Цы уавӕры сты?

Ацы фарстайыл фӕхъӕуы ахъуыды кӕнын, искӕмӕн исты публикаци куы фӕдӕттӕм, уӕд. Ӕнцъылдтӕ, сойӕдзаг кӕнӕ скъуыдтӕ куы уа йе та йӕ хуыз куы сива, уӕд адӕймаг нӕ организацимӕ хорз цӕстӕй нӕ ракӕсдзӕн ӕмӕ дзы ӕнусон царды тыххӕй цы диссаджы хабар ис фыст, уымӕн аргъ не скӕндзӕн.

Нӕ публикацитӕ сыгъдӕгӕй куыд дарӕм? Бирӕтӕн сӕ уацамындон хызынты иухуызон литературӕ ӕвӕрд вӕййы иу ран. Зӕгъӕм, чингуытӕ сӕвӕрынц иу ран, брошюрӕтӕ – иннӕ ран, трактаттӕ ӕмӕ ӕндӕр цыдӕртӕ та – ӕндӕр ран. Уацамынды адӕймагимӕ куы аныхас кӕнынц, уӕд сӕ Библитӕ ӕмӕ сӕ публикацитӕ сӕ хызынты фӕстӕмӕ афтӕ нывӕрынц, цӕмӕй ма нынцъылдтӕ уой. Иуӕй-иу хъусынгӕнджытӕ та сӕ сӕвӕрынц папкӕты кӕнӕ ӕндӕр ахӕм цыдӕрты. Куыдфӕнды сӕ ма хъахъхъӕнӕм, уӕддӕр хъуамӕ адӕмӕн ӕфсон ма дӕттӕм, цӕмӕй нӕм нӕ литературӕйы тыххӕй фаутӕ хӕссой (2 Кор. 6:3).