Хъахъхъӕн дӕ зонд

1. 2013 лӕггады азы районон конгресс цы хуыйны ӕмӕ йӕ нысан цы у?

¹ Йесо йӕ ахуыргӕнинӕгтӕн загъта, цӕмӕй Йегъовӕйы уарзтаиккой ӕппӕт зӕрдӕйӕ, ӕппӕт удӕй ӕмӕ ӕппӕт зондӕй (Матф. 22:37, 38). Ацы лӕггады азы цы конгресстӕ уыди, уыдон нын ӕнӕмӕнгдӕр бафидар кодтой, нӕ мидӕг цы адӕймаг ис, уый. Ӕвӕццӕгӕн уӕ зӕрдыл лӕууы, нӕ облӕстон конгресс кӕй хуынди «Хъахъхъӕн дӕ зӕрдӕ!». 2013 лӕггады азы иубонон конгресс хуыйны «Хъахъхъӕн де ’фсарм». Иннӕ мӕй чи райдайдзӕн, уыцы районон конгресстӕ та хуыйнынц «Хъахъхъӕн дӕ зонд» ӕмӕ арӕзт сты Матфейы 22:37. Ацы районон конгрессы программӕ нын баххуыс кӕндзӕн, цӕмӕй лӕмбынӕг кӕсӕм, цӕуыл фӕхъуыды кӕнӕм, уымӕ ӕмӕ архайӕм, цӕмӕй нӕ хъуыдытӕ Йегъовӕйӕн ноджы ӕхсызгондӕр уой.

2. Программӕйы рӕстӕг нӕ хъус цавӕр фарстатӕм хъуамӕ дарӕм?

² Ныхас дзы цӕуыл цӕудзӕн. Районон конгрессы рӕстӕг хъуамӕ нӕ хъус дарӕм, сӕйраг хъуыдытыл дзургӕйӕ ацы фарстатӕн цы дзуаппытӕ дӕтдзысты, уымӕ:

• Зӕххон адӕймаджы хъуыдытӕй нӕхи куыд бахизӕм?

• Ӕнӕуырнджытӕн куыд баххуыс кӕнӕм, сӕ сӕрызонд сын чи куырм кӕны, уыцы ӕмбӕрзӕн сисынӕн?

• Куыд нӕ фӕнды хъуыды кӕнын?

• Раст куы хъуыды кӕнӕм, уӕд нын уый цы пайда уыдзӕн?

• Нӕ бон куыд у Йегъовӕйӕн уый бар дӕттын, цӕмӕй нын нӕ зондыл ӕндава?

• Лӕгтӕн, устытӕн, ныййарджытӕн ӕмӕ сывӕллӕттӕн сӕ бон цы у аразын, цӕмӕй бинонтӕ амондджын уой?

• Йегъовӕйы бонмӕ цӕттӕ куыд уыдзыстӕм?

• Нӕ зонд ӕгасӕй дӕр ӕппӕт тыхтӕй архайынмӕ саразӕм, зӕгъгӕ, цы нысан кӕны?

• Йӕ зонындзинӕдтӕй чи пайда кӕны, уыдонӕн уый цы арфӕдзинӕдтӕ хӕссы?

3. Цӕмӕн хъӕуы конгрессы дыууӕ бонмӕ дӕр ацӕуын, лӕмбынӕг хъусын, ӕмӕ цы базонӕм, уымӕй пайда кӕнын?

³ Сайтан тох кӕны, цӕмӕй нӕ зондыл йӕ бар цӕуа ӕмӕ архайы, цӕмӕй нын нӕ зонд сзыгъуыммӕ кӕна (2 Кор. 11:3). Уымӕ гӕсгӕ хъуамӕ нӕ зонд хъахъхъӕнӕм ӕмӕ архайӕм, цӕмӕй нӕ хъуыдытыл нӕ бар цӕуа. Хъуамӕ дарддӕр дӕр, Чырысти куыд хъуыды кодта, афтӕ хъуыды кӕнӕм ӕмӕ ацы фыддунейы зондахасты ныхмӕ фидар лӕууӕм (1 Кор. 2:16). Нӕ хъуыддӕгтӕ афтӕ спълан кӕнӕм, цӕмӕй конгрессӕй иу бон дӕр ма фӕцух кӕнӕм. Лӕмбынӕг-иу хъусӕм. Цы базонӕм, уымӕй куы пайда кӕнӕм, уӕд нӕ зонд ӕгасӕй дӕр сараздзыстӕм Хуыцауы хъуыддӕгты зынгзӕрдӕйӕ архайынмӕ (1 Пет. 1:13).