Цымыдисаг цаутӕ

◼ Австрали. Джон у ахуыргонд лӕг. Гыццылӕй цыди аргъуанмӕ, фӕлӕ стӕй Хуыцауыл ӕппындӕр нал ӕууӕндыд. Иу пионер ын ныууагъта брошюрӕ «Была ли жизнь создана?», фӕстӕдӕр та брошюрӕ «У истоков жизни». Цӕмӕй йӕ Библийы тыххӕй фылдӕр базонын бафӕндыдаид, уый тыххӕй йын хаста ног журналтӕ, ӕмӕ-иу ын йӕ хъус ӕрдардта, дуне сфӕлдисыны кӕнӕ Библийы пехуымпарӕдты тыххӕй дзы цы статьятӕ уыди, уыдонмӕ. Пионеры хъуыдымӕ гӕсгӕ рӕстӕг куы ӕрцыд, уӕд Джонӕн бахаста чиныг. Уыцы чиныг ӕмбарын кӕны, Библи раст кӕй у ӕмӕ Хуыцауы комытӕфӕй фыст кӕй у, уый. Джон ӕй куы бакасти, уӕд йӕхи схуыдта «дызӕрдыггӕнаг агностик». Библийӕ дзы цы стихтӕ уыд, уыдон Джоныл афтӕ тынг бандӕвтой, ӕмӕ загъта: «Ӕвӕццӕгӕн та мӕ мӕ Библи фӕстӕмӕ скъаппӕй райсын хъӕуы».

◼ Мексикӕ. Иу нӕлгоймаг хъусынгӕнӕгӕн загъта, Библи Хуыцауы Ныхасыл кӕй нӕ нымайы. Хъусынгӕнӕг ын загъта, цӕмӕй иумӕ ӕркӕсой, Библи Хуыцауӕй кӕй у, уый чи бӕлвырд кӕны, ахӕм цӕвиттонтӕм. Цалдӕр хатты куы аныхас кодтой, уӕд йӕ зӕрдӕмӕ хъарын райдыдта, Библийӕ цы базыдта, уый. Уыцы нӕлгоймаг хъусынгӕнӕгӕн загъта: «Фыццаг рӕстӕг мӕм афтӕ каст, ӕмӕ, Библийӕ цы кастыстӕм, уый иннӕ чингуытӕй ницӕмӕй хицӕн кӕны ӕмӕ мӕм, раст зӕгъгӕйӕ, хъаргӕ дӕр нӕ кодта. Фӕлӕ ныр Библи куы фӕкӕсӕм, уӕлдайдӕр та уаг ӕмӕ ӕгъдауы тыххӕй уынаффӕтӕ, уӕд мӕм худинаг ӕркӕсы».

◼ Иугонд Штаттӕ. Иу стыр горӕты, бирӕ адӕм кӕм вӕййы, уым хъусынгӕнгӕйӕ иу къай фембӕлд Тайванӕй иу сылгоймагыл. Уыцы сылгоймаг Хуыцауыл ӕууӕндыд, фӕлӕ Библи нымадта америкаг чиныгыл. Кӕд уыцы сылгоймаг ницы цух уыд, уӕддӕр ын йӕ цард ад нӕ кодта, уымӕ гӕсгӕ йӕ бафӕндыд литературӕйы стендмӕ бацӕуын. Ныфс ӕй уыд, Библийы фӕрцы кӕй бамбардзӕн, цӕмӕн цӕры, уый. Уыцы къай йемӕ райдыдта ахуыр кӕнын, Библи цы публикацийы фӕрцы фӕахуыр кӕнӕм, уый ӕмӕ брошюрӕ «Прочный мир и счастье. Как их найти». Библи цы публикацийы фӕрцы фӕахуыр кӕнӕм, уырдыгӕй дыккаг сӕр нӕ равзӕрстой, фӕлӕ брошюрӕйӕ темӕ «Полезное руководство для всего человечества». Фыццаг ӕхсӕз абзацыл куы аныхас кодтой, уӕд сылгоймаг загъта, хъуыды дӕр кӕй никуы акодтаид, Библи иннӕ динты чингуытӕй афтӕ тынг кӕй хицӕн кӕны. Библийы пехуымпарӕдтӕй кӕцыдӕртӕ куыд сӕххӕст сты, уый куы равзӕрстой, уӕд та загъта: «Мӕнмӕ гӕсгӕ, зӕххыл Библийӕ растдӕр чиныг нӕй!»

◼ Япони. Иу нӕлгоймаг хъусынгӕнӕгӕн загъта, Хуыцауыл кӕй не ’ууӕнды. Фӕлӕ-иу ӕм хъусынгӕнӕг бацыд ӕмӕ-иу йемӕ цыбыртӕй аныхас кодта журнал «Пробудитесь!»-ы рубрикӕйыл «Случайность или замысел?». Рӕстӕг куыд цыд, афтӕ нӕлгоймаг йӕ хъуыды ивта ӕмӕ дзырдта, зӕгъгӕ, чи зоны, ӕцӕгдӕр Сфӕлдисӕг ис. Ныр Хуыцауыл ӕууӕнды ӕмӕ хъусынгӕнӕг йемӕ Библи ахуыр кӕны брошюрӕйӕ «Хорз хабар Хуыцауӕй».

◼ Канадӕ. Иу сылгоймаг йӕ хӕдзарӕй машинӕмӕ куы фӕцӕйцыд, уӕд ын нӕ хо ног журнал радта. Цасдӕры фӕстӕ йӕм хо дыккаг хатт куы бацыд, уӕд ын сылгоймаг фидарӕй загъта, зӕгъгӕ, мӕн уыдӕттӕ нӕ хъӕуынц ӕмӕ мӕ Хуыцау нӕ уырны. Фӕлӕ ма йӕм хо иу хатт бацыд ӕмӕ йын бахаста брошюрӕ «Как найти удовлетворение в жизни». Сылгоймаг хӕдзары разынд ӕмӕ йын хо загъта, кӕй зоны, Хуыцауыл кӕй не ’ууӕнды, фӕлӕ йыл уӕддӕр хъуыды кодта, уымӕн ӕмӕ йӕ сывӕллоны иунӕгӕй хъомыл кӕны. Стӕй йын брошюрӕйы 4 фарсыл 6 абзац равдыста. Фыст дзы уыд, хорз уынаффӕтӕ кӕм ис ссарӕн, уый тыххӕй. Уый фӕстӕ йын загъта, цӕмӕй 2 хайы бакӕса, сывӕллӕттӕ хъомыл кӕнын куыд хъӕуы, уый тыххӕй уынаффӕтӕ. Сылгоймаг брошюрӕ ӕхсызгонӕй айста.