ਪ੍ਰਸ਼ਨ ਡੱਬੀ

◼ ਸਾਨੂੰ ਨਵੇਂ ਵਿਅਕਤੀਆਂ ਨਾਲ ਉਨ੍ਹਾਂ ਦੇ ਬਪਤਿਸਮੇ ਤੋਂ ਪਹਿਲਾਂ ਕਿਹੜੇ ਪ੍ਰਕਾਸ਼ਨਾਂ ਦਾ ਅਧਿਐਨ ਕਰਨਾ ਚਾਹੀਦਾ ਹੈ?

ਸਹੀ ਗਿਆਨ ਲੈਣ ਤੋਂ ਬਾਅਦ ਹੀ ਇਕ ਵਿਅਕਤੀ ਯਹੋਵਾਹ ਨੂੰ ਆਪਣਾ ਜੀਵਨ ਸਮਰਪਿਤ ਕਰ ਕੇ ਬਪਤਿਸਮਾ ਲੈ ਸਕਦਾ ਹੈ। (ਯੂਹੰ. 17:3) ਉਸ ਨੂੰ ਇਹ ਗਿਆਨ, ਬਰੋਸ਼ਰ ਪਰਮੇਸ਼ੁਰ ਸਾਡੇ ਤੋਂ ਕੀ ਮੰਗ ਕਰਦਾ ਹੈ? ਅਤੇ ਪੁਸਤਕ ਗਿਆਨ ਜੋ ਸਦੀਪਕ ਜੀਵਨ ਵੱਲ ਲੈ ਜਾਂਦਾ ਹੈ ਦਾ ਅਧਿਐਨ ਕਰਨ ਨਾਲ ਮਿਲੇਗਾ। ਆਮ ਤੌਰ ਤੇ ਪਹਿਲਾਂ ਮੰਗ ਬਰੋਸ਼ਰ ਦਾ ਅਧਿਐਨ ਕੀਤਾ ਜਾਵੇਗਾ। ਫਿਰ ਵੀ, ਜੇਕਰ ਅਧਿਐਨ ਗਿਆਨ ਪੁਸਤਕ ਵਿੱਚੋਂ ਸ਼ੁਰੂ ਹੋ ਚੁੱਕਾ ਹੈ, ਤਾਂ ਪੁਸਤਕ ਖ਼ਤਮ ਹੋਣ ਤੋਂ ਬਾਅਦ ਮੰਗ ਬਰੋਸ਼ਰ ਦਾ ਅਧਿਐਨ ਕੀਤਾ ਜਾਣਾ ਚਾਹੀਦਾ ਹੈ। ਇਸ ਤਰ੍ਹਾਂ ਕਰਨਾ ਕਿਉਂ ਜ਼ਰੂਰੀ ਹੈ?

ਮੰਗ ਬਰੋਸ਼ਰ ਬਾਈਬਲ ਦੀਆਂ ਮੂਲ ਸਿੱਖਿਆਵਾਂ ਦਾ ਸਾਰ ਪ੍ਰਦਾਨ ਕਰਦਾ ਹੈ। ਜੇਕਰ ਇਸ ਦਾ ਅਧਿਐਨ ਪਹਿਲਾਂ ਕੀਤਾ ਜਾਂਦਾ ਹੈ, ਤਾਂ ਇਹ ਸਿੱਖਿਆਰਥੀ ਨੂੰ ਉਨ੍ਹਾਂ ਗੱਲਾਂ ਦੀ ਮੁਢਲੀ ਸਮਝ ਦੇਵੇਗਾ ਜੋ ਯਹੋਵਾਹ ਨੂੰ ਖ਼ੁਸ਼ ਕਰਨ ਲਈ ਜ਼ਰੂਰੀ ਹਨ। ਜੇਕਰ ਇਸ ਦਾ ਅਧਿਐਨ ਬਾਅਦ ਵਿਚ ਕੀਤਾ ਜਾਂਦਾ ਹੈ, ਤਾਂ ਇਹ ਗਿਆਨ ਪੁਸਤਕ ਵਿੱਚੋਂ ਸਿੱਖੀਆਂ ਗੱਲਾਂ ਦਾ ਵਧੀਆ ਤਰੀਕੇ ਨਾਲ ਪੁਨਰ-ਵਿਚਾਰ ਕਰਨ ਲਈ ਮਦਦ ਕਰੇਗਾ। ਭਾਵੇਂ ਤੁਸੀਂ ਪਹਿਲਾਂ ਦੋਹਾਂ ਵਿੱਚੋਂ ਜਿਹੜੇ ਮਰਜ਼ੀ ਪ੍ਰਕਾਸ਼ਨ ਤੋਂ ਅਧਿਐਨ ਕਰਵਾਓ, ਸਿੱਖਿਆਰਥੀ ਨੂੰ ਸਹਾਇਕ ਸ਼ਾਸਤਰਵਚਨ ਪੜ੍ਹਨ ਲਈ ਅਤੇ ਉਨ੍ਹਾਂ ਤੇ ਮਨਨ ਕਰਨ ਲਈ ਉਤਸ਼ਾਹਿਤ ਕਰੋ। ਤਸਵੀਰਾਂ ਵੱਲ ਵੀ ਜ਼ਰੂਰ ਧਿਆਨ ਖਿੱਚੋ, ਕਿਉਂਕਿ ਇਹ ਬਹੁਤ ਹੀ ਪ੍ਰਭਾਵਕਾਰੀ ਸਿੱਖਿਆ ਸਾਧਨ ਹਨ।—1 ਜਨਵਰੀ, 1997 ਦੇ ਪਹਿਰਾਬੁਰਜ ਦੇ ਸਫ਼ੇ 20-21 ਦੇਖੋ।

ਜਦੋਂ ਬਾਈਬਲ ਸਿੱਖਿਆਰਥੀ ਦੋਵੇਂ ਪ੍ਰਕਾਸ਼ਨਾਂ ਦਾ ਅਧਿਐਨ ਪੂਰਾ ਕਰ ਲੈਂਦਾ ਹੈ, ਤਾਂ ਬਪਤਿਸਮੇ ਦੀ ਤਿਆਰੀ ਲਈ ਜਦੋਂ ਬਜ਼ੁਰਗ ਉਸ ਕੋਲੋਂ ਸਵਾਲ ਪੁੱਛਣਗੇ ਤਾਂ ਉਹ ਉਨ੍ਹਾਂ ਦਾ ਜਵਾਬ ਦੇ ਸਕੇਗਾ। ਜੇਕਰ ਉਹ ਸਾਰੇ ਜਵਾਬ ਦੇ ਦਿੰਦਾ ਹੈ, ਤਾਂ ਉਸ ਨੂੰ ਸ਼ਾਇਦ ਕਿਸੇ ਹੋਰ ਪ੍ਰਕਾਸ਼ਨ ਵਿੱਚੋਂ ਇਕ ਰਸਮੀ ਅਧਿਐਨ ਕਰਾਉਣ ਦੀ ਜ਼ਰੂਰਤ ਨਾ ਹੋਵੇ, ਫਿਰ ਵੀ ਸੰਚਾਲਕ ਨੂੰ ਉਸ ਦੀ ਅਧਿਆਤਮਿਕ ਤਰੱਕੀ ਵਿਚ ਸਰਗਰਮ ਦਿਲਚਸਪੀ ਦਿਖਾਉਂਦੇ ਰਹਿਣਾ ਚਾਹੀਦਾ ਹੈ।—1 ਜਨਵਰੀ, 1996 ਦੇ ਪਹਿਰਾਬੁਰਜ ਦੇ ਸਫ਼ੇ 22, 26 ਦੇਖੋ।