, Хуыцауы тыххӕй фылдӕр базонын кӕй фӕнды, уыдон ацы фӕдзӕхстмӕ кӕй хъусынц, уымӕ гӕсгӕ 2010 азы 30 мартъийы ӕрӕмбырд уыдзысты, цӕмӕй Чырыстийы мӕлӕт сӕ зӕрдыл ӕрлӕууын кӕной. Ӕнӕхъӕн дунейы дӕр хондзыстӕм адӕмы уыцы бон сбӕрӕг кӕнынмӕ, ӕмӕ уый тыххӕй 13 мартъийӕ 30 мартъимӕ парахат кӕндзыстӕм хуынды гӕххӕттытӕ.
2. Куыд у нӕ бон адӕмы Ӕрымысӕн изӕрмӕ хонын?
2 Адӕмы куыд хонӕм? Адӕймагӕн хуынды гӕххӕтт равдис, цӕмӕй йын йӕ ныв уына, стӕй зӕгъ: «30 мартъийы ӕнӕхъӕн дунейы дӕр бирӕ адӕм ӕрӕмбырд уыдзысты, цӕмӕй Чырыстийы мӕлӕт сӕ зӕрдыл ӕрлӕууын кӕной. Дӕу дӕр ӕмӕ дӕ бинонты дӕр зӕрдиагӕй хонӕм. Кӕд ма дӕ демӕ искӕй ракӕнын фӕнды, уӕд табуафси. Мӕнӕ ам фыст ис, кӕм ӕмӕ цафон ӕмбырд кӕндзыстӕм, уый». Дӕ бон ма у адӕймагӕн бакӕсын Лукайы 22:19 стих, цӕмӕй фена, Библийы дӕр фыст кӕй ис, уыцы бон зӕрдыл лӕууын кӕнын кӕй хъӕуы, уый. Фӕлӕ-иу дӕ рох ма уӕд, бирӕ рӕстӕг нын кӕй нӕй, цӕмӕй нӕ участоктыл аххӕссӕм ӕмӕ уымӕ гӕсӕ, хуыздӕр уаид, цыбыртӕй куы дзуриккам.
3. Ӕрымысӕн изӕрмӕ кӕй фӕхонӕн ис?
3 Кӕд уе ’мбырдӕн бирӕ участоктӕ ис, уӕд хистӕр нӕлгоймӕгтӕн сӕ бон у уынаффӕ рахӕссын, цӕмӕй-иу фыццаг бацыды рӕстӕг дӕр хуынды гӕххӕттытӕ ныууадзӕм, хӕдзары чи нӕ уа, уыдонӕн. Нӕ бон сӕ у журналтимӕ дӕр дӕттын. Ма ферох кӕн фӕхонын, дыккаг хатт кӕмӕ бацӕуыс ӕмӕ Библи кӕимӕ ахуыр кӕныс, уыдоны, стӕй де ’мкусджыты, де ’мкъласонты, дӕ хӕстӕджыты, дӕ сыхӕгты ӕмӕ дӕ зонгӕты.
4. Йегъовӕйы уарзондзинадӕн кӕй аргъ кӕнӕм, уый нӕ цӕмӕ разӕнгард кӕны?
4 Зӕрдиагӕй архай. Ӕрымысӕн изӕры рӕстӕг нын замманай фадат уыдзӕн фылдӕр хъусын кӕнынӕн. Дӕ бон у дӕ хъуыддӕгтӕ афтӕ спълан кӕнын, цӕмӕй ӕххуысгӕнӕг пионерӕй балӕггад кӕнай? Кӕд дӕ сывӕллоны кӕнӕ, Библи кӕимӕ ахуыр кӕныс, уый хъусын кӕнын фӕнды, уӕд зӕгъ хистӕр нӕлгоймӕгтӕн. Уыдон йемӕ аныхас кӕндзысты, ӕмӕ йын, чи зоны, бар радтой, цӕмӕй Ӕрымысӕн изӕры размӕ ӕнаргъуыд хъусынгӕнӕг суа. Йегъовӕ йӕ Фырты нывондӕн кӕй ӕрхаста, уымӕй равдыста стыр уарзондзинад. Ӕмӕ дзы бузныг кӕй стӕм, уымӕ гӕсгӕ ӕрмӕст ууыл нӕ бацархайдзыстӕм, цӕмӕй Ӕрымысӕн изӕрмӕ нӕхӕдӕг ӕрбацӕуӕм, фӕлӕ ма, гӕнӕн уӕвгӕйӕ, фылдӕр адӕмы дӕр фӕхондзыстӕм (Иоан. 3:16).