Алцыдӕр рагацау спълан кӕн, цӕмӕй фылдӕр балӕггад кӕнай
1. Ӕрымысӕн изӕры рӕстӕг нӕ бон цы у равдисын ӕмӕ йӕм нӕ бон нӕхи бацӕттӕ кӕнын куыд у?
1 Алы аз дӕр нын Ӕрымысӕн изӕры рӕстӕг фӕзыны хорз фадӕттӕ Йегъовӕйы «зӕрдиагӕй бӕрзонд кӕнынӕн» (Пс. 109:30). Йегъовӕ ахӕсты аргъ кӕй бафыста, уымӕй бузныг кӕй дӕ, уый мартъийы равдисдзынӕ, ӕмӕ фылдӕр балӕггад кӕндзынӕ? Уӕдӕ ныр дӕ хъуыддӕгтӕ афтӕ спълан кӕн, цӕмӕй уый дӕ къухы бафта (Ӕмб. 21:5).
2. Фарон апрелы ӕххуысгӕнӕг пионерты сахӕтты нормӕ кӕй фӕкъаддӕр, уый дӕуыл дӕр ӕмӕ иннӕтыл дӕр куыд бандӕвта?
2 Ӕххуысгӕнӕг пионерӕй лӕггад кӕнын. Фарон хотӕ ӕмӕ ӕфсымӕртӕ тынг бацин кодтой, куы базыдтой, апрелы ӕххуысгӕнӕг пионерты сахӕтты нормӕ кӕй фӕкъаддӕр кодтой, ууыл. Иу ӕфсымӕр ныффыста: «Ӕз ахуыр кӕнын скъолайы хистӕр кълӕсты ӕмӕ мын ӕххӕстрӕстӕг пионерӕй лӕггад кӕныны фадат нӕй. Фӕнды мӕ байдзаг кӕнын бланк 30 сахатӕн, фӕлӕ архайдзынӕн, цӕмӕй апрелы 50 сахаты раттон». Ӕнӕхъӕн бон чи кусы, иу ахӕм хо та ныффыста: «Ӕртын сахат балӕггад кӕнынӕн та цы хъӕуы!». Ӕмбырды ног сахӕтты нормӕйы тыххӕй куы фехъусын кодтой, уӕд раздӕр ӕххӕстрӕстӕг пионер чи уыди, иу ахӕм 80-аздзыд хо загъта: «Ахӕм фадатмӕ рагӕй ӕнхъӕлмӕ кастӕн! Йегъовӕ йӕ зоны, пионерӕй куы лӕггад кодтон, мӕ цардӕн йӕ хуыздӕр рӕстӕг, уый кӕй уыди!». Ӕххуысгӕнӕг пионерӕй балӕггад кӕнын йӕ бон кӕмӕн нӕ уыд, уыдон дӕр бацархайдтой, цӕмӕй фылдӕр хъусын кодтаиккой.
3. Мартъи, апрель ӕмӕ майы ӕххуысгӕнӕг пионертӕй балӕггад кӕнынӕн цавӕр фадӕттӕ уыдзӕн?
3 Мартъийы та нын хорз фадат уыдзӕн ӕххуысгӕнӕг пионертӕй балӕггад кӕнынӕн, уымӕн ӕмӕ та сахӕтты нормӕ уыдзӕн 30 ӕмӕ 50 сахаты. Уымӕй уӕлдай ма 17 мартъийы сабатӕй райдайдзӕн зиу – адӕмы хондзыстӕм Ӕрымысӕн изӕрмӕ. Уыдзӕн 5 апрелы. Бирӕты зӕрдӕмӕ фылдӕр хъусын кӕнын афтӕ фӕцӕудзӕн, ӕмӕ сӕ бафӕнддзӕн апрелы дӕр ӕмӕ майы дӕр ӕххуысгӕнӕг пионертӕй балӕггад кӕнын ӕмӕ 50 сахаты раттын.
4. Нӕ бон куыд у фылдӕр балӕггад кӕнын ӕмӕ нын уый цы ӕрхӕсдзӕн?
4 Хорз уаид, иннӕ хатт уӕ бинонты ахуыры рӕстӕг куы аныхас кӕниккат, Ӕрымысӕн изӕры рӕстӕг уӕ бинонтӕй алкӕмӕндӕр йӕ бон куыд уыдзӕн фылдӕр балӕггад кӕнын, ууыл (Ӕмб. 15:22). Йегъовӕмӕ кув, цӕмӕй уӕ фӕндтӕ уӕ къухы бафтой (1 Иоан. 3:22). Фылдӕр куы балӕггад кӕнай, уӕд Йегъовӕйы дӕр скадджын кӕндзынӕ ӕмӕ дӕ циндзинад дӕр фӕфылдӕр уыдзӕн (2 Кор. 9:6).