Programa Nobo pa Asamblea di Sirkuito

Kon nos lo por para firme ora nos haña nos ku oposishon agresivo kontra adorashon berdadero? Kon nos por resistí Satanas su esfuersonan kontinuo pa pone nos bai bèk den e mundu malbado? E programa pa asamblea di sirkuito pa aña di sirbishi 2009 lo kontestá e preguntanan importante ei. E tema ta: “Vense Malu ku Bon.” (Rom. 12:21) Ban wak kiko ta spera nos!

E superintendente di distrito lo trata e temanan “Fortifiká pa Vense Malu ku Bon,” “Tene Kuidou—No Konfia Demasiado den Bo Mes!,” “Pronto Tur Maldat Lo Kaba!” i “Fortalesé Nos Fe pa Vense Mundu.” E superintendente di sirkuito lo trata e tema “Awor Ta Tempu pa Keda Lantá!” basá riba Romanonan 13:​11-⁠13 i tambe e tema “No Desmayá den e Dia di Angustia,” basá riba Proverbionan 24:10. Tambe nos ta ansioso pa tende e diskurso di e superintendente di sirkuito “Dunando Atenshon n’e Nesesidatnan di Sirkuito.” Un otro diskurso hopi animante lo ta “Bo Por ‘Okupá Bo den e Ministerio Aki’—Dor di Traha Pionero?” Ta bai tin dos simposio. E tema di e promé ta “Para Firme Kontra e Trampanan di Diabel.” Lo e yuda nos rekonosé i rechasá trampanan astuto di Diabel riba tereno di teknologia, entretenimentu i edukashon. Tema di e otro simposio ta “Atkerí Fortalesa pa Resistí e Dia Malu Aki,” ku lo mustra nos kon pa apliká e konseho ku tin na Efesionan 6:10-18 plenamente.

Tin un konekshon direkto entre vense malu na su rais i prediká e mensahe di Reino. (Rev. 12:17) No ta nada straño ku Satanas ta ataká Testigunan di Yehova sin miserikòrdia! (Isa. 43:10, 12) Pero Diabel lo faya barbaramente pasobra nos ta determiná pa sigui “vense malu ku bon.” Plania bo asuntunan bon pa bo por benefisiá plenamente di tur e kuater seshonnan di e asamblea di sirkuito aki.