Caha Di Pregunta

◼ E congregacion mester tin un mapa completo di su teritorio cologá den Salon di Reino?

Sí, mester hinca un mapa dje teritorio completo den leshi i cologu’é na muraya den Salon di Reino. No pone e mapa riba e borchi di informacion. E mapa mester mustra e grens general dje congregacion su teritorio asigná i e grens di cada teritorio individual cu su number asigná. Mester indicá riba e mapa e grens di teritorio di tur e congregacionnan cu ta usa e mésun Salon di Reino. Esaki lo yuda tantu publicadónan como personanan recien interesá determiná den teritorio di cua congregacion nan ta biba. Indicando e sitio di Studionan di Buki di Congregacion riba e mapa, tambe lo yuda tur hende haña e lugá di studio di buki na cua nan ta asigná. Mester tene e mapa al dia.

Ora exhibí e mapa den e manera aki, lo e sirbi como un recordatorio pa tur publicadó cu ta bon pa nan tin un asignacion di teritorio personal, si ta posibel. E mapa ta útil pa yuda esnan cu kier scoge un teritorio cerca di nan cas. Tin biaha e mapa por yuda gana tempu na reunionnan pa sirbishi, dor cu e conductor por us’é pa dirigí cada grupo di publicadó rápidamente na e área caminda nan tin cu traha.

Tambe e mapa ta duna evidencia cu e congregacion ta organisá pa predicá e mensahe di Reino cabalmente den su teritorio asigná.—Luc. 9:6.