Con Algun Hende Ta Haci Donacion p’e Trabou di Predicacion di Reino
◻ CONTRIBUCION P’E TRABOU MUNDIAL: Hopi hende ta apartá of ta presupuestá un montante cu nan ta pone den e cahanan di contribucion marcá: “Contribucion p’e Trabou Mundial dje Sociedad—Mateo 24:14.” Tur luna e congregacion ta manda e montantenan aki sea p’e sede mundial na Brooklyn, New York, of n’e oficina di sucursal mas cerca.
◻ REGALO: Donacionnan boluntario di placa por ser mandá directamente na Watch Tower Bible and Tract Society of Pennsylvania, 25 Columbia Heights, Brooklyn, New York 11201-2483, of n’e oficina dje Sociedad cu ta sirbi bo pais. Tambe por haci donacion di hoya of otro cos di balor. Un carta breve cu ta declará cu esei ta un regalo incondicional mester compañá e contribucionnan aki.
◻ AREGLO DI DONACION CONDICIONAL: Por duna placa pa Watch Tower Society warda cu e derecho di us’é i keda cuné despues di morto dje dunador, cu e stipulacion di cu den caso di necesidad personal, lo e ser debolbé n’e dunador.
◻ SEGURO: Watch Tower Society por ser nombrá como beneficiario di un pólisa di seguro di bida of plan di penshon of hubilacion. Mester informá e Sociedad di cualkier areglo asina.
◻ CUENTA DI BANCO: Por duna Watch Tower Society derecho di usa durante cu e dunador ta na bida of cobra despues di morto cuentanan di banco, certificadonan di depósito of cuentanan personal di hubilacion, segun rekisitonan bancario local. Mester informá e Sociedad di cualkier areglo asina.
◻ ACCION I BONO: Por haci donacion di accion i bono na Watch Tower Society sea como un regalo incondicional of segun un areglo den cua e dunador ta sigui ricibí e dividendo of interes.
◻ PROPIEDAD: Por haci donacion na Watch Tower Society di propiedad cu por ser bendí, sea como regalo incondicional of bou dje condicion cu e dunador por sigui biba den dje te na su morto. Mester tuma contacto cu e Sociedad promé cu regalá cualkier propiedad n’e Sociedad.
◻ TESTAMENT I ‘TRUST’: Por nombra Watch Tower Bible and Tract Society of Pennsylvania den un testament legal como heredero di propiedad of placa, of bo por nombra e Sociedad como beneficiario di un areglo di ‘trust.’ Un ‘trust’ cu ta beneficiá un organisacion religioso por duna cierto bentahanan fiscal. Un copia dje testament of areglo di ‘trust’ mester ser mandá p’e Sociedad.
◻ DUNAMENTU PLANEA: E Sociedad a reuní informacion riba “Dunamentu Planeá.” Esnan cu ta planeando pa duna un regalo special n’e Sociedad awor of pa laga bienes na morto mediante un testament por haña e informacion aki probechoso. Esei ta specialmente e caso si nan ta deseá na logra algun meta di famia of kier planea kico pa haci cu nan propiedad i debenan personal na ora di morto miéntras nan ta usa beneficionan fiscal pa minimisá e gastu dje regalo of testament. Por obtené e informacion aki dor di skirbi e Sociedad n’e adres mencioná aki bou.
Pa mas informacion relacioná cu e asuntunan aki, skirbi Treasurer’s Office, Watch Tower Bible and Tract Society of Pennsylvania, 25 Columbia Heights, Brooklyn, New York 11201-2483, of na e oficina di sucursal dje Sociedad cu ta sirbi bo pais.