Ndaga Jiko Wajiya Gulonguga
Khala Mukuata “Ngimbo” Jietu mu Muto
Phangi Lorraine gu Etats-Unis udi muzuela egi: “Tangua ngana vua gikenene giakola Yehowa wana gunguhana gikhesa mu njila ya ngimbo jiana zoga mu JW Télédiffusion®.”
Tuana yimba “ngimbo jietu” ha gutumbuisa Nzambi. (Kol. 3:16) Gula wakuata ngimbo jiene mu muto, jiajiya gugukuatesa ngatshima ushigo nu mukanda wa ngimbo nga nu apareyi ako. Tshita ndaga eji jialandula handaga jiajiya gugukuatesa ha gukuata ngimbo mu muto.
Tanga mbimbi jia lungimbo muabonga ha gulukotelesa. Gula wakotelesa muabonga mbimbi jia lungimbo luene, mbayigukuatesa ha gujiwunguluga. Mbimbi jia ngimbo jietu jiagasue ikhale ngimbo jia ana jidi mu jw.org. Uvi ha gujiheta mu JW Library ngina ha fundo diasonegewa egi Miziki.
Sonega mbimbi jia lungimbo gu papie. Gutshita ngenyi mbagugukuatesa muavula ha gukuata mbimbi jiene mu muto.—Mikh. 17:18.
Imba mu dijui diakola. Tanga nga ndo yimba lungimbo luene mbala jiavula.
Kamba gujiya gula udi mukuata lungimbo luene. Sendesa guyimba gutala ndo gu papie, gungima tala gula udi gale mukuata.