Йегъовӕйы кадджын кӕнынӕн ныр ис фылдӕр фадӕттӕ
1. Йегъовӕйы «зӕрдиагӕй бӕрзонд кӕнынӕн» нын цы баххуыс кӕндзӕн?
1 Ацы азӕй фӕстӕмӕ мартъи ӕмӕ апрелы, стӕй ӕмбырд районон цӕстдарӕг куы бӕрӕг кӕна, уӕд ӕххуысгӕнӕг пионерӕй лӕггад кӕнын кӕй фӕнды, уыдонӕн сӕ бон уыдзӕн 30 сахаты хъусын кӕнын. Районон цӕстдарӕг ӕмбырд цы къуыри бӕрӕг кӕна, уыцы къуыри-иу мӕйы кӕрон куы райдайа ӕмӕ иннӕ мӕйы райдианы куы фӕуа, уӕд хъусынгӕнӕгӕн йӕ бон уыдзӕн равзарын, уыцы мӕйтӕй ӕххуысгӕнӕг пионерӕй кӕцы мӕй лӕггад кӕндзӕн, уый. Ӕххуысгӕнӕг пионертӕн сӕ бон уыдзӕн, цӕуӕг цӕстдарӕгӕн ӕххӕстрӕстӕг ӕмӕ сӕрмагонд пионертимӕ цы фембӕлд уыдзӕн, уымӕ ӕнӕхъӕнӕй дӕр байхъусын. Уӕдӕ нӕ 50 сахаты хъусын кӕнын йӕ бон кӕмӕн нӕу, уыдонӕн дӕр сӕ бон у Йегъовӕйы «зӕрдиагӕй бӕрзонд кӕнын» – афӕдз цыппар хатты ӕххуысгӕнӕг пионертӕй лӕггад кӕнын ӕмӕ 30 сахаты хъусын кӕнын! (Пс. 109:30; 119:171).
2. Ӕмбырд районон цӕстдарӕг куы бӕрӕг кӕна, уӕд ӕххуысгӕнӕг пионертӕ цавӕр арфӕдзинӕдтӕй схайджын уыдзысты?
2 Районон цӕстдарӕг ӕмбырд куы бӕрӕг кӕна. Ныр фылдӕр хъусынгӕнджытӕн сӕ бон уыдзӕн ӕххуысгӕнӕг пионертӕй лӕггад кӕнын, районон цӕстдарӕг сӕ куы бӕрӕг кӕна, уӕд. Йемӕ уацамынды куы ацӕуӕм, уӕд нӕ кӕрӕдзийы уырнындзинад бафидар кӕндзыстӕм (Ром. 1:11, 12). Ӕххуысгӕнӕг пионертӕй бирӕтӕн уыцы къуыри сӕ бон уыдзӕн иу бон сӕхи куыстӕй дӕр ракурын. Ӕнӕхъӕн къуыри чи кусы, уыдонӕн сӕ бон у районон цӕстдарӕгимӕ баныхас кӕнын, цӕмӕй йемӕ сабаты кӕнӕ хуыцаубоны балӕггад кӕной. Ӕххуысгӕнӕг пионертӕн сӕ уырнындзинад куыд тынг бафидар уыдзӕн, ӕххӕстрӕстӕг ӕмӕ сӕрмагонд пионертимӕ цы фембӕлд вӕййы, уымӕ куы байхъусой, уӕд!
3. Ӕрымысӕн изӕры рӕстӕг хорз фадат цӕмӕн у, цӕмӕй ӕххуысгӕнӕг пионертӕй балӕггад кӕнӕм?
3 Мартъи ӕмӕ апрелы. Фарон Ӕрымысӕн изӕры рӕстӕг иу мӕй ӕххуысгӕнӕг пионерӕй чи балӕггад кодта, ома 30 сахаты чи хъусын кодта, уыдонӕн ацы аз сӕ бон уыдзӕн Йегъовӕйӕн «кады нывонд» дыууӕ хатты фылдӕр ӕрхӕссын! (Дзут. 13:15). Мартъи ӕмӕ апрелы нын вӕййы хорз фадат ӕххуысгӕнӕг пионертӕй балӕггад кӕнынӕн. Алы аз дӕр нын уыцы мӕйты вӕййы зиу – адӕмы фӕхонӕм Ӕрымысӕн изӕрмӕ. Стӕй уыцы рӕстӕг бирӕтӕ фылдӕр кӕй фӕлӕггад кӕнынц, уый фӕрцы нӕ бон вӕййы фылдӕр хъусынгӕнджытимӕ уацамынды цӕуын. Ӕрымысӕн изӕрмӕ чи ӕрбацыд, уыдоны-иу ногӕй бабӕрӕг кӕнӕм, цӕмӕй сӕрмагонд раныхасмӕ дӕр ӕрбацӕуой. Дӕу дӕр фӕнды ацы фадӕттӕй спайда кӕнын ӕмӕ ӕххуысгӕнӕг пионерӕй балӕггад кӕнын? (Лук. 6:45).