Ӕвӕстиатӕй архай

Нӕ сайт куыд конд у, уый кӕй фӕивта, уый фӕрцы, Библи ахуыр кӕнын кӕй фӕнды, ахӕм адӕмӕй тынг бирӕ курдиӕттӕ исын райдыдтам. Бирӕ адӕм кӕм вӕййы, ахӕм рӕтты хъусын кӕнынӕн ног мадзал кӕй фӕзынд, уый фӕрцы дӕр райсӕм бирӕ курдиӕттӕ Библи ахуыр кӕныны тыххӕй. Филиал бацархайы, цӕмӕй уыцы курдиӕттӕм тагъд ӕркӕса. Зӕгъӕм, адӕймаг йӕ курдиат арвыста jw.org уылты. Уӕд филиал, уыцы адӕймаг кӕм цӕры, уыцы ӕмбырды хистӕр нӕлгоймӕгтӕм арӕхдӕр фӕхабар кӕны дыууӕ бонмӕ дӕр. Фӕлӕ куыд базыдтам, афтӕмӕй Библи ахуыр кӕныны тыххӕй курдиат чи арвиты, уыдонӕй кӕмӕдӕрты цалдӕр къуырийы дӕргъы дӕр ничи бацӕуы. Цымӕ цы саразӕн ис, цӕмӕй ахӕм адӕймагӕн баххуыс кӕнӕм, цалынмӕ ма йӕ Библи ахуыр кӕнын фӕнды, уӕдмӕ? (Мар. 4:14, 15).

Библи ахуыр кӕнын кӕй фӕнды, уыцы адӕймаг уӕ территорийы куы нӕ цӕра, уӕд ӕвӕстиатӕй байдзаг кӕн бланк «Пожалуйста, посети этого человека» (S-43) ӕмӕ йӕ уе ’мбырды секретармӕ ратт иннӕ фембӕлды, уымӕй фӕстӕдӕр нӕ. Секретарь хъуамӕ иу-дыууӕ боны фӕстӕ уыцы адӕймаджы тыххӕй фӕхабар кӕна, кӕмӕ хъӕуы, уыцы ӕмбырдмӕ кӕнӕ филиалмӕ сайты jw.org хай «Собрание»-йы уылты. Хистӕр нӕлгоймӕгтӕ хъуамӕ ӕдзухдӕр кӕсой, сайты ногӕй цы фӕзыны, уымӕ. Кӕйдӕр бабӕрӕг кӕнын кӕй хъӕуы, уый тыххӕй информаци куы райсой, уӕд хъуамӕ ӕвӕстиатӕй архайой. Ахӕм адӕймаджы бабӕрӕг кӕнын кӕмӕн бахӕс кӕной, уыцы хъусынгӕнӕг фыццаджыдӕр хъуамӕ уыцы хъуыддаг бакӕна. Адӕймаг хӕдзары куы нӕ разына, уӕд хорз уыдзӕн, дӕ адрис кӕнӕ йын дӕ телефоны номыр гӕххӕттыл куы ныууадзис.