Usa Tratado pa Kuminsá un Kòmbersashon

Desde yanüari 2018, tabatin ehèmpel di presentashon pa sirbishi riba e portada di Material i Tarea pa Reunion Nos Bida i Sirbishi Kristian. Nos a haña animashon pa kuminsá un kòmbersashon ku hende en bes di djis laga literatura. Pa yuda nos hasi esaki, e vidionan di ehèmpel di presentashon pa sirbishi ta mustra kon pa kuminsá kòmbersashon usando Beibel so. Pero, esaki ta nifiká ku nos no mester usa literatura ora di prediká di kas pa kas? Klaru ku nò! Por ehèmpel, nos por kuminsá bon kòmbersashon usando tratado. Ora di ofresé tratado, nos por sigui e siguiente pasonan:

1. Hasi e pregunta riba e portada i duna e persona chèns di skohe un di e kontestanan.

2. Mustra e persona e kontesta di Beibel te ariba na página dos. Si tempu permití, lesa i trata algun informashon for di e tratado.

3. Duna e persona e tratado i anim’é pa lesa sobrá informashon ora ta mas kumbiniente p’e.

4. Promé ku bo bai, mustra e persona e pregunta ku tin bou di “Algu pa Pensa Ariba” i bis’é ku bo ta pasa siguiente biaha pa trata e kontesta di Beibel.

Ora bo bai bèk serka e persona, trata e kontesta i laga un otro pregunta pa trata e siguiente biaha. Bo por skohe un pregunta for di nos website òf for di e publikashon ku tin riba e último página di e tratado. Na un momento oportuno, ofresé e foyeto Dios Tin Bon Notisia pa Nos! òf un otro publikashon di estudio for di e Kaha di Hèrmènt pa Siña Hende e Bèrdat.