Куыд ис пайда кӕнӕн бланкӕй «Пожалуйста, посети этого человека» (S-43-U)
Ацы бланк дзаг кӕнын хъӕуы, нӕ территорийы чи нӕ цӕры кӕнӕ ӕндӕр ӕвзагыл чи дзуры, ахӕм адӕймагыл куы фембӕлӕм ӕмӕ нӕм хорз куы байхъуса, уӕд. Раздӕр-иу ацы бланк дзаг кодтам, ӕндӕр ӕвзагыл дзурӕг адӕймаг-иу нӕм байхъуыста ӕви нӕ, уӕддӕр. Фӕлӕ йӕ ныр та дзаг кӕндзыстӕм, адӕймаг-иу нӕм куы байхъуса, ӕрмӕстдӕр уӕд. Ацы хъуыддаг, хъусӕй чи нӕ хъусы, уыдонмӕ нӕ хауы. Ахӕм адӕймагыл-иу куы фембӕлӕм, уӕддӕр-иу хъуамӕ уыцы бланк (S-43-U) байдзаг кӕнӕм, Хуыцауы тыххӕй йӕ фылдӕр базонын фӕнда ӕви нӕ, уӕддӕр.
Бланк куы байдзаг кӕнӕм, уӕд ын дарддӕр цы кӕнгӕ у? Хъуамӕ йӕ раттӕм ӕмбырды секретармӕ. Кӕцы ӕмбырдмӕ йӕ хъӕуы арвитын, уый куы зона, уӕд ӕй уыцы ӕмбырды хистӕр нӕлгоймӕгтӕм фӕхӕццӕ кӕндзӕн, цӕмӕй, фылдӕр базонын кӕй фӕнды, уыцы адӕймагмӕ искӕй барвитой. Куы нӕ йӕ зона, уыцы бланк кӕцы ӕмбырдмӕ ис раттӕн, уӕд ӕй арвитын хъӕуы филиалмӕ.
Фылдӕр базонын кӕй фӕнды, уыцы адӕймаг ӕндӕр ӕвзагыл куы дзура ӕмӕ уӕ территорийы куы цӕра, уӕд ӕй уӕ бон у бӕрӕг кӕнын, цалынмӕ йӕм, йе ’взагыл цы ӕмбырд ис, уырдыгӕй исчи нӕ райдайа цӕуын, уӕдмӕ. (Кӕс 2009 азы ноябры «Нӕ хъусын кӕнын хъуыддаг», 4 фарс.)