Куыд ис пайда кӕнӕн брошюрӕйӕ «Библи. Цавӕр ахсджиаг хабар дзы ис?»
Нӕ участокты бирӕтӕ, уӕлдайдӕр та чырыстон динтыл хӕст чи нӕу, уыдон Библиимӕ зонгӕ не сты. Хъусынгӕнджытӕй чидӕртӕ ахӕм адӕмимӕ Библи куы фӕахуыр кӕнынц, уӕд ма фӕпайда кӕнынц брошюрӕйӕ «Библийы хабар», цӕмӕй сӕ ахуыргӕнинӕгтӕн цыбыртӕй бамбарын кӕной, Библийы цы фыст ис, уый. Зӕгъӕм, иу ӕфсымӕр, Хуыцаумӕ зӕххы тыххӕй цы фӕнд ис, уый куы бамбарын кӕны, уӕд йӕ ахуыргӕнинаджы хъус ӕрдары ацы брошюрӕйы фыццаг сӕрмӕ. Алы ахуыры фӕстӕ дӕр брошюрӕйӕ иу сӕрмӕ ӕркӕсы. Мыййаг, Библиимӕ зонгӕ чи нӕу йе та дзы гыццыл цыдӕртӕ чи зоны, ахӕм адӕймагимӕ Библи ахуыр кӕныс? Ирвӕзындзинадмӕ чи кӕны, уыцы зонд дӕттынц сыгъдӕг Фыстытӕ (2 Тим. 3:15). Цӕмӕй дӕ ахуыргӕнинагӕн уыцы зонд ссарынӕн баххуыс кӕнай, уый тыххӕй ма ахуыр кӕнӕн ис брошюрӕ «Библийы хабар» дӕр.