Beibel—Un Buki di Echo i Profesia

Humanidat Su Buki Moderno Mas Antiguo ta e promé di e tres vidionan riba e DVD Beibel—Un Buki di Echo i Profesia. Despues di a wak e vidio akí, kontestá e siguiente preguntanan:

(1) Den ki maneranan Beibel ta na armonia ku siensia moderno? (2) Dikon nos por ta sigur ku Beibelnan ku nos tin awe ta bisa ku eksaktitut loke e teksto original ta bisa? (3) Kiko ta un karakterístika sobresaliente di e teksto di manuskritonan antiguo di Beibel? (4) Den ki maneranan John Wycliffe, Johannes Gutenberg, William Tyndale, John Hus, Martin Luther, Casiodoro de Reina i Charles Taze Russell a kontribuí na plama e Palabra di Dios rònt mundu, i kon iglesia a oponé Beibel violentamente? (5) Den ki manera Beibel su konseho práktiko a yuda hende trata ku problemanan di salú (Sal. 34:8), adikshon na wega di plaka (1 Tim. 6:9, 10), separashon i infieldat matrimonial (1 Kor. 13:4, 5; Efe. 5:28-33) i e opseshon pa bira riku (Mat. 16:26)? (6) Ki evidensia tin ku prinsipionan bíbliko por yuda hende vense odio nashonal, étniko i rasial (Luk. 10:27)? (7) Den ki maneranan abo a haña mayor felisidat dor di apliká prinsipionan bíbliko? (8) Kon bo por usa e vidio akí pa yuda otro hende?—Wak Nos Ministerio di Reino di febrüari 2006, página 8.