BIBLIOTEKA ONLINE Watchtower
Watchtower
BIBLIOTEKA ONLINE
Papiamentu (Kòrsou)
  • BEIBEL
  • PUBLIKASHON
  • REUNION
  • w13 1/7 pág. 5
  • Religion i Guera

No tin vidio disponibel pa esaki.

Despensa, tin un problema pa habri e vidio.

  • Religion i Guera
  • E Toren di Vigilansia Anunsiando e Reino di Yehova Dios—2013
  • Suptema
  • Informashon Similar
  • KIKO BEIBEL TA SIÑA?
  • KIKO TESTIGUNAN DI YEHOVA TA HASI?
  • Tragedia na Ruanda
    E Toren di Vigilansia Anunsiando e Reino di Yehova Dios—1994
  • Participando dje Consuelo Cu Jehova Ta Duna
    E Toren di Vigilansia Anunsiando e Reino di Yehova Dios—1996
  • Tur Hende Lo Stima Otro un Dia?
    Tur Hende Lo Stima Otro un Dia?
  • Kiko Ke Men Stima Nos Próhimo?
    E Toren di Vigilansia Anunsiando e Reino di Yehova Dios—2006
Mas Artíkulo
E Toren di Vigilansia Anunsiando e Reino di Yehova Dios—2013
w13 1/7 pág. 5

Religion i Guera

Alberto, kende tabata den servisio militar pa kasi dies aña, a konta: “Nos kapelan a bendishoná nos, bisando: ‘Dios sea ku boso.’ Pero ami tabata bisa den mi mes: ‘Kon mi por ta bai mata hende siendo Beibel ta bisa: “No mata.”’”

Ray tabata den marina durante Segundo Guera Mundial. Un biaha, el a puntra e kapelan: “Bo ta subi nos barku i ta resa pa e sòldánan i pa nos haña viktoria. Pero e enemigunan tambe no ta hasi meskos?” E kapelan a kontestá mi ku Dios ta obra den maneranan misterioso.

Si bo no ta satisfecho ku e kontesta ei, bo no ta e úniko.

KIKO BEIBEL TA SIÑA?

Hesus a bisa ku un di e mandamentunan di mas importante ta di “stima bo próhimo meskos ku bo mes.” (Marko 12:31) Akaso Hesus a bisa ku ta hende di sierto nashonalidat so nos tin ku stima komo nos próhimo? Nò. El a bisa su disipelnan: “Na esaki tur hende lo sa ku boso ta mi disipelnan, esta, si boso ta stima otro.” (Huan 13:34, 35) E manera ku nan lo stima otro lo tabata asina ekstraordinario ku esei lo a hasi nan diferente. Nan no a djis nenga di kita bida di nan próhimo, mas bien nan tabata dispuesto pa entregá nan bida p’e.

E promé kristiannan a hasi nèt esei. The Encyclopedia of Religion ta bisa: “E promé tatanan di iglesia, inkluyendo Tertuliano i Origen, a afirmá ku e kristiannan no tabata por a kita bida di un hende. Esei tabata un prinsipio ku a stroba nan di ta den servisio di e ehérsito romano.”

KIKO TESTIGUNAN DI YEHOVA TA HASI?

Kasi rònt mundu tin Testigu di Yehova. Ora paisnan tin konflikto ku otro, e Testigunan ku ta biba den e áreanan ei ta hasi nan máksimo esfuerso pa demostrá e amor ku nan tin pa otro.

Lidernan religioso a siña nan miembronan kon pa mustra berdadero amor kristian?

Por ehèmpel, na 1994 durante e guera étniko ku tabatin entre e tribunan hutu i tutsi na Ruanda, Testigunan di Yehova a keda kompletamente neutral. Testigunan di un tribu tabata skonde esnan di un otro tribu, poniendo nan mes bida na peliger. Un biaha e gueria hutu Interahamwe a kapturá dos Testigu di Yehova hutu ku a protehá nan rumannan tutsi. E guerieronan a bisa nan: “Wak kiko ta pasa ora bo yuda e tutsinan skapa.” I nan a tira e dos Testigunan hutu akí mata.—Huan 15:13.

Kiko bo ta pensa: E manera ku e Testigunan ta aktua ta kuadra ku loke Hesus a bisa tokante amor?

    Publikashonnan na Papiamentu (Curaçao) (1986-2025)
    Log Out
    Log In
    • Papiamentu (Kòrsou)
    • Kompartí
    • Preferensia
    • Copyright © 2025 Watch Tower Bible and Tract Society of Pennsylvania
    • Kondishonnan di Uso
    • Maneho di Privasidat
    • Konfigurashon di Privasidat
    • JW.ORG
    • Log In
    Kompartí