Фарстыты асыкк

◼ Цы ӕмбырды территорийы цӕрӕм, уыцы ӕмбырдмӕ цӕуын хуыздӕр цӕмӕн у?

Ӕмбырды нӕ фӕразӕнгард кӕнынц «уарзондзинад ӕмӕ хорз хъуыддӕгтӕм», стӕй уым нӕ уырнындзинад кӕны фидардӕр (Дзут. 10:24, 25). Ӕмбырды ахуыр кӕнӕм ӕцӕгадыл, стӕй ма ахуыргӕнинӕгтӕ куыд цӕттӕ кӕнын хъӕуы, ууыл дӕр (Матф. 28:19, 20). Фембӕлдты фӕрцы нӕ бон у фӕлварӕнты фидар лӕууын, нӕ уарзагзӕрдӕ хистӕр нӕлгоймӕгтӕ та нын ӕххуыс кӕнынц зындзинӕдты рӕстӕджы хъӕддых лӕууынӕн ӕмӕ мӕстытӕн фӕразынӕн. Цӕмӕй нӕ уырнындзинад ма ӕрлӕмӕгъ уа, уый тыххӕй нӕ ӕнӕмӕнгдӕр ӕмбырдтӕм цӕуын хъӕуы. Фӕлӕ цы ӕмбырды территорийы цӕрӕм, уыцы ӕмбырдмӕ цӕуын хуыздӕр цӕмӕн у?

Алкӕмӕндӕр йӕ фадӕттӕ алыхуызон сты, ӕмӕ адӕймаг куы скъуыддзаг кӕна, кӕцы ӕмбырдмӕ цӕудзӕн, уӕд ӕй хынцын хъӕуы: йӕ куыстӕй кӕд ссӕрибар вӕййы, йӕ ӕнӕуырнӕг ӕмкъай цы зӕгъы ӕмӕ ма фӕндагыл цас рӕстӕг хардз кӕны, уый дӕр. Фӕлӕ хъусынгӕнӕг цы ӕмбырды территорийы цӕры, уыцы ӕмбырдмӕ куы цӕуа, уӕд уый хорзырдӕм фӕзындзӕн куыд йӕ уырнындзинадыл, афтӕ иннӕ хъуыддӕгтыл дӕр. Зӕгъӕм, афтӕмӕй хистӕр нӕлгоймӕгтӕн хъусынгӕнджытӕ бахъуаджы сахат ӕнцондӕр ссарӕн вӕййынц. Цы пайда ма у, уый тыххӕй дзырдӕуыд раззаг номырты «Фарстыты асыччы». (Кӕс 1991 азы июлы «Нӕ паддзахадон лӕггадзинад»-ы (уыр.), афтӕ ма 1976 азы мартъи (англ.) ӕмӕ 1967 азы январь (англ.).)

Ӕмбырд нӕм ӕввахс куы уа, уӕд уымӕй хуыздӕр цы ис. Нӕ бон уыдзӕн ӕмбырдмӕ раздӕр цӕуын. Рӕстӕг нын уыдзӕн ӕфсымӕртӕ ӕмӕ хотимӕ аныхас кӕнынӕн, стӕй ӕмбырды нын цы хъуыддӕгтӕ ис, уыдӕттӕ бакӕнӕн, фыццаг зарӕг дӕр азардзыстӕм ӕмӕ фыццаг куывдмӕ дӕр байхъусдзыстӕм. Цымыдисгӕнӕг адӕм нӕм ӕввахс куы цӕрой, уӕд сӕм ӕнцондӕр уыдзӕн цӕуын ӕмӕ семӕ Библи ахуыр кӕнын. Стӕй нӕ бон уыдзӕни, ӕнцондӕр кӕцы ӕмбырдмӕ у цӕуын, уырдӕм сӕ немӕ кӕнын.

Нӕ ныфс дарӕм, бинонты хистӕртӕ ацы хъуыддагмӕ сӕ хъус кӕй ӕрдардзысты. Кӕй зӕгъын ӕй хъӕуы, Хуыцауӕй ӕххуыс ракурдзысты, цӕмӕй сӕ бинонтимӕ кӕцы ӕмбырдмӕ цӕудзысты, уыцы фарст афтӕ алыг кӕной, ӕмӕ хорзырдӕм куыд фӕзына сӕ уырнындзинадыл, афтӕ ма иннӕ хъуыддӕгтыл дӕр (1 Тим. 5:8).