Programa Nobo pa Asamblea di Sirkuito

Mundu ke laga nos kere ku e sistema di kosnan aki lo dura pa semper. Sin embargo, e Palabra di Dios ta bisa nos algu diferente. (1 Juan 2:15-17) E ta yuda nos komprondé ku e meta pa ‘montoná tesoro riba tera’ ta banidat. Pa fortifiká e pueblo di Dios, e programa di asamblea di sirkuito pa e aña di sirbishi 2007 lo desaroyá e tema “Montoná Tesoro . . . den Shelu.”—Mat. 6:19, 20.

Ora Efesionan 2:2 ta papia di “e poder di laira [“aire,” NW], di e spiritu ku ta obra awor den e yunan di desobedensia,” e ta referí tambe na un manera di pensa materialista. Meskos ku aire literal ta tur kaminda, fásil pa inhalá, asina tambe “e spiritu di mundu” ta plamá den e sistema aki. (1 Kor. 2:12) Dor ku su influensia ta asina penetrante, Beibel ta bisa ku e tin “poder.” E programa nobo pa asamblea di sirkuito lo yuda nos evitá e mundu su manera di pensa materialista i keda ku nos mente fihá riba loke ta mas importante. (Mat. 6:33) Ademas, e programa lo yuda nos dependé riba Yehova segun ku nos ta kumpli ku nos ministerio apesar di e preshon- i pruebanan ku nos por haña nos konfrontá kuné.

Hasi sigur pa bo ta presente tur dos dia i pa bo “paga muchu mas [ku e] atenshon” akustumbrá. (Heb. 2:1) Tuma notanan breve di puntonan ku bo por apliká personalmente den bo bida i den bo ministerio. Dor di ta presente for di kuminsamentu te na final di e programa aki ku ta enrikesé bo spiritualmente, lo bo ser animá i fortalesé pa sigui ‘montoná tesoro den shelu!’