Цы ӕрмӕг нӕм ис, уымӕй ӕмбаргӕйӕ пайда кӕн

Йесо Чырысти загъта: «Лӕвар райстат – лӕвар дӕттут» (Мф 10:8). Мах хъусӕм Йесойы фӕдзӕхстмӕ, ӕмӕ адӕмӕй ӕхца нӕ исӕм Библи ӕмӕ Библи ӕмбарынгӕнӕн литературӕйы тыххӕй (2Кр 2:17). Фӕлӕ рох кӕнын нӕ хъӕуы, нӕ публикациты кӕй вӕййы ахсджиаг ахуырӕдтӕ Хуыцауы Ныхасӕй. Аудио, видео ӕмӕ ӕндӕр ӕрмӕг уадзынӕн хъӕуы бирӕ тыхтӕ ӕмӕ бирӕ ’хца.

Адӕймагӕн дӕ интернетӕй исты публикаци арвитын куы фӕнда, уӕд-иу лӕмбынӕг ахъуыды кӕн (Мф 7:6). Йемӕ-иу аныхас кӕн, цӕмӕй-иу бамбарай, ӕцӕгдӕр ӕй фӕнды фылдӕр базонын ӕви нӕ. Рамкӕйы цы фарстатӕ ис, уыдонӕй ӕппынкъаддӕр иуӕн дӕ дзуапп «о» уыдзӕн? Адӕймаджы фылдӕр базонын фӕнды ӕви нӕ, уый дӕ бон бамбарын куы нӕ уа, уӕд-иу ын фӕлтау мацы арвит. Кӕй зӕгъын ӕй хъӕуы, йӕхӕдӕг нӕ исты брошюрӕ кӕнӕ ӕндӕр публикаци куы кура, уӕд ын «нӕ» нӕ зӕгъдзыстӕм (Ӕм 3:27, 28).