MELKAHKA KAN

1 Meid peren aramas emen me sohte kin weweidki kaweid en me suwed

Oh sohte kin kesihnen pohn elen me dipan akan+

Oh sohte kin mwohd nan dewen sounkepit kan.+

 2 Ahpw e kin perenki kosonned en Siohwa,+

Oh e kin wadek sapwellime kosonned ni ngihl tikitik* nin rahn oh nipwong.+

 3 E pahn rasehng tuhke pwoat me poad limwahn piletik kan,

Tuhke pwoat me kin kapwarehda wah ni eh ahnsoun rahk,

Me teh kan sohte kin mengila.

 4 Me suwed kan sohte duwehte met;

Re rasehng kilin krein* me kisinieng kin ipirala.

 5 Ihme kahrehda me suwed kan sohte pahn kesikesihnente ni ar ale kadeik;+

De me dipan akan sohte pil pahn kesikesihnente nan pokon en me pwung kan.+

 6 Pwe Siohwa ketin mwahngih elen me pwung kan,+

Ahpw elen me suwed kan pahn sohrala.+

2 Dahme kahrehda wehi kan kin mwoarongada

Oh aramas akan kin mwengmwengininginki* soahng soh katepe kan?+

 2 Nanmwarkien sampah kan onopadahr

Oh lapalap akan pokonpenehr* pwe ren ehupene+

Pelianda Siohwa oh sapwellime me keidio.*+

 3 Re nda: “Kitail kamweidpeseng ara selmete kan

Oh kesehla neira sahl akan!”

 4 Ih me ket nan mwoale nanleng pahn ketin kiparamat;

Siohwa pahn ketin kumwuskin irail.

 5 Ahnsowo e pahn ketin mahseniong irail nan sapwellime engieng

Oh ketin kamasangkinirailda sapwellime engieng kowahlap,

 6 Oh e pahn ketin mahsanih: “I kasapwiladahr nei nanmwarki+

Pohn Saion,+ ei nahna sarawio.”

 7 I pahn lohki koasoandi en Siohwa;

E ketin mahsanihong ie: “Kowe me nei pwutak;+

Rahnwet I wialahr semomw.+

 8 Peki rehi, oh I pahn kihwei wehi kan nin duwen omw sohso

Oh I pahn kihwei sampah pwon pwe ken sapwenikihla.+

 9 Ke pahn kauwehkinirailla sokon mete pwoat,+

Oh ke pahn pwalangirailpeseng rasehng diperen sah ehu.”+

10 Eri met, kumwail nanmwarki kan, kumwail kasalehda amwail dehdehki mwahu;

Kumwail sounkopwung en sampah kan, kumwail ale kopwung.*

11 Kumwail papah Siohwa ni lemmwin,

Oh peren ni amwail wie rerrer.

12 Kumwail wauneki* sapwellime ohlo,+ pwe ma soh, Koht* pahn ketin engiengda

Oh kumwail pahn sohrasang ahlo,+

Pwe E kin ketin mwadang engiengda.

 3 Ahpw Maing Siohwa, komwi me ketin wia mehn sansar ehu me kapiliepene,+

Ei lingan+ oh Koht me kin ketikihong ie koapworopwor.*+

 4 I pahn patohwan likweriong Siohwa ni ngihl laud,

Oh e pahn ketin sapeng ie sang pohn sapwellime nahna sarawi.+ (Selah)

 5 I pahn wendi oh meir;

Oh I pahn pirida oh sohte medek,

Pwe Siohwa kin ketin usehlahte utung ie.+

 6 I sohte kin masak aramas nen kei

Me kin irekla pelian ie sang pali koaros.+

Pwe komw pahn ketin pakere aupahn imwintihti kan koaros;

Komw pahn ketin kauwehla ngihn me suwed kan.+

 3 Kumwail en ese me Siohwa kin ketin kupwuramwahwih mehmen me kin loalopwoatohng ih;*

Siohwa pahn ketin karonge ie ni ei likweriong.

 5 Wiahda meirong kan ni pwung,

Oh likih Siohwa.+

 7 Komw ketin audehkihda mohngiongi peren mwuledek

Laudsang peren en irail akan me dolungada reken krein oh wain kapw.

 8 I pahn wendi oh meir ni popohl,+

Maing Siohwa, komwi kelehpw me kin ketin kahrehiong ie I en momour ni ei sohte perki mehkot.+

5 Maing Siohwa, komw ketin karonge ei pato kat;+

Komw ketin tetehk ei sengloal.

 2 Komw ketin karonge ei likwer en peksawas,

Maing ei Nanmwarki oh ei Koht, pwehki I kin patohwan kapakapohng komwi.

 3 Maing Siohwa, komw pahn ketin karonge ngileiet nimenseng;+

Nimenseng I pahn patohwan wehkadahng komwi ei pwunod+ oh kasikasik awiawih.

 4 Pwe kaidehn komwi Koht emen me kin ketin kupwurperenki mehkot suwed;+

Sohte me suwed men kak mihmihte rehmwi.+

Komw kin ketin kalahdeki irail koaros me kin wia me suwed;+

 6 Komw pahn ketin kamwomwala irail kan me kin koasoi likamw.+

 7 Ahpw I pahn patohdo nan tehnpasomwi+ pwehki sapwellimomwi limpoak loalopwoat laud;+

I pahn poaridiong omwi tehnpas sarawio* ni ei kin lemmwikin komwi.+

 8 Maing Siohwa, komw ketin kahluwa ie nan sapwellimomwi ahl pwung kan pwehki ei imwintihti kan;

Komw ketin kamwakelehda alomwi pwe I en weid loale.+

 9 I sohte kak likih mehkot me re kin nda;

Kailoktohr me kin mi loalarail;

Kepinwararail iei sousou ehu me sansara;

Re kin doadoahngki lowarail kan pwehn wia koasoi kapohl.+

10 Ahpw Koht pahn ketin kadeikirailda;

Ar pilahn mwersuwed kan pahn kahrehiong ren pwupwudi.+

Komw ketin kasareirailla pwehki ar kauwehla kosonned tohto kan,

Pwe re uhwongadahr komwi.

11 Ahpw irail koaros me kin diar wasahn ruk rehmwi pahn perenda;+

Ahnsou koaros re pahn weriwerki peren.

Komw pahn ketin pere irail,

Oh irail me kin poakohng mwaromwi pahn perenkin komwi.

12 Maing Siohwa, komw pahn ketin kapaia me pwung kan;

Komw pahn ketin kapilkinirailpene kupwuramwahu me rasehng mehn sansar laud ehu.+

6 Maing Siohwa, komw dehr ketin panawih ie nan omwi engieng,

Oh komw dehr ketin kapwung ie nan omwi engieng mwuledek.+

 3 Ei, I uhdahn pwunod,+

I ahpw patohwan kalelapak rehmwi Maing Siohwa, ia erein met eh pahn wiewiawi?+

 4 Maing Siohwa, komw ketin sapahldo oh kapitiehla;+

Pwehki sapwellimomwi limpoak loalopwoat, komw ketin doareiehla.+

 5 Pwe me melahr akan sohte kin koasoiai* komwi;

Ihs me pahn kapinga komwi nan Sousou?*+

 6 I luwetkilahr ei wie sengsengloal;+

Pwohng ehu pwon I kawisekesekehkihla ei peht pilen mesei kan;*

Ei mehn mwomwohd wisekesengkihla ei sengiseng.+

 7 Meseiet luwetkihla ei pahtou;+

E ediedla* pwehki irail koaros me kin kalokaloke ie.

 8 Kumwail koaros me kin wia me suwed, kumwail keiweisang ie,

Pwe Siohwa pahn ketin karonge ngilen ei kin wie sengiseng.+

 9 Siohwa pahn ketin karonge ei peki kupwuramwahu;+

Siohwa pahn ketin sapeng ei kapakap.

10 Ei imwintihti kan koaros pahn namenekla oh pwunodada;

Re pahn pweiekla; re pahn mwadangete mwamwahlla.+

 2 Pwe ma soh re pahn tehriepeseng duwehte me laion men kin wia,+

Oh waiehsang ni eh sohte me pahn kapitiehla.

 3 Maing Siohwa ei Koht, ma I wiahda sapwung,

Ma I wiahda mwekid sapahrek,

 4 Ma I wiahda mehkot suwed ong emen me kin wia mwahu ong ie,+

De I kulih ei imwintihti ni soh kahrepe,*

 5 Eri ei imwintihti en pwakih ie oh koliehdi;

En tiakiehdiong* nanpwel

Oh wiahiong ei lingan en sohrala nan pwelpar. (Selah)

 6 Maing Siohwa, komw ketida nan omwi engieng;

Komw ketin uhwong ei imwintihti kan me lingeringer pahi;+

Komw ketida sewese ie, oh idingki pwung pahrek en wiawi.+

 7 Komw ketin mweidohng wehi kan en kapilkomwipene;

Oh komw pahn ketin uhwong irail sang powe.

Maing Siohwa, komw ketin kadeik ie nin duwen ei wiewia pwung kan

Oh ei loalopwoat.+

Ahpw komw ketin sewese me pwung kan,+

Pwehki omwi kin ketin wia Koht pwung men,+ me kin ketin kasawih mohngiong+ oh pepehm keieu loal kan.*+

11 Koht iei sounkopwung pwung men,+

Oh Koht kin ketin lohki sapwellime kadeik kan rahn koaros.

12 Ma mehmen sohte pahn koluhla,+ e kin ketin edehda sapwellime kedlahs;+

E kin ketin kadangpeseng sapwellime kesik ketieu oh onopadahng en kadar.+

13 E kin ketin kaunopada sapwellime tehtehn mahwen me kak kemehla aramas;

E kin ketin kaunopada sapwellime arep kisiniei kan.+

14 Kilang aramas me kin liseiankihda me suwed;

E kin liseiankihda kahpwal oh naitikihada likamw kan.+

15 E kin weirada pwoahr ehu oh kaloalehla,

Ahpw e kin pwupwudiong nan pwoahr me e wiahdao.+

16 Kahpwal me e wiahda pahn pwurodohng ih;+

Eh tiahk lemei pahn pwurodohng ih.

17 I pahn patohwan kapingahki Siohwa sapwellime pwung pahrek;+

I pahn koulki koulen kaping kan* ong mwaren Siohwa,+ Wasa Lapalahpie.+

8 Maing Siohwa at Kaun, ia uwen lapalap en mwaromwi nan sampah pwon;

Komw ketin wiadahr omwi lingan en ileilehsang nanleng!*+

 2 Sang ewen kisin seri kan oh seri pwelel kan+ komw ketin kasaledahr omwi kehl

Mwohn mesen omwi imwintihti kan,

Pwehn katokehdi imwintihti oh me kin dupuk.

 3 Ni ei kin kilengdawohng pahnlahng, wiepen nin limomwi kan,

Maram oh usu kan me komw ketin koasoanedier,+ I kin medewe:

 4 Dahkot aramas me komw kin ketin kupwukupwure,

Oh nein aramas me komw kin ketin apwahpwalih?+

 5 Komw ketin wiahiongehr ih en ekis tikitik sang tohnleng kan,*

Komw ketin kamwarehkihda lingan oh wahu.

 6 Komw ketikihongehr ih manaman en kaunda wiepen nin limomwi kan;+

Komw ketikihdiongehr mehkoaros pahn aluweluwe kan:

 7 Sihpw, kuht oh kou kan koaros,

Oh pil mahn lawalo kan,*+

 8 Menpihr en pahnlahng kan oh mwahmw en nansed kan,

Soahng koaros me kin papseli nansed.

9 Maing Siohwa, I pahn patohwan kapinga komwi nan ei mohngiong unsek;

I pahn patohwan koasoia sapwellimomwi wiewia kapwuriamwei kan koaros.+

 2 I pahn perenda pwehki komwi;

Maing Wasa Lapalahpie, I pahn koulki koulen kaping kan* ong mwaromwi.+

 3 Ni ei imwintihti kan ar pweiekla,+

Re pahn dipekelekel oh sohrasang mwohn silangomwi.

 4 Pwe komw kin ketin utung ei pwuhng oh ei repenpwung;

Komw ketidi nan mwoalomwi oh kadeik ni pwung.+

 5 Komw ketin angiangiher tohnwehi kan+ oh kamwomwalahr me suwed kan,

Oh irisasang adarail kan kohkohlahte.

 6 Imwintihti kan sohralahr kohkohlahte;

Komw ketin usadahr ar kahnimw kan,

Oh katamanparail koaros pahn sohrala.+

 7 Ahpw Siohwa ketidier nan mwoale kohkohlahte;+

E ketin koasoanehdi teng mwoale pwehn wia kopwung me pwung.+

 8 E pahn ketin kadeingki sampah* pwon pwung;+

E pahn ketin kadeingki tohnwehi kan dahme pwung.+

 9 Siohwa pahn ketin wia wasahn ruk* ong me lokolok kan,+

Wasahn ruk ni ahnsou apwal akan.+

10 Irail kan me patohwan ese mwaromwi pahn kin likih komwi;+

Maing Siohwa, komw sohte mwahn pahn ketin likidmeliehla irail kan me kin raparapahkin komwi.+

11 Kumwail koulki koulen kaping kan ong Siohwa me ketiket nan Saion;

Kumwail kehsehki aramas akan sapwellime wiewia kan.+

12 Koht pahn ketin tamataman irail kan me kin lokolok;+

Oh e pahn ketin ikih irail me kemeirailla.+

13 Maing Siohwa, komw ketin kupwuramwahwih ie; komw ketin mahsanih ei lokolok sang irail akan me kin kailongkin ie,

Komwi me ketin pwekiehda sang ni ewen kelen mehla,+

14 Pwe I en lohki sapwellimomwi wiewia kan me warohng kaping ni ewen kelen kahnimw en Saion,*+

Oh perenda pwehki sapwellimomwi wiewiahn komour kan.+

15 Tohnwehi kan suhredier nan pwoahr me re wiahda;

Nehrail kan lohdier nan uhk me re ekihla.+

17 Me suwed kan pahn pweieklahng Sousou,*

Tohnwehi kan koaros me manokehla Koht.

18 Ahpw me semwehmwe sohte pahn manokonokla ahnsou koaros;+

De pil koapworopwor en me opampap sohte pahn sohrala.+

20 Maing Siohwa, komw ketin kamasak irail,+

Tohnwehi kan en ese me re wiahte aramas ekei. (Selah)

 2 Me suwed men kin pwakih me sohte sawasepe ni aklapalap,+

Ahpw e pahn lohdi nan pilahn mwersuwed kan me e kin wiahda.+

 3 Pwe me suwed men kin suweiki duwen eh ineng roporop kan+

Oh e kin kapaia me noahrok men;*

נ [Nun]

E kin mwamwahliki Siohwa.

 4 Nan eh aklapalap, me suwed men sohte kin kasawih mehkot;

Ahnsou koaros e kin medemedewe: “Sohte Koht.”+

 5 E kin pweida ni soahng kan me e kin wia,+

Ahpw e sohte kak dehdehki omwi kadeik kan;+

E kin kepitki* eh imwintihti kan koaros.

 6 E kin nda nan eh mohngiong: “I sohte mwahn pahn rerada;*

Sang ehu dih lel ehu dih

I sohte mwahn pahn kilang kahpwal.”+

 7 Ewe kin diren keria, likamw oh kamasepwehk;+

Lowe kin kahrehda kahpwal oh kamedek.+

 8 E kin rukuruk limwahn wasahn kousoan kan;

Sang eh wasahn rukula e kin kemehla me soh dipe men.+

10 Me sohte sawasepe kin mwutpene oh pwupwudi nanpwel;

Me luwet kan kin pwupwudiong nan peh kan.*

Me paisuwed kin sohpeiong komwi;+

Komwi me sawasepen me sepwoupwou.+

15 Komw ketin katimpeseng pehn me suwedo,+

Pwe ni omw pahn ketin rapahki eh wiewia suwed,

Komw sohla pahn diar.

18 Komw pahn ketikihong me sepwoupwou oh irail me lokolok kan pwung pahrek,+

Pwe aramas en sampah wet en sohla kak kamasak irail.+

 2 Kilang duwen me suwed kan ar kin kadangpeseng kesik ketieu;

Re kin koasoanediong neirail arep kan ni selen kesik ketieu,

Pwehn kasikih irail me ahneki mohngiong pwung sang nan wasa rotorot.

 3 Ni poahsoan kan* eh kin kamweremwerdi,

Dahme me pwung kan kak wia?”

 5 Siohwa kin ketin kasawih me pwung men oh pil me suwed men;+

E kin ketin kalahdeki mehmen me kin perenki tiahk lemei.+

 6 E pahn ketin kamwerehdi lidip kan* pohn me suwed;

Kisiniei oh suwepel+ oh kisinieng karakar me pahn wia pwaisarail.*

12 Maing Siohwa, komw ketin doareiehla, pwe solahr me loalopwoat;

Aramas lelepek kan sohrasangehr nanpwungen aramas akan.

 2 Re kin koasoi likamwpene nanpwungarail;

Sang ni ar lokaia kan, re kin kapohlih oh pitih meteikan.+

 3 Siohwa pahn ketin lupukasang kilin au koaros me kin kapohl

Oh loh me kin suwei laud,+

 4 Irail kan me kin nda: “Sang ni lowat ka se pahn pweida.

Se kin doadoahngki kilin awat ka sang ni nsenat;

Sohte me kak kaun kiht.”+

 5 Siohwa ketin mahsanih: “Pwehki me lokolok kan kin wiakaula,

Oh me semwehmwe kan kin sengloal,+

I pahn kesihnenda pwehn doarehla me semwehmwe,

I pahn kapitirailla sang me kin mwamwahlikin irail.”*

 6 Mahsen en Siohwa kan me min;+

Re rasehng silper me kamwakelda nan wasahn kisiniei mwehl,* me kamwakeldahr pak isuh.

 7 Maing Siohwa, komw pahn ketin sile irail;+

Komw pahn ketin pere emenemen irail sang dih wet kohkohlahte.

 8 Me suwed kin saledek alialuseli

Pwehki aramas akan kin kapinga* dahme suwed.+

 2 Ia erein ei pahn pwunupwunodki

Pahtou me mi nan mohngiongiet ehuehu rahn?

Komw ketikihong marain ni mesei kat, pwe I en dehr mehla,*

 4 Pwe ei imwintihti kan en dehr nda: “I kalowedier!”

 5 A duwen ngehi, I koapworopworki sapwellimomwi limpoak loalopwoat;+

Ei mohngiong pahn perenkihda sapwellimomwi wiewiahn komour kan.+

Ar wiewia kan me suwed, oh ar mwekid kan me kasaut;

Sohte me kin wia me mwahu.+

 2 Ahpw Siohwa kin ketin iroirdiong pohn aramas akan sang nanleng

Pwe en ketin mahsanih ma mie me loalokong, ma mie me kin rapahki Siohwa.+

 3 Irail koaros sohpeilahr;+

Irail koaros suwed.

Sohte me kin wia me mwahu,

Sohte mwahn pil emen.

 5 Ahpw re pahn masepwehkada douluhl,+

Pwe Siohwa kin ketiket rehn dih en me pwung kan.

 6 Kumwail me kin wia me suwed kan kin song en kasapwungehla koasoandi en me tikitik men,

Ahpw Siohwa kin ketin wia eh wasahn ruk.+

Ni ahnsou me Siohwa pahn ketin kapwurehdo sapwellime aramas selidi kan,

Seikop en perenda, Israel en perenda.

 2 Aramas me kin mour mwakelekel,*+

Me kin wia me pwung+

Oh kin koasoi mehlel nan eh mohngiong.+

 3 E sohte kin doadoahngki lowe pwehn karaunlikamw,+

E sohte kin wia me suwed ong mehn mpe,+

Oh e sohte kin kahdsuwedih* kompoakepah kan.+

 4 E kin soikala me sohte katepe,+

Ahpw, e kin wauneki irail me kin lemmwiki Siohwa.

 5 E sohte kin kamangaila mwohni pwehn ale wihn,+

Oh e sohte kin ale kisakis ni ahl sapwung pwehn kedipa me sohte dipe.+

 3 Oh irail me sarawi kan nin sampah,

Me lapalap akan, kin wadohng ie peren laud.”+

I sohte mwahn pahn wiahda meirong en nta ong irail,

De pil kilin ewei kat sohte pahn koasoia adarail kan.+

Peren laud kin mi mwohn silangomwi;+

Mie nsenamwahu ni palimaun en nin limwomwi kohkohlahte.

17 Maing Siohwa, komw ketin karonge ei pekipeki pwung pahrek;

Komw ketin karonge ei likwer en peksawas;

Komw ketin karonge ei kapakap me sohte likamw.+

 2 Komwi en ketin wiahda pilipil pwung ong ie;+

Silangomwi en ketin mahsanih dahme pwung.

 3 Komw ketin kasawiher mohngiongiet, komw ketin kasawihieier nipwong;+

Komw ketin kamwakeleiedahr;+

Komw pahn ketin diarada me I sohte kin koasoanehdi mehkot suwed,

Oh eweiet sohte kin kauwehla kosonned.

 4 Oh I pil sohte kin idawehn elen me lipirap kan, duwehte me meteikan kin wia,

Pwe I kin karonge mahsen en doauesomwi.+

 5 Komw ketin mweidohng ei kahk kan en mihmihte nan alomwi kan

Pwe nehi kat en dehr dipekelekel.+

 7 Maing Sounkomourpen irail kan me kin rapahki wasahn ruk ni palimaun en nin limomwi

Sang irail me kin uhwong komwi,

Komw ketin kasalehda sapwellimomwi limpoak loalopwoat ni ahl kapwuriamwei.+

 8 Komw ketin sinsile ie duwehte omwi kin ketin sinsile pein silangomwi;*+

Komw ketin karirihiehla pahn mwetehn omwi pehnpihr kan.+

 9 Komw ketin sile ie sang aramas suwed me kin uhwong ie,

Sang ei imwintihti kan me kapiliepene oh men kemeiehla.+

10 Re sohla kin pehm mehkot;*

Re kin koasoi en aklapalap.

11 Met re kapilkitpene;+

Re kin mwasamwasahn ahnsou mwahu ren kahrehiong sen pwupwudi.*

12 E rasehng laion men, me men dapengpeseng seike,

Rasehng laion pwulopwul men me karahkidi rukuruk.

13 Maing Siohwa, komw ketida, komw ketin pelianda ih+ oh kalowehdi;

Komw ketin kapitikiniehla sang me suwed sapwellimomwi kedlahs.

14 Maing Siohwa, komw ketin kapitikiniehla nin limomwi,

Sang aramas en sampah wet* me kin momourkihte mour en ahnsou wet,+

Irail kan me komw kin ketin audehkihda soahng mwahu kan me komw ketikihda+

Oh me kin pwilikihdi sohso ong neirail seri tohto.

15 Ahpw ngehi, I kin wia dahme pwung oh I pahn udiahl silangomwi;

I kin nsenamwahu ni ei pirida mwohn silangomwi.*+

Ei Koht iei ei paip,+ wasa me I kin rukula ie,

Ei mehn sansar oh ei koden* komour,* ei wasahn ruk.*+

 3 I kin likweriong Siohwa, me ketin warohng kaping,

Oh I pahn poadoandoarla sang ei imwintihti kan.+

 4 Selen mehla kan kapiliepenehr;+

Aramas soh katepe kan me duwehte luwair kin kamasakiehda.+

 5 Selen Sousou* kapiliepene;

Lidip en mehla mihmi mwohi.+

 6 Nan ei apwal I likweriong Siohwa,

I kin liklikwer peki sawas rehn ei Koht.

E ahpw ketin karonge ngileiet sang ni sapwellime tehnpas sarawi,+

Oh ei likwer en peksawas peilahng ni koaronge kan.+

 7 Sampah eri tepida itikekda oh rerada;+

Poahsoan en nahna kan mwekidada

Oh itikekla mwowe oh mwuri pwehki eh ketin engiengdahr.+

 8 Ediniei kusukusdahsang nan sapwellime keinuhnu,

Kisiniei me kin kamwomwala wasa kohieisang nan doauese;+

Mwoalus okohk lul sang reh.

 9 E ketin kahrehiong nanleng en kospene ni eh ketiketdihdo,+

Oh rotorot mosul mi pahn aluweluwe.+

11 Ih eri ketin pwainkihdi pein ih rotorot,+

Oh kapilkipene pein ih duwehte impwal ehu,

Pihl rotorot oh depwek mosul.+

12 Sang ni marain me mi mwohn silangi

Keteu aihs takai oh mwoalus okohk kan mwerasang ni depwek kan.

13 Siohwa eri ketin tepida ngirisek nanleng;+

Kapitien Wasa Lapalahpie ahpw sansalkihda+

Keteu aihs takai kan oh mwoalus okohk kan.

14 E ketin kadar sapwellime arep kan oh katangairailpeseng;+

E ketin kadarala piripir en sapwellime lioal oh kapingirailda.+

15 Nan kepin piletik kan* sansalda;+

Maing Siohwa, poahsoan en sahpwo sansalkihda sapwellimomwi peneu,

Sang ni angin esingek kehlail en omwi keinuhnu.+

16 E ketin kapahdihdo nin lime sang wasa ile;

E ketin koliehdi oh waikiehda sang nan pihl loal.+

17 E ketin kapitiesang ei imwintihti kehlail kan,+

Sang irail kan me kin kailongkin ie, me kehlailsang ie.+

18 Re uhwong ie ni rahn en ei apwal,+

Ahpw Siohwa iei sawasepei.

19 E ketikiniehdo nan wasa sohte keper ehu;*

E ketin kapitiehla pwehki eh ketin kupwurperenkin ie.+

20 Siohwa kin ketin katingih ie nin duwen ei kin wia me pwung;+

E kin ketin dupukohng ie nin duwen mwakelekel en pehi kat.+

21 Pwehki ei kin kolokol elen Siohwa,

Oh ei sohte kin wia wiewia mwersuwed oh kesehla ei Koht.

22 Sapwellime kopwung koaros mihmi mwohi;

I sohte pahn pohnsehsehla sapwellime koasoandi kan.

23 E sohte pahn kin mie karaunpei mwohn silangi,+

Oh I pahn kadohwansang ie wiewia sapwung.+

24 Siohwa en ketin dupukohng ie nin duwen ei kin wia me pwung,+

Nin duwen pehi kat eh mwakelekel mwohn silangi.+

25 Komw kin ketin loalopwoatohng mehmen me kin loalopwoatohng komwi;+

Sohte karaunpomwi ong aramas me sohte karaunpe;+

26 Ong me mwakelekel, komw kin ketin kasalehda omwi mwakelekel,+

Ahpw ong me mwersuwed, komw kin ketin mwekid ni loalokong.+

27 Pwe komw kin ketin doarehla me tikitik kan*+

Ahpw komw kin ketin kasapwildi me aklapalap kan.*+

28 Maing Siohwa, komwi me kin ketin isikada nei lamp,

Ei Koht me kin ketin kamarainihada rotorot me kapiliepene.+

29 Pwehki sapwellimomwi sawas, I kak uhwongada pwihnen aramas loallap ehu,+

Pwehki sapwellimen Koht kehl, I kak dauredi kehl ehu.+

30 Elen Koht mehlel me unsek;+

Mahsen en Siohwa me min.*+

32 Koht mehlelo me kin ketin kalikawihkiniehda kehl,+

Oh e pahn ketin kaunsekala elei kan.+

33 E kin ketin wiahiong nehi kat en duwehla nehn tie men;

E kin ketin wiahiong ie I en kesihnen pohn wasa ileile kan.+

34 E kin ketin kaiahnehda pehi kat ong mahwen;

Pehi kat kak kadangpeseng kesik ketieu prons.

35 Komw kin ketikihong ie sapwellimomwi mehn sansar en komour,+

Palimaun en nin limomwi me kin utung* ie,

Oh sapwellimomwi aktikitik kin kalinganeiehla.+

36 Komw kin ketin katehlapahla elen ei kahk kan;

Nehi kat* sohte pahn kiris.+

37 I pahn pwakih ei imwintihti kan oh koanoairaildi;

I sohte pahn pwurodo lao irail sohrala.

38 I pahn kamwuteirailpene pwe ren dehr pwourda;+

Re pahn pwupwudiong pahn nehi kat.

39 Komw pahn ketikihong ie kehl ong mahwen;

Komw pahn ketin wiahiong ei imwintihti kan en pwupwudiong pahi.+

40 Komw pahn ketin wiahiong ei imwintihti kan en pweieksang ie,*

Oh I pahn kamwomwala* irail kan me kin kailongkin ie.+

41 Re kin likwer peksawas, ahpw sohte emen me pahn doareirailla;

Re pil kin likweriong Siohwa, ahpw e sohte kin ketin sapeng irail.

42 I pahn sukirailpene pwe ren mwutpene duwehla pwelpar nan kisinieng;

I pahn keseirailla duwehte pwelmatak nanial akan.

Komw pahn ketin idihiehda pwe I en wiahla kaunen wehi kan;+

Aramas me I sehse me pahn papah ie.+

44 Sang ni rohng pwoat re pahn peikiong ie;

Mehn liki kan pahn kohdo poaridi mwohi ni masak.+

45 Mehn liki kan pahn sohla eimah;*

Re pahn rerrer kohdo sang arail wasahn ruk kehlail kan.

47 Koht mehlelo kin ketin ikihong ei imwintihti kan;+

E kin ketin kahrehiong aramas akan en lohdi pahi.

48 E kin ketin doareiehsang ei imwintihti kan me kin lingeringer;

Komw kin ketin pwekiedahla pohnangin irail me peiong ie;+

Komw kin ketin doareiehsang aramas lemei.

49 Ihme kahrehda, Maing Siohwa, I pahn kalinganahda komwi nan wehi kan,+

Oh I pahn koulki koulen kaping kan* ong mwaromwi.+

50 E kin ketin wiahda doadoahk en komour lapalap akan ong sapwellime nanmwarkio;*+

E kin ketin kasalehiong sapwellime me keidio limpoak loalopwoat,+

Ong Depit oh kadaudoke kohkohlahte.+

19 Nanleng kin lohki sapwellimen Koht lingan;+

Pahnlahng me mi powe* kin lohki wiepen nin lime kan.+

 2 Rahn koaros ar lokaia kan kin pwilipwilwei rasehng pihl,

Oh pwohng koaros re kin kasalehda loalokong.

 3 Sohte koasoi oh sohte lokaia;

Sohte me kin rong ngilarail.

 4 Ahpw ngilarail kan* lelpesengier wasa koaros nin sampah,

Oh arail padahk lellahng ni irepen sampah* wasa me aramas kin kousoan ie.+

Koht ketin kauwada impwal ehu pahnlahng ong ketipin;

 5 Ketipin rasehng ohl kamwohd men me kohkohieisang nan perehn pwopwoud;

Oh rasehng ohl kehlail men me pereperen tangatang nan weirentang ehu.

 6 E kin kohieisang ni ehu imwin pahnlahng,

Oh e kin pideklahng ni imwi teio;+

Oh sohte mehkot ehu kin rirsang eh karakar.

 8 Sapwellimen Siohwa ruwes kan me pwung, e kin kaperenda mohngiong;+

Sapwellimen Siohwa kehkehlik me mwakelekel, e kin kamarainihada mesen aramas.+

10 Mepwukat kesempwal sang kohl,

Kesempwal sang kohl kaselel tohto,*+

Oh memsang sukehn loangalap,+ sukehn loangalap me kin dingiding sang nan pesen loangalap kan.

11 Sang ni mepwukat, komw kin ketin padahkih sapwellimomwi ladu en soikala ahl sapwung;+

Mie keting laud ni eh kin kapwaiada mepwukat.+

13 Oh komw ketin irehsang sapwellimomwi ladu wiewiahn aklapalap* kan;+

Komw dehr ketin mweidohng ren kauniehda.+

I ahpw pahn unsekla+

Oh mwakelekel sang dihp laud kan.*

14 Ei pato kan oh madamadau loal en mohngiongi

En kaperenda kupwuromwi,+ Maing Siohwa, ei Paip+ oh Sounkomourpei.*+

 2 En ketin kadarodohng komwi sawas sang wasa sarawio+

Oh ketin seweseikomwihda sang Saion.+

 3 En ketin tamataman omwi meirong en kisakis kan koaros;

En ketin kupwurperenki omwi meirong isihs.* (Selah)

 4 En ketikihong komwi dahme komw kin inengieng+

Oh ketin wiahiong omwi koasoandi kan* koaros en pweida.

 5 Kitail pahn weriwer pereperenki omwi wiewiahn komour kan;+

Kitail pahn pwekada neitail pilaik kan ni mwaren atail Koht.+

E kin ketin sapeng ih sang nan sapwellime wasa sarawio nanleng

Sang ni wiewiahn komour kan* en nin lime palimaun.+

 7 Ekei kin likih kurumahn mahwen kan, a ekei kin likih oahs kan,+

Ahpw kitail kin likweriong mwaren Siohwa, atail Koht.+

 8 Irail dipekelekel oh pwupwudier,

Ahpw kitail uhdahr oh uh tengeteng.+

21 Maing Siohwa, nanmwarkio kin kupwurperenkihda sapwellimomwi roson;+

Ia uwen laud en eh kin kupwurperenkihda omwi wiewiahn komour kan!+

 2 Komw ketikihongehr ih dahme e kin inengieng,+

Oh komw sohte ketin irehdihsang sapwellime pekipek kan. (Selah)

 3 Komw ketikihong ih kapai tohto;

Komw ketikihdiong pohn tapwi nihn kohl kaselel* ehu.+

 4 E patohwan peki rehmwi mour, komwi ahpw ketikihong ih mour,+

Mour werei ehu,* kohkohlahte.

 6 Komw kin ketin kapaia ih kohkohlahte;+

Omwi kin ketin ieiang ih kin kaperenda.*+

 7 Pwe nanmwarkio kin likih Siohwa;+

Pwehki limpoak loalopwoat en Wasa Lapalahpie, e sohte mwahn pahn ketin rerada.*+

 8 Nin limomwi pahn koledi omwi imwintihti kan koaros;

Palimaun en nin limomwi pahn koledi irail kan me kin kailongkin komwi.

10 Komw pahn ketin kasohrehla neirail seri kan* sang nin sampah,

Oh kadaudokarail kan sang rehn aramas akan.

11 Pwe re songosong en wia dahme suwed ong komwi;+

Re wiadahr pilahn mwersuwed kan me sohte pahn pweida.+

12 Pwe komw pahn ketin kapweiekirailla+

Sang ni omwi pahn ketin kainenehiong irail* sapwellimomwi kesik ketieuwo.*

Dahme kahrehda komw sohte ketido doareiehla,

Oh sohte ketin karonge ei tihwohla liklikwer?+

 2 Maing ei Koht, I kin liklikwer ni rahn, ahpw komw sohte kin ketin sapeng;+

Oh I sohte kin nennenla nipwong.

 3 Ahpw komwi me sarawi,+

Kaping en Israel kan kin kapilkomwipene.*

 4 At pahpa ko kin likih komwi;+

Pwehki ar kin likih komwi, komw kin ketin doareirailla.+

 5 Re kin likweriong komwi, oh re ahpw kin poadoandoarla;

Re kin likih komwi, oh re sohte kin nsensuwedla.*+

 6 Ahpw ngehi mwahs emen, a kaidehn aramas emen,

Me aramas akan kin kepitki oh mwamwahliki.+

 7 Irail koaros me kin kilang ie kin kapailoke ie;+

Re kin kepitki oh itik moangarail kan ni ar mwamwahlikin ie:+

 9 Komwi me ketikiniesang nan kapehden inei,+

Me ketin wiahiong ie I en sohte perki mehkot ni en ei nohno dihdi kan.

10 I mi pahn epwelpomwi sangete ni ei ipwidi;

Komwi me ei Koht sangete ni ei mihmi nan kapehden inei.

11 Komw dehr ketin dohweisang ie, pwe apwal kerendohr+

Oh sohte me pahn sewese ie likin komwi.+

12 Kouwol pwulopwul tohto kapiliepene;+

Kouwol kehlail en Pasan kan pidakihiepene.+

13 Re sarahiong ie,+

Rasehng laion weriwer men me dapengpeseng seike.+

14 I wudekiei rasehng pihl;

Tih kat koaros piselpesengehr.

Mohngiongi rasehngala kirihs;+

E peipesengehr loaleiet.+

15 Ei kehl ngalangaladahr rasehng diperen sah ehu;+

Loweiet pasehngehr utuhn ngih kat;+

Komw kin ketikiniehdihla nan pwelpar en mehla.+

16 Pwe kidi kan kapiliepenehr;+

Re kerendohng ie rasehng pwihn en aramas suwed ehu,+

Re kin mi ni pehi kat oh nehi kat rasehng laion men.+

18 Re nehkpeseng ei likou ko nanpwungarail,

Oh re usuhski ei likou.+

20 Komw ketin doareiehsang kedlahs,

Komw ketin doarehla ei mour kesempwal sang nehn kidi kan;+

21 Komw ketin doareiehsang ewen laion+ oh koden kouwol lawalo kan;

Komw ketin sapeng ie oh doareiehla.

22 I pahn lohkihong riei kan mwaromwi;+

I pahn kapinga komwi nan mwomwohdiso.+

24 Pwe e sohte kin ketin mwamwahliki de likidmeliehla kahpwal en me lokolok men;+

E sohte kin ketin sohpeisang ih.*+

25 I pahn kapinga komwi nan mwomwohdiso laud;+

I pahn kapwaiada ei inou kan me I kaukihla mwohn irail kan me kin lemmwiki ih.

26 Me opampap pahn mwenge oh medla;+

Irail me kin rapahki Siohwa pahn kapinga ih.+

28 Siohwa iei me nanmwarki;+

E kin ketin kaunda wehi kan.

29 Me kepwehpwe* koaros en sampah pahn mwenge oh poaridi;

Irail koaros me kohkohdihla nan pwelpar pahn kelepwikihdi mwohn silangi;

Sohte emen irail kak doarehla ar mour.*

30 Kadaudokarail kan pahn papah ih;

Dih en mwuhr kan pahn rong duwen Siohwa.

 2 E kin ketin kakommoaleiehdi nan mohs molomol kan;

E kin ketin kahluwaielahng wasahn kommoal kan me diren pihl.*+

 4 Mendahki ei weweid nan wahu me rotorot mosul,+

I sohte pahn masak mehkot,+

Pwe komw kin ketin ieiang ie;+

Sapwellimomwi sokon kin ketikihong ie eimah.*

 6 I ese me sapwellimomwi kamwahu oh limpoak loalopwoat pahn kin ieiang ie erein ei mour,+

Oh I pahn kin kousoan nan tehnpesen Siohwa erein ei mour.+

 2 Pwe e ketin poahsoanehdi teng sampah pohn sehd kan+

Oh ketin katengehdiong pohn pillap kan.

 3 Ihs me pahn kak kohdahla ni nahnahn Siohwa,+

Oh ihs me pahn kak uh nan sapwellime wasa sarawio?

 4 Mehmen me peh mwakelekel oh mohngiong min,+

Me sohte kin kaukihla inou likamw ni Mwarei,*

Oh pil sohte kin kaukihla inou likamw pwehn pitih meteikan.+

 5 E pahn alehdi kapai kan sang rehn Siohwa+

Oh pwungla rehn Koht,* sounkomourpe.+

 6 Ih dih wet me kin rapahki ih,

Me kin rapahki silangomwi, Maing Koht en Seikop. (Selah)

 7 Kumwail ewen kehl kan, kumwail sarada;+

Kumwail wenihmw en mahs kan, kumwail ritida,*

Pwe Nanmwarki lingano en ketilong!+

Iei ih me Siohwa, me roson oh kehlail,+

Siohwa me kehlail nan mahwen.+

 9 Kumwail ewen kehl kan, kumwail sarada;+

Kumwail wenihmw en mahs kan, kumwail ritida,

Pwe Nanmwarki lingano en ketilong!

 2 Maing ei Koht, I kin likih komwi;+

Komw dehr ketin mweidohng ie I en namenekla.+

 3 Me kin koapworopworkin komwi sohte mwahn pahn namenekla,+

Ahpw me kin widing ni soh kahrepe pahn namenekla.+

 4 Maing Siohwa, komw ketin kasalehiong ie sapwellimomwi ahl akan;+

Komw ketin padahkihong ie sapwellimomwi ahl akan.+

 5 Komw ketin wiahiong ie I en weweidki sapwellimomwi mehlel oh padahkih ie,+

Pwe komwi me Koht sounkomourpei.

 6 Maing Siohwa, komw ketin tamanda sapwellimomwi kadek kalahngan oh limpoak loalopwoat,+

Me komw kin ketin kasalehda ahnsou koaros.*+

Maing Siohwa, komw ketin tamataman ie pwehki sapwellimomwi limpoak loalopwoat,+

Pwehki sapwellimomwi kupwuramwahu.+

 9 E pahn ketin kahluwa me opampap ong ni dahme pwung,*+

Oh e pahn ketin padahkihong me opampap kan sapwellime ahl.+

10 Sapwellimen Siohwa ahl akan koaros kin kasalehda sapwellime limpoak loalopwoat oh lelepek

Ong irail kan me kin kapwaiada sapwellime inou lap+ oh mehn kataman kan.+

11 Maing Siohwa, pwehki mwaromwi,+

Komw ketin mahkikihong ie ei sapwung, mendahki ei sapwung me laud.

13 Soahng mwahu kan pahn wiawihong ih,+

Oh kadaudoke kan pahn sapweniki sampah.+

14 Irail me kin lemmwiki ih kin ahneki nanpwungmwahu keren rehn Siohwa,+

Oh e kin ketin padahkihong irail duwen sapwellime inou lap.+

15 Pwoaren mesei kat kin ahnsou koaros kilikilengwohng Siohwa,+

Pwe e pahn ketin sapwadasang patehn nehi kat nan uhko.+

16 Komw ketin sohpeidohng ie oh kupwuramwahwih ie,

Pwe I kelekelehpw oh sohte sawasepei.

17 Apwal akan nan ei mohngiong tohtohla;+

Komw ketin kamaiauwihiehda sang nan ei pwunod.

18 Komw ketin mahsanih ei lokolok oh ei apwal,+

Oh ketin mahkikihong ie dipei kan koaros.+

19 Komw ketin mahsanih uwen ngeder en ei imwintihti kan

Oh uwen laud en ar kin kailongkin ie.

21 Ei loalopwoat oh pwung kin sinsile ie,+

Pwehki ei kin koapworopworkin komwi.+

26 Maing Siohwa, komw ketin kadeikiehda, pwe I kin weweidki ei loalopwoat;+

I kin likih Siohwa oh I sohte kin uhdihsang likih ih.+

 2 Maing Siohwa, komw ketin kasawih ie oh kasonge ie;

Komw ketin kamwakelehda ei madamadau keieu loal kan* oh mohngiongi.+

 3 Pwe sapwellimomwi limpoak loalopwoat kin ahnsou koaros mi mwohi,

Oh I kin weweidki sapwellimomwi mehlel.+

 4 I sohte kin patehng* aramas widing kan,+

Oh I kin soikala irail kan me kin ekihla soangen aramas dah irail.*

 5 I kin tatki patehng aramas dipan akan,+

Oh I kin kahng patehng* aramas suwed kan.+

 6 I pahn omwiomw pwehn kasalehda me sohte dipei,

Oh Maing Siohwa, I pahn pidakih sapwellimomwi pei sarawio,

 7 Pwe I en kasapahlkalahngan ong komwi ni ngihl laud+

Oh lohki sapwellimomwi wiewia kapwuriamwei kan koaros.

 8 Maing Siohwa, I patohwan poakohng tehnpas me komw kin ketiket ie+

Wasa me sapwellimomwi lingan kin ket ie.+

 9 Komw dehr ketin koakoahiehsang iangahki me dipan akan+

De pil ketikihsang ei mour iangahki aramas lemei kan,*

10 Me pehrail kan kin wia tiahk kanamenek kan,

Oh me palimaun en pehrail kan kin perenki ale kisakis ni ahl sapwung.*

12 Patehn nehiet kesikesihnen pohn wasa patapat;+

I pahn kapinga Siohwa nan mwomwohdiso laud.*+

 2 Ni aramas suwed kan ar peiong ie pwehn kadallehla udukei,+

Ei imwintihti kan me uhwong ie kin dipekelekel oh pwupwudi.

 3 Mehnda ma karis en sounpei ehu kauwada impwal kan kapiliepene,

Ei mohngiong sohte pahn masepwehkada.+

Mehnda ma mahwen wiawihong ie,

I pahn kin likilikihte Koht.

 4 Mehteieu me I patohwan peki rehn Siohwa

—Iei dahme I pahn rapahki—

Iei me I pahn kousoan nan tehnpesen Siohwa erein ei mour,+

Pwe I en kin udiahl sapwellimen Siohwa lingan

Oh I en kin udiahl tehnpese*+ ni kalahngan.*

 5 Pwe e pahn ketin karirihiehla nan sapwellime wasahn ruk ni rahnen apwal;+

E pahn ketin pere ie nan wasa rir en sapwellime impwalo+

E pahn ketikiniehdi pohn paip ileile ehu.+

 6 Met moangeiet ileilehda sang ei imwintihti kan me kapiliepene;

I pahn patohwanda meirong kan nan sapwellime impwalo ni ei weriwerki peren;

I pahn kin koulki koulen kaping kan* ong Siohwa.

 7 Maing Siohwa, komw ketin karonge ie ni ei likwer peksawas;+

Komw ketin kupwuramwahwih ie oh sapeng ie.+

Komwi me sawasepei;+

Maing Koht sounkomourpei, komw dehr ketin keseiehla de likidmelieiehla.

10 Mehnda ma semei oh inei keseiehla,+

Pein Siohwa pahn ketin aleiehda.+

11 Maing Siohwa, komw ketin padahkihong ie sapwellimomwi ahl,+

Komw ketin kahluwa ie nan ahl pwung pwehki ei imwintihti kan me kapiliepene.

12 Komw dehr ketin pangiehla rehn ei imwintihti kan,+

Pwe sounkadehde likamw kan uhdahr pwe ren pelian ie,+

Oh re kin kamasangkin ie tiahk lemei kan.

13 I pahn mi ia ma I sohte pwoson

Me I pahn udiahl kupwuramwahu en Siohwa nan sapwen me momour kan?*+

14 Koapworopworki Siohwa;+

Ken eimah oh kehlail.+

28 Maing Siohwa ei Paip,+ I kin patohwan liklikweriong komwi;

Komw dehr ketin pohnsehseiehla.

Ma komw ketin nennenlahte sohte sapeng ie,

I pahn duwehla irail kan me pahn kohdihla nan pwoahr.*+

 2 Komw ketin karonge ei pekipek kan ni ei patohwan likweriong komwi peksawas

Ni ei kin kapalahng pehi kat nan pere me mi keieu mas loaleo nan sapwellimomwi wasa sarawio.+

 3 Komw dehr ketin wurahdekihiehsang iangahki me suwed, me kin wia soahng kamedek kan,+

Me kin koasoia soahng popohl kan rehn iengarail kan, ahpw suwed me kin mi nan mohngiongirail kan.+

 4 Komw ketin kalokehkin irail arail wiewia kan,+

Nin duwen arail wiewia suwed kan.

Komw ketin ikihekin irail doadoahk en pehrail kan,

Nin duwen mehkan me re wiadahr.+

 5 Pwe re sohte kin tehk sapwellimen Siohwa wiewia kan,+

De pil wiepen nin lime kan.+

 6 Kaping en kohwong Siohwa,

Pwe e ketin karongeier ei peksawas.

 7 Siohwa iei me ei kehl+ oh ei mehn sansar;+

Ei mohngiong kin likih ih.+

I alehdier sapwellime sawas, oh ei mohngiong kin pereperen,

I pahn kapingahki ih ei koul.

 8 Siohwa iei me kehlepen sapwellime aramas akan;

E ketin wia wasahn ruk kehlail ehu, oh e kin ketin doarehla sapwellime me keidio.+

29 Kumwail kapinga Siohwa, kumwail nein me kehlail kan,

Kumwail kapinga Siohwa pwehki sapwellime lingan oh roson.+

 2 Kumwail kapinga Siohwa pwehki mwareo warohng linganla

Kumwail poaridiong* Siohwa ni amwail likawih likou sarawi kan.*

 3 Kapitien Siohwa peipeido sang pohn pihl akan;

Kapitien Koht lingaling wie ngiringirisek rasehng nansapwe.+

 4 Kapitien Siohwa me manaman;+

Kapitien Siohwa me kaselel.

 5 Kapitien Siohwa kin kauwehla sidar kan;

Ei, Siohwa kin ketin kamwutepene sidar en Lepanon kan.+

 6 E kin ketin kalusseli Lepanon* rasehng koupwul men,

Oh e kin ketin kalusseli Sirion+ rasehng koupwul wol lawalo men.

 8 Kapitien Siohwa kin kahrehda sapwtehno en rerada;+

Siohwa kin ketin kahrehiong sapwtehn en Kades+ en rerada.

 9 Kapitien Siohwa kin kahrehiong tie en rerrer oh neitik

Oh kin kahrehiong nanwel kan en mahsahsda.+

10 Siohwa kin ket nan mwoale pohnangin lapake kan;*+

Siohwa kin ket nan mwoale nin duwen Nanmwarki kohkohlahte.+

30 Maing Siohwa, I pahn kawauwih komwi, pwe komw ketin pwekiedahr;

Komw sohte ketin mweidohng ei imwintihti kan ren kouruhrkin ie.+

 4 Kumwail sapwellime aramas loalopwoat kan,+ kumwail koulki koulen kaping kan* ong Siohwa,

Kumwail kapingkalahngan ong mware sarawi;*+

 5 Pwehki en mi pahn sapwellime engieng kin ahnsoutehkis,+

Ahpw en mi pahn sapwellime kupwuramwahu kin mihmi erein mour.+

 8 Maing Siohwa, I kin patohwan liklikweriong komwi;+

Oh I kin patohwan pekipeki kupwuramwahu rehn Siohwa.

11 Komw ketin wekidalahr ei mwahiei ong ni kahlek;

Komw ketin kapwuhrasangehr ei likoun nsensuwed,* oh ketin kapwuhrohng ie nan peren,

12 Pwe I pahn koulkihong komwi kaping kan oh sohte wie nennenla.

Komw ketin wiahla ei wasahn ruk kehlail pohn nahna ehu,

Wasa kelpene kehlail ehu me pahn doare ie.+

 3 Pwe komwi me ei paipalap oh ei wasahn ruk kehlail;+

Pwehki mwaromwi,+ komw pahn ketin kahluwa ie oh kaweid ie.+

 4 Komw pahn ketin kasaledekihiehsang nan uhk me re wiadahng ie ni rir,+

Pwe komwi me ei wasahn ruk kehlail.+

 6 I kailongki irail kan me kin poadidiong dikedik soh katepe kan,

Ahpw ngehi, I kin likih Siohwa.

 7 I pahn perenkihda kowahlap sapwellimomwi limpoak loalopwoat,

Pwe komw ketin mahsaniher ei lokolok;+

Komw kin ketin mwahngih ei apwal laud.

 8 Komw sohte ketin pangiehla rehn imwintihtio,

Ahpw komw kin ketin kasihnenihiehda nan wasa sohte keper ehu.*

10 Pahtou kamwotelahr ei mour+

Oh ingihngtik kamwotelahr ei sounpar akan.+

Solahr angi pwehki ei sapwung;

Tih kat luwetalahr.+

11 Ei imwintihti kan koaros kin kepitkin ie,+

Ahpw mehlel mehn mpei kan.

Oh iengei kan kin masak ie;

Ni ar kin kilang ie nan wehipokon, re kin tangasang ie.+

12 I solahr mi nan ar mohngiong* oh manokonoklahr, likamwete I melahr;

I rasehng sah ohla ehu.

13 I rongehr duwen koasoi suwed tohto;

Masak kin kapiliepene.+

Ni ar kohpene uhwong ie,

Re koasoakoasoane ren kihsang ei mour.*+

Me suwed kan en namenekla;+

Ren nennenla nan Sousou.*+

18 Me likamw akan en sohla kak lokaia,+

Irail akan me kin koasoi aklapalapiong oh mwamwahliki me pwung kan.

Komw ketin nekidalahr ong irail akan me kin lemmwiki komwi,+

Oh komw ketin kasaledahr mwohn aramas koaros, ong irail akan me kin diar wasahn ruk rehmwi.+

20 Komw pahn ketin pere irail sang pilahn mwersuwed en aramas akan+

Nan wasa rir me komw ketiket ie;

Komw pahn ketin karirihirailla nan sapwellimomwi wasahn ruk

Sang uhwong suwed kan.*+

21 Kaping en kohwong Siohwa,

Pwe ni ahl kapwuriamwei ehu, e ketin kasalehiong ie sapwellime limpoak loalopwoat+ nan kahnimw ehu me imwintihti kan kapilpene.+

Siohwa kin ketin pere me lelepek kan,+

Ahpw e kin ketin kaloke me aklapalap kan ni mwuledek.+

24 Kumwail eimah, oh mohngiongimwail kan en kehlail,+

Kumwail koaros me kin awiawih Siohwa.+

 2 Meid peren aramas me Siohwa sohte kin ketin kapwukoahki dipe,+

Me sohte kin ahneki madamadau* widing kan.

 5 Eri I wehkadahng komwi dipei kan;

I sohte ekihla ei sapwung kan.+

 6 Ihme kahrehda me loalopwoat koaros pahn kapakapohng komwi+

Nindoken ar kak pwarowohng komwi.+

 7 Komwi me ei wasahn ruk;

Komw pahn ketin sileiehsang kahpwal.+

 9 Ke dehr duwehla oahs men de dongki men me sohte wehwehki mehkot,+

Me lawalo oh anahne mete oh sahl en kohieng ni ewe

Mwohn eh pahn kohdo limwahmw.”

10 Me suwed kin ahneki medek tohto;

Ahpw sapwellimen Siohwa limpoak loalopwoat kin kapilpene aramas me kin likih ih.+

11 Kumwail me pwung kan, kumwail nsenamwahu pwehki Siohwa oh wie pereperen;

Kumwail koaros me ahneki mohngiong pwung, kumwail werikihda peren.

 2 Kumwail kapingkalahngankihong Siohwa noumwail arp kan;

Kumwail koulkihong ih koulen kaping kan sang* noumwail mehn keseng sahl eisek kan.

 3 Kumwail koulkihong ih apwoat koul kapwen;+

Kesengki arp kan ni uwen amwail kak oh weriwerki peren.

 4 Pwe mahsen en Siohwa me pwung,+

Oh mehkoaros me e kin ketin wia kin likilik.

 6 Sang ni mahsen en Siohwa nanleng wiawihda,+

Oh sang ni angin* doauese audepe kan koaros* wiawihda.

 7 E ketikipene pilen madau kan duwehte kelen pihl;+

E ketikilahng ilok en sehd kan nan imwen nahk kan.

 9 Pwe e ketin mahsen, a mehkoaros ahpw miehla;+

E ketin poahngoak, a mehkoaros ahpw pwarada.+

10 Siohwa ketin kasapwungelahr pilahn mwersuwed* en wehi kan;+

E ketin katokedier koasoandi* en aramas akan.+

11 Ahpw sapwellimen Siohwa pilipil kan* pahn mihmi kohkohlahte;+

Kupwure kan kin duweduwehte sang ehu dih lel ehu dih.

12 Meid peren wehi me eh Koht iei Siohwa,+

Aramas akan me e ketin piladahr pwehn sapwellimanki.+

13 Siohwa kin ketin mahsendihdo sang nanleng;

E kin ketin mahsanih aramas koaros.+

14 Sang wasa e kin ketiket ie,

E kin ketin ireirong tohnsampah kan.

15 Ih me kin ketin wiahda mohngiong en aramas koaros;

E kin ketin kasawih arail wiewia kan koaros.+

16 En naineki karis en sounpei laud ehu sohte wehwehki me nanmwarki men pahn pitila;+

En kin uhdahn kehlail sohte wehwehki me aramas kehlail men pahn pitila.+

17 Ke dehr likih me oahs pahn kapituhkala, e pahn pitihiukedi;+

Eh kehl laud sohte pahn kak doareiukala.

18 Kilang! Silangin Siohwa kin ketin mwasamwasahn irail kan me kin lemmwiki ih,+

Irail me kin awiawih sapwellime limpoak loalopwoat,

19 Pwe en ketin doareirailla sang mehla

Oh komokomour irail erein lehk lapalap.+

21 Mohngiongitail kin pereperen pwehki ih,

Pwe kitail kin likih mware sarawio.+

22 Maing Siohwa, sapwellimomwi limpoak loalopwoat en ketiket poht,+

Ni at kin patohwan awiawih komwi.+

34 I pahn kapinga Siohwa ahnsou koaros;

I sohte pahn tokedihsang kapinga ih.

 2 I pahn kin suweiki Siohwa;+

Me opampap pahn rong oh perenda.

 3 Kumwail iang ie kalinganahla Siohwa;+

Kitail ehupene kawauwih mware.

 5 Mesen irail kan me sohpeiong ih linganla;

Re sohte kak namenekla.

 7 Sapwellimen Siohwa tohnleng kin kapilpene irail akan me kin lemmwiki Ih,+

Oh kin kapitirailla.+

 8 Kumwail song oh kilang me Siohwa me kupwur mwahu;+

Meid peren aramas me kin diar wasahn ruk reh.

10 Pil laion pwulopwul kehlail kan* kin duhpengkihla ar sohte mwenge,

Ahpw irail akan me kin rapahki Siohwa, sohte pahn luhssang mehkot mwahu.+

11 Kohdo, kumwail nei seri kan, kumwail rong ie;

I pahn padahkihong kumwail duwen lemmwiki Siohwa.+

12 Ihs nanpwungamwail me perenki mour

Oh men mour werei oh nsenamwahu?+

13 Eri silehsang lowomwen dahme suwed,+

Oh silehsang kilin ewomw lokaia widing.+

14 Sohpeisang me suwed oh wia me mwahu;+

Rapahki popohl oh nantihongete kolokol met.+

15 Siohwa* kin ketin mahmahsanih me pwung kan,+

Oh e* kin ketin karonge ar likwer en peksawas.+

16 Silangin Siohwa kin uhwong irail kan me kin wia me suwed,

Pwehn irisasang katamanparail koaros nin sampah.+

17 Re kin likwer, oh Siohwa kin ketin karonge;+

E kin ketin kapitirailsang nan arail apwal akan koaros.+

18 Siohwa kin ketiket mpen irail me nan kapehd tikitiklahr;+

E kin ketin doarehla irail kan me kin mworusala.+

19 Apwal tohto kin lelohng aramas pwung men,+

Ahpw Siohwa kin ketin doarehsang nan eh apwal akan koaros.+

20 E kin ketin pere ih, sinsile tih kan koaros;

Sohte tih pwoat reh me timpeseng.+

21 Kahpwal pahn kemehla me suwed kan;

Irail me kin kailongki me pwung kan pahn pwukoahkihdi dihp.

22 Siohwa kin ketin doarehla* mouren* sapwellime ladu kan;

Sohte emen irail me kin diar wasahn ruk reh pahn pwukoahkihdi dihp.+

35 Maing Siohwa, komw ketin utung ei repenpwung sang irail akan me kin uhwong ie;+

Komw ketin peiong irail kan me kin peiong ie.+

 5 Ren duwehla kilin krein nan kisinieng;

Sapwellimen Siohwa tohnleng en kasareirailla.+

 6 Alarail en rotala oh likekirisla

Nindoken sapwellimen Siohwa tohnleng eh pwakipwakih irail.

 8 Kahpwal en kohdiong powe ni eh sasairki;

En lohdi nan uhk me e ekihlao;

En pwupwudiong loale oh mwomwla.+

 9 Ahpw I pahn nsenamwahu pwehki Siohwa;

I pahn pereperen pwehki eh ketin doareiehla.

Komw kin ketin doarehla me sohte sawasepe sang irail kan me kehlail,+

Komw kin ketin doarehla me sohte sawasepe oh me semwehmwe sang irail kan me kin pirapa irail.”+

11 Sounkadehde suwed kan kin kohdahdo mwowe,+

Re kin idek rehi soahng kan me I sohte mwahn ese.

12 Re kin dupungki ei wiewia mwahu me suwed,+

Re kin wiahiong ie I en pahtoula.

13 Ahpw ni ar soumwahuda, I pwuhriong nan likoun nsensuwed;*

I kalokehkin ie kaisihsol,

Oh ni ei kapakap eh sohte pasapengla,*

14 I alialuseli duwehte ei kin mwahieiki kompoakepahi men de riei men;

I itiekidi ni nsensuwed, duwehte emen me mwahieiki eh nohno.

15 Ahpw ni ei dipekelekel, re perenda oh kohpene;

Re kohpene pwe ren rukihiehdi oh peiong ie;

Re tehriepeseng oh sohte tokedihsang met.

16 Aramas kan me sohte kin wauneki Koht kin kepitkin ie,*

Ngihrail kan kin tehtehrek pwehki ar lingeringer pahi.+

Komw ketin doareiehla pwe re de kemeiehla,+

Komw ketin doarehla ei mour kesempwal sang laion pwulopwul kan.*+

18 I ahpw pahn kapingkalahngan ong komwi nan mwomwohdiso laud;+

I pahn kapinga komwi nanpwungen pokon en aramas akan.

19 Komw dehr ketin mweidohng irail kan me wiahla ei imwintihti ni soh kahrepe ren perenkihda ei lokolok;

Komw dehr ketin mweidohng irail kan me kin kailongkin ie ni soh kahrepe+ ren manih ie ni widing.+

20 Pwe re sohte kin lokaia kadek,

Re kin koasoakoasoane soahng widing kan ong irail me kin kousoan nan sahpwo ni popohl.+

21 Re kin sarapeseng pwehn kedipa ie,

Ndinda: “Ke les! Se kilangkiher met masat kat.”

23 Maing Siohwa ei Koht, komw ketida oh pere ie,

Komw ketin utung ie nan ei repenpwung.

24 Maing Siohwa ei Koht, komw ketin kadeik ie nin duwen sapwellimomwi pwung;+

Komw dehr ketin mweidohng ren perenkihda ei lokolok.

26 Irail koaros en namenekla oh mwamwahlla,

Irail akan me kin perenkihda ei kahpwal.

27 Ahpw irail akan me kin perenkihda ei wiewia pwung kan en weriwerki peren;

Ren kin usehlahte ndinda:

28 Eri I pahn kin koasoia* sapwellimomwi pwung+

Oh kapinga komwi rahn ehu pwon.+

36 Dahme suwed kin kamwakid mohngiong en me suwed men;

E sohte kin lemmwiki Koht.*+

 2 Pwe e kin nohn kapohlih pein ih

Kahrehda e sohte kak kilangada oh tatki eh sapwung.+

 3 Lokaia kan me kohsang nan ewe me kamedek oh widing;

E sohte kin wehwehki ia mwomwen eh pahn wia me mwahu.

E kin idawehn ahl sapwung;

E sohte kin soikala dahme suwed.

 5 Maing Siohwa, sapwellimomwi limpoak loalopwoat kin leldalahng nanleng,+

Sapwellimomwi lelepek kin leldahla ni depwek kan.

 6 Sapwellimomwi pwung rasehng nahna lingan kan;*+

Sapwellimomwi kadeik rasehng pihl loal tohto kan.+

 8 Re kin nim soahng me keieu mwahu kan* nan tehnpasomwi lao re medla,+

Oh komw kin ketin kahrehiong irail en nimpil sang nan pillap en sapwellimomwi peren.+

 9 Komwi me poahsoan en mour;+

Sang ni sapwellimomwi marain se kak kilang marain.+

10 Komw ketin pousehlahte kasalehiong irail kan me esei komwi sapwellimomwi limpoak loalopwoat,+

Oh sapwellimomwi pwung ong irail akan me ahneki mohngiong pwung.+

11 Komw dehr ketin mweidohng nehn me aklapalap en tiakiehdi

De pehn me suwed en kasareiehla.

12 Irail akan me kin wia me suwed pwupwudier;

Re wonohnehr oh sohte kak pwourda.+

37 Ke dehr lingeringerda* pwehki aramas suwed kan

De peirinki irail kan me kin wia me suwed.+

 2 Re pahn mwadangete mengila rasehng dihpw+

Oh mwerekpene rasehng dihpw kapw.

 3 Likih Siohwa oh wia me mwahu;+

Koukousoan nin sampah* oh momour ni lelepek.+

 4 Diar peren mwuledek* rehn Siohwa,

Oh e pahn ketikihong uhk dahme ke kin inengieng.

 5 Mweidohng Siohwa en ketin kahluwaiuk;*+

Likih ih, e ahpw pahn ketin apwalihong uhk irair kan.+

 6 E pahn ketin wiahiong omw wiewia pwung kan en marainpeseng rasehng marain en nimenseng,

Oh e pahn ketin wiahiong omw wiewia pwung pahrek kan en rasehng ketipin en nin souwas.

 7 Nennenlahte mwohn silangin Siohwa+

Oh kasikasik* awiawih ih.

Ke dehr lingeringerda pahn aramas

Me kin pweida ni eh kin wia eh pilahn mwersuwed kan.+

 8 Dehr kolokol mwakar oh kesehla lingeringer;+

Dehr lingeringerda oh dehr wia me suwed.*

 9 Pwe me suwed kan pahn kasohrala,+

Ahpw irail kan me kin koapworopworki Siohwa pahn sapweniki sampah.+

10 Pwe mwurin ahnsou kis, me suwed kan pahn sohrala;+

Ke pahn kilenglahng wasa me re kin mihmi ieo,

Ahpw re sohla pahn mi wasao.+

11 Ahpw me opampap kan pahn sapwenikihla sampah,+

Oh re uhdahn pahn perenkihda popohl mwuledek.+

12 Aramas suwed kin koasoakoasoane en uhwong me pwung;+

E kin lingeringerda* ni eh kin kilang ih.

13 Ahpw Siohwa pahn ketin kiparamatki aramas suwed

Pwe e ketin mwahngih me rahn me aramaso pahn mehla pahn leledo.+

14 Me suwed kan kin usada neirail kedlahs kan oh kadangpeseng neirail kesik ketieu kan

Pwe ren kalowehdi me lokolok oh me semwehmwe,

Pwe ren kemehla irail akan me kin wia dahme pwung.*

15 Ahpw neirail kedlahs kan pahn doakoahdi pein ar mohngiong;+

Neirail kesik ketieu kan pahn timpeseng.

16 Kepwe malaulau me aramas pwung men ahneki

Mwahusang kepwe tohto me aramas suwed tohto ahneki.+

17 Pwe pehn me suwed kan pahn ohla,

Ahpw Siohwa pahn ketin utung me pwung kan.

18 Siohwa kin ketin mwahngih dahme aramas kan me sohte karaunparail kin lelohng,

Oh arail sohso pahn mihmi kohkohlahte.+

19 Re sohte pahn namenekla ni ahnsou apwal;

Ni ahnsoun lehk lapalap, e pahn mie soahng tohto me re pahn tungoale.

20 Ahpw me suwed pahn sohrala;+

Sapwellimen Siohwa imwintihti kan pahn sohrala rasehng dihpw en mohs kaselel kan me kin mwadang mengila;

Re pahn sohrala rasehng ediniei.

21 Aramas suwed kin pweipwand oh sohte kin kapwungala,

Ahpw aramas pwung kin sapan* oh kin kihkihwei.+

22 Irail akan me Koht kin ketin kapaiahda pahn sapweniki sampah,

Ahpw irail akan me e kin ketin keriahla pahn kasohrala.+

23 Siohwa kin ketin kaweid* en aramas kahk kan+

Ni eh kin ketin kupwurperenkihda ahl me e kin weweid ie.+

24 Mendahte ma e pahn pwupwudi, e sohte pahn wonohnte nanpwel,+

Pwe Siohwa kin ketin utungki ih nin lime.+

25 Mahso I pwulopwul a met I mahlahr,

Ahpw saikinte pak ehu I kilang me pwung men eh lekdekla,+

De pil nah seri kan reperepen pilawa.*+

26 Ahnsou koaros e kin mweidohng aramas en doadoahngki mehkot me re anahne,+

Oh nah seri kan pahn alehdi kapai sang rehn Koht.

27 Sohpeisang me suwed oh wia me mwahu,+

Oh ke pahn kousoan nin sampah kohkohlahte.

28 Pwe Siohwa kin ketin poakohng pwung pahrek,

Oh e sohte pahn ketin likidmeliehla sapwellime aramas loalopwoat kan.+

E pahn kin ketin sinsile irail ahnsou koaros;+

Ahpw kadaudok en me suwed pahn kasohrala.+

29 Me pwung kan pahn sapweniki sampah,+

Oh re pahn mour kohkohlahte nin sampah.+

30 Ewen aramas pwung men kin kapwilewei erpit,*

Oh lowe kin koasoia duwen pwung pahrek.+

31 Kosonned en eh Koht kin mi nan eh mohngiong;+

Ni eh kin alu, patehn neh kan sohte pahn kiris.+

32 Aramas suwed kin mwasamwasahnte aramas pwung,

Oh kin songosong en kemehla.

33 Ahpw Siohwa sohte pahn ketin likidmeliehla aramas pwungo nan pehn aramas suwedo+

De kapwukoahki ih dihp ni eh pahn pakadeikda.+

34 Koapworopworki Siohwa oh idawehn sapwellime ahl,

Oh e pahn ketin kawauwihiukala pwe ken sapweniki sampah.

35 I kilangehr aramas suwed lemei men eh kin pweida

Rasehng tuhke losolos pwoat nan pwelmwahu.+

36 Ahpw e mwadangete sohrala oh sohla mie;+

I raparapahki ih ahpw I sohte kak diar.+

37 Tehk mwahu aramas me sohte karaunpe,*

Oh kilang aramas pwung,+

Pwe aramas menet pahn ahneki popohl ni ahnsou kohkohdo.+

38 Ahpw irail koaros me kin kauwehla kosonned pahn mwomwla;

Aramas suwed kan pahn kasohrala.+

39 Komourpen aramas pwung kin pwilisang rehn Siohwa;+

Ih me kin ketin wia arail wasahn ruk kehlail ni ahnsou apwal.+

E pahn ketin kapitirailla sang me suwed oh doareirailla,

Pwehki re kin diar wasahn ruk reh.+

38 Maing Siohwa, komw dehr ketin panawih ie nan omwi engieng,

De pil kapwungiehla nan omwi engieng.+

 2 Pwe sapwellimomwi arep kan doakoadier loaleiet,

Oh nin limomwi kan idangiedier.+

 3 Paliwereiet pwon soumwahulahr* pwehki omwi engieng,

Solahr popohl nan tih kat pwehki dipei.+

 4 Pwe ei sapwung kan koasoakoasoakdahr pohn moangeiet;+

Rasehng wisik toutou ehu, mepwukat me nohn toutou ong ie I en weuwa.

 5 Ei ohla kan pwohsuwedlahr oh paikingdahr

Pwehki ei pweipwei.

 6 I pahtoulahr oh mworusalahr kowahlap;

I nsensuwed alialuseli rahn ehu pwon.

 7 Loaleiet pwon wie lullul;*

Oh paliwereiet pwon soumwahulahr.+

 8 I solahr kehn mehkot oh mwutpenehr douluhl;

Mohngiongiet pwunodadahr me kahrehiong ei weirek laud.*

 9 Maing Siohwa, komw kin ketin mwahngih soahng koaros me I kin inengieng,

Oh komw kin ketin karonge ie ni ei kin sengsengloal.

10 Mohngiongi wie lusulus, solahr ei kehl,

Oh marain en mesei kat ediedlahr.+

11 Kompoakepahi kan oh iengei kan kin soikiehla pwehki ei soumwahu,

Oh mehn mpei kan kin dohsang ie.

12 Irail akan me kin songosong en kemeiehla wiadahr lidip kan;

Irail akan me kin songosong en kamedekeiehla kin koasoakoasoia ar pahn kauweiehla;+

Re kin koasoakoasoane ar pahn widinge ie rahn ehu pwon.

13 Ahpw I sohte kin rong, rasehng aramas salengepon men;+

I sohte kin nda mehkot, rasehng aramas me sohte kak lokaia.+

14 I duwelahr aramas emen me sohte kak rong,

Me sohte kin nda mehkot pwehn doare ih.

15 Pwe Maing Siohwa, I kin awiawih komwi,+

Oh Maing Siohwa ei Koht, komw ketin sapengielahr.+

16 Pwe I patohwan: “Komw dehr ketin mweidohng ren perenkihda ei lokolok

De ren aklapalapiong ie ma patehn nehi kat kiris.”

17 Pwe I kereniong pwupwudi,

Oh ahnsou koaros I kin medemedek.+

18 I wehkadahr ei sapwung;+

I pwunodkidahr dipei.+

19 Ahpw ei imwintihti kan me pwahtiet* oh kehlail,*

Irail akan me kin kailongkin ie ni soh kahrepe tohtohlahr.

20 Re kin dupungki ei wiewia mwahu me suwed;

Re kin song en kauhiedihsang ei kin wia me mwahu.

22 Maing Siohwa, sounkomourpei,+

Komw ketin mwadangodo sewese ie.

39 I nda: “I pahn kin kanahieng ei wiewia kan

Pwe loweiet en dehr dipada.+

I pahn pirehdi eweiet+

Nindoken me suwed men eh kin mihmi mwohi.”

 2 I nennenlahte oh sohte lokaia;+

I sohte nda mehkot mendahte ma mehkot mwahu,

Ahpw ei medek inenen laud.*

 4 “Maing Siohwa, komw ketin sewese ie I en ese ia pahn mwomwen imwilahn ei mour,

Oh uwen tohtohn ei rahn akan,+

Pwe I en ese ia uwen mwotomwot en ei mour.

 5 Mehlel, komw ketin wiahiongehr ei rahn akan en malaulaula;*+

Oh ahnsou me I momourki likamwete sohte mehkot mwohn silangomwi.+

 9 I nennenlahte;

I sohte kak kihpeseng eweiet,+

Pwehki komwi me ketin wiewia met.+

11 Komw kin ketin kapwungkihla aramas kalokepen eh sapwung;+

Komw kin ketin kamwomwala soahng kan me e kin kesempwalki duwehte me kariskahn* kin wia.

12 Maing Siohwa, komw ketin karonge ei kapakap,

Komw ketin karonge ei likwer en peksawas.+

Pwe I wiahte mehn liki men me kin koukousoan rehmwi,+

Sounseiloak men me kin kohkohseli,* duwehte semei mehn mahs ako koaros.+

13 Komw dehr ketin mahsanih ie nan omwi engieng pwe I en kak perenda

Mwohn ei pahn mehla oh sohrala.”

40 I kin uhdahn koapworopworki Siohwa,*

Oh e ketin karonge ie ni keneinei* oh ketin karonge ei likwer en peksawas.+

 2 E ketin pwekiehda sang nan pwoahr ehu me mie ngilen lapake,

Sang nan pwelmatak.

E ketikihdi nehi kat pohn paipalap ehu;

E ketin katengehdi ei kahk kan.

 3 E ahpw ketikihong ie koul kapw pwoat,+

Koulen kapinga atail Koht.

Me tohto pahn kilang met oh wauneki

Oh re pahn likihala Siohwa.

 4 Meid peren aramas me kin likih Siohwa

Oh sohte kin sohpeiong me kin kahngohdi de irail me likamw akan.

 5 Maing Siohwa ei Koht,

Ia uwen tohtohn soahng kan me komw ketin wiadahr,

Sapwellimomwi wiewia kapwuriamwei kan oh sapwellimomwi madamadau kan ong kiht.+

Sohte me duwei komwi;+

Ma I pahn song en lohki oh koasoia mepwukat,

Re uhdahn pahn tohtohsang dahme I kak koasoia!+

 6 Komw sohte ketin kupwurki* meirong en mahn akan oh meirong teikan,+

Ahpw komw ketin kawahsekpesenger salengei kat pwe I en rong.+

 8 Maing ei Koht, I kin perenki* wia kupwuromwi,+

Oh sapwellimomwi kosonned kin mihmi loaleiet.+

Maing Siohwa, nin duwen me komw ketin mwahngih,

I sohte kin nennenla.+

Ei sapwung kan me nohn tohto oh I sohte kak kilang wasa me I kohkolahng ie;+

Re tohtohsang pitenmoangei kat,

Oh I nan kapehd tikitiklahr.

14 Irail koaros me kin raparapahki en kihsang ei mour*

En namenekla oh sarohdi.

Irail akan me kin perenkihda ei kahpwal

En pweiekla ni ar namenekla.

16 Ahpw irail akan me kin rapahkin komwi+

En perenda pwehki komwi.+

17 Ahpw sohte sawasepei oh I semwehmwe;

Siohwa en ketin tehk ie.

Komwi me sawasepei oh sounkomourpei;+

Maing ei Koht, komw dehr ketin pwand.+

41 Meid peren mehmen me kin nsenohki me luwet men;+

Siohwa pahn ketin kapitala ih ni rahnen apwal.

Meteikan pahn kilang me e kin peren nin sampah;+

Komw sohte pahn ketin pangala ih rehn eh imwintihti kan.*+

 3 Siohwa pahn ketin sewese ih ni eh soumwahu wonohn nan kie;+

Komw pahn ketin apwalih ih erein eh wie sousoumwahu.

E kin rapahki mehkot pwehn kamedekeiehla;

Ih eri kin kohieila oh koasoiaseli wasa koaros.

 7 Irail koaros me kin kailongkin ie kin mwengininginpene;

Re kin koasoakoasoane mehkot suwed ong ie:

 8 “Kahpwal ehu lelohngehr ih;

Met e pwupwudier, e sohte pahn pwurehng uhda.”+

 9 Pil kompoakepahi keren men me I kin likih,+

Me kin iang tungoale kenei pilawa uhwongiedahr.*+

10 Ahpw Maing Siohwa, komw ketin kupwuramwahwih ie oh ketin kamwahwihiehla,

Pwe I en dupukohng irail.

12 A duwen ngehi, komw kin ketin utung ie pwehki ei loalopwoat;+

Komw pahn ketin kolokol ie mwohn silangomwi kohkohlahte.+

13 Kaping en kohwong Siohwa, Koht en Israel

Kohkohlahte.+

42 Duwehte tie men eh kin ngoangki nim pilen piletik kan,

Maing Koht, ih duwen ei kin ngoangki papah komwi.

 3 Pilen mesei kat wiahla kenei mwenge nin rahn oh nipwong;

Rahn ehu pwon, aramas akan kin kapailokehkin ie: “Ia omw Kohten?”+

 4 I kin tamataman mepwukat, I kin kasalehiong komwi ei pepehm,

Mie pak me I iang pokon ehu oh alu;

I kin alu wawai mwohrail kolahng tehnpesen Koht,

Ni ngilen peren oh kapingkalahngan,

Ngilen pokon ehu me wiewia kasarawi ehu.+

I pahn awiawih Koht,+

Pwe I pahn kapinga ih nin duwen Sounkomourpei Lapalap.+

Ihme kahrehda I kin tamankomwihda,+

Sang nan sapwen Sordan oh kadoken Ermon,

Sang nahna Misar.*

 7 I kin rong ngilen ngirisek en pihl kan

Iei ngilen sapwellimomwi tenihr kan.

 8 Siohwa pahn ketin kasalehiong ie sapwellime limpoak loalopwoat nin rahn,

Oh I pahn kokoulki duwen ih nipwong—kapakap ehu ong Koht me ketikihong ie mour.+

10 Ei imwintihti kan kin kapailoke ie ni kailok;*

Rahn ehu pwon re kin kapailokehkin ie: “Ia omw Kohten?”+

I pahn awiawih Koht,+

Pwe I pahn kapinga ih nin duwen Sounkomourpei Lapalap oh ei Koht.+

43 Maing Koht, komw ketin kadeikiehda,+

Komw ketin utung ei repenpwung+ rehn wehi soaloalopwoat ehu.

Mepwukat en kin kahluwa ie;+

Mepwukat en kin kaweidielahng sapwellimomwi nahna sarawio oh sapwellimomwi impwal sarawi lapo.+

 4 Eri I ahpw pahn patohlahng ni pei sarawi en Koht,+

Rehn Koht me I kin uhdahn perenki.

I pahn awiawih Koht,+

Pwe I pahn kapinga ih nin duwen Sounkomourpei Lapalap oh ei Koht.+

44 Maing Koht, se patohwan rongkier pein salengat ka,

Samat mehn mahs ako padahkihongkitier,+

Soahng kan me komw ketin kapwaiadahr nan ar mwehio,

Sangete mahsie.

 2 Komw ketin kasarehkihla wehi kan nin limwomwi+

Oh ketin koasoanehdi samat mehn mahs ako wasao.+

 3 Samat mehn mahs ako sohte sapwenikihla sahpwo sang ni pein neirail kedlahs kan,+

Oh kaidehn pehrail kan me kahrehiong ren kana.+

Ahpw sang ni palimaun en nin limomwi oh omwi roson+ oh marain en silangomwi,

Pwehki omwi kin ketin kupwurperenkin irail.+

 4 Maing Koht, komwi me ei nanmwarki;+

Komw ketikihda kehkehlik ehu pwe Seikop en kak uhdahn kana.*

 5 Sang ni sapwellimomwi manaman se pahn kasarehla at imwintihti kan;+

Ni mwaromwi se pahn tiakedi irail akan me kin uhwong kiht.+

 6 Pwe I sohte kin likih nei kesik ketieu,

Oh nei kedlahs sohte kak doareiehla.+

 7 Komwi me ketin doareikitasang at imwintihti kan,+

Komwi me ketin kanamenekihala irail kan me kin kailongkin kiht.

 8 Se pahn kapinga Koht rahn ehu pwon,

Oh se pahn kapinga mwaromwi kohkohlahte. (Selah)

 9 Ahpw met komw ketin keseikitalahr oh kanamenekeikitalahr,

Oh komw sohte kin ketin iang at tungoal karis kan ketieila.

10 Komw kin ketin kahrehiong kiht sen kin tangasang at imwintihti kan;+

Irail kan me kin kailongkin kiht kin kihsang dahme re mwahuki.

11 Komw kin ketin pangkitala rehn at imwintihti kan; re pahn kemeikitala rasehng sihpw kei;

Komw ketin kamwarangkitpesengier nan wehi kan.+

12 Komw kin ketin netikihla sapwellimomwi aramas akan ni pweipwei ehu me uhdahn tikitik;+

Komw sohte kin ketin alehdi wihn en pweinerail.

13 Komw kin ketin wiahkinkitala mehkot kanamenek ehu rehn mehn mpat kan,

Mehkot ehu me irail koaros me kapilkitpene pahn kepitki oh mwamwahliki.

14 Komw kin ketin wiahkinkitala mehkot me wehi kan kin kouruhrki,*+

Aramas akan kin tuwelengki ar kin kapailokei kiht.

15 I kin sansaro rahn ehu pwon,

Oh I toutoukilahr ei namenek,

16 Pwehki ngilen ar kepit kan oh kapailok kan,

Pwehki at imwintihtio eh kin dupukohng kiht.

17 Mepwukat koaros lelohng kiht, ahpw se sohte manokeikomwihla,

Oh se sohte kauwehla sapwellimomwi inou lap.+

18 Mohngiongat kan sohte soaloalopwoatala;

At kahk kan sohte kin wetsang alomwi.

19 Ahpw komw ketin kamwuteikitpenehr wasa me kidien wel kan kin mi ie;

Komw ketin pwainkinkitdier rotorot mosul.

20 Ma se manokelahr mwaren at Koht

De ma se kauwada peht kan pwe sen kapakapohng koht en liki men,

21 Koht sou pahn ketin mwahngihada met?

22 Pwehki komwi, se kin mihmi nan keper en mehla ahnsou koaros;

Se wialahr sihpw kei me pahn kamakamala.+

25 Pwe se lekdekdiongehr nan pwelpar;

Oh se wonohnehr nanpwelo.+

 3 Komwi me roson,+ komw katengehdi noumwi kedlahsen+ ni pengepengomwien,

Iangahki wahu oh lingan.+

 4 Oh nan omwi lingan komw ketin wenewohng kana;*+

Komw ketin dake oahs tangewei pwehki mehlel oh aktikitik oh pwung,+

Oh palimaun en nin limomwi pahn wiahda* soahng kapwuriamwei kan.

 5 Sapwellimomwi arep kan me keng, re kin kesehdi aramas akan mwohmwi;+

Re kin doakoahdi mohngiong en sapwellimen nanmwarkio imwintihti kan.+

 6 Koht me mwoalomwi kohkohlahte;+

Oh sokon en sapwellimomwi wehi iei sokon en me pwung.*+

 8 Sapwellimomwi likou kan koaros kin pwohmwahuki pwohn mir oh aloi* oh kasia;*

Ngilen keseng sahl akan me peipeido sang ni tehnpas lingan me kapwatki aipori kin kaperenkomwihda.

10 Rong, nei serepein, kilang oh rong kanahieng;

Manokehla noumw aramas akan oh peneinei en omw pahpao.

11 Oh nanmwarkio pahn inangihiuk pwehki omw kaselel,

Pwe ih me omw kaun,

Eri poaridiong ih.

12 Nein Dair serepein pahn wahdo kisakis ehu;

Me keieu kepwehpwe kan pahn men kenikenla rehmw.

13 Sapwellimen nanmwarkio serepeino uhdahn kaselel nan tehnpaso;*

Eh likowo kapwatkihda kohl.

15 Re pahn pakahrdo ni peren laud;

Re pahn pedolong ni tehnpesen nanmwarkio.

46 Koht iei atail wasahn ruk oh kehl,+

Sawas me kin mwadangete dierek ni ahnsou apwal.+

 2 Kahrehda kitail sohte pahn masepwehk, mehnda ma sampah wekidekla,

Mehnda ma nahna kan pwupwudihla nan kepin madau,+

 3 Mehnda ma nan madau ngiringirisek oh mwekidida,+

Mehnda ma nahna kan itihtikek pwehki mwekid en nan madau. (Selah)

 4 Mie pillap pwoat me piletik kan kin uhsang ie me kin kaperenda kahnimw en Koht,+

Impwal sarawi lap en Wasa Lapalahpie.

 6 Tohnwehi kan mwoarongada, wehi kan lohdier;

E ketin kapitie laudida oh sampah peipeseng.+

 7 Siohwa kaunen karis en sounpei kin ketiket rehtail;+

Koht en Seikop iei atail wasahn ruk.* (Selah)

 8 Kumwail kohdo oh udiahl sapwellimen Siohwa wiewia kan,

Mwomwen eh ketin wiahda soahng kapwuriamwei kan nin sampah.

E kin ketin katimpeseng arep oh kauwehla kesik ketieu kan;

E kin ketin isikala kurumahn mahwen kan.*

I pahn waunla nan wehi kan;+

I pahn waunla nan sampah.”+

11 Siohwa kaunen karis en sounpei kin ketiket rehtail;+

Koht en Seikop iei atail wasahn ruk.+ (Selah)

 2 Pwe Siohwa Wasa Lapalahpie me lemmwin kowahlap;+

Ih me Nanmwarki lapalap me kin ketin kakaun sampah pwon.+

 3 E kin ketin kahrehiong aramas akan ren lohdi pahtail;

E kin ketikihdiong wehi kan pahn nehtail ka.+

 4 E kin ketin pilohng kitail atail sohso,+

Me Seikop me e kin ketin poakohng kin pohlki.+ (Selah)

 5 Koht ketidalahng nan mwoale ni aramas akan ar weriwerki peren;

Siohwa ketidahla nan mwoale ni aramas akan ar pepeuk mehn pepeuko.*

 7 Pwe Koht iei Nanmwarkien sampah pwon;+

Kumwail koulki kaping oh mwekid ni loalokong.

 9 Kaunen aramas akan pokonpenehr

Iangahki sapwellimen Koht en Eipraam aramas akan.

48 Siohwa me ketin lapalap oh me keieu warohng ale kaping

Nan kahnimw en atail Koht, pohn sapwellime nahna sarawio.

 2 Nahna Saion me mi wasa doh ni paliepeng, oh me wia kahnimw en Nanmwarki Lapalapo,+

Me kaselel nan eh wasa ile,

Oh me wia peren en sampah pwon.+

 3 Nan eh imwen doulik kehlail kan,

Koht ketin kasansaledahr me e ketin wia wasahn ruk.*+

 4 Pwe kilang! Nanmwarki kan pokonpenehr;*

Re ehupene mwekidwei.

 6 Re wie rerrer wasao,

Weiweirek rasehng lih emen me pahn neitik.

 8 Met se kilangehr dahme se patohwan rongehr

Nan kahnimw en Siohwa kaunen karis en sounpei, nan kahnimw en at Koht.

 9 Maing Koht, se kin medemedewe sapwellimomwi limpoak loalopwoat,+

Nan sapwellimomwi tehnpas sarawio.

10 Maing Koht, duwehte mwaromwi, kapingpomwi

Kin lella ni imwin sampah.+

11 Nahna Saion+ en pereperen,

Kisin kahnimw* en Suda kan en pereperen, pwehki sapwellimomwi kopwung kan.+

12 Kumwail kapar pidakih Saion; kumwail kohla pidakih Saion pwon;

Wadek eh imwen doulik kan.+

Dawih eh imwen doulik kehlail kan,

Pwe kumwail en padahkihong dih en mwuhr kan.

Kumwail tohnsampah* koaros, kumwail rong kanahieng,

 2 Me tikitik oh me lapalap,

Me kepwehpwe oh me semwehmwe.

 3 I pahn koasoia duwen erpit,

Oh madamadau loal en mohngiongi+ pahn kasalehda ei koahiek en wehwehki.

 4 I pahn tehk kanahieng lepin padahk ehu;

I pahn kawehwehda ei kahk ni ei kesekesengki arpo.

 5 Dahme I pahn masangki ni ahnsou apwal akan,+

Ni irail me kin songosong en kauweiehla ar kin kapilkiniepene wiewia suwed* kan?

 6 Irail me kin likih ar kepwe,+

Oh irail me kin suweiki ar dipwisou kesempwal tohto kan,+

 7 Sohte emen irail kak pwainda sapahl aramas emen

De patohwanohng Koht pweinen pweipwei sapahl ong aramaso,+

 8 (Pweinen pweipwei sapahl me re pahn kihda ong ar mour* me uhdahn pweilaud,

Kahrehda re sohte mwahn pahn kak kihda);

 9 Pwe en mour kohkohlahte oh sohte kilangedi sousou.*+

10 Re kin kilang me pil aramas loalokong kin mehla;

Me pweipwei oh me sohte kin madamadau pil kin sohrala,+

Oh re kin pwilikihdiong meteikan ar kepwe kan.+

11 Re kin men imwarail kan en mihmi kohkohlahte,

Imwarail impwal kan en mihmi sang ehu dih lel ehu dih.

12 Ahpw aramas emen, mehnda ma e waunla, e sohte pahn mihmihte;+

E duwehte mahn akan me kin mehla.+

13 Ih met elen me pweipwei kan+

Oh irail akan me kin idawehn irail, me kin perenki ar koasoi mwahl akan. (Selah)

Mehla pahn wia sileparail;

Me pwung pahn kaunirailda+ nimenseng.

Re pahn sohrala douluhl;+

Sousou*+ me pahn wia ar wasahn kousoan, a kaidehn tehnpas ehu.+

15 Ahpw Koht pahn ketin pwainiehda sapahl sang pahn manaman en* Sousou,*+

E pahn ketin kapitiehla. (Selah)

16 Ke dehr masak ma aramas emen kepwehpwehla,

Oh lingan en imweo wie lalaudla,

17 Pwe e sohte kak wahda met ni eh pahn mehla;+

Eh lingan sohte pahn iang ih kohdihla nan sousou.+

20 Aramas emen me sohte kin wehwehki met, mehnda ma e waunla,+

E duwehte mahn akan me kin mehla.

50 Siohwa, Koht en koht akan,+ ketin mahsenier;

E kin ketin malipe tohnsampah

Sang wasa me ketipin kin dakada ie lel wasa me e kin kihrla ie.*

Mwohn silangi iei mpwulen kisiniei me kin kamwomwala wasa,+

Oh melimel kehlail ehu kin kapilpene ih.+

 4 E kin ketin malipe tohn nanleng oh tohnsampah,+

Pwehn ketin kopwung sapwellime aramas akan:+

 5 “Kumwail kapokonedohng ie nei aramas loalopwoat akan,

Irail me kin wiahiong ie inou lap sang ni meirong.”+

 6 Nanleng kin lohki sapwellime pwung,

Pwe pein Koht wia Sounkopwung men.+ (Selah)

 7 “Kumwail nei aramas akan, kumwail rong, oh I pahn koasoi;

Israel, I pahn kedipeiuk.+

 8 I sohte panawihiuk pwehki omw meirong kan,

De pil pwehki omw meirong kan me pwonte isihsla me kin mihmi mwohn silangi ahnsou koaros.+

 9 I sohte anahne alehsang nan omw kehl kan

Kouwol men de pil kuht kan.*+

10 Ngehi me naineki mahn lawalo en nanwel koaros,+

Oh pil mahn akan me kin mi pohn nahna kid kan.

11 I ese menpihr en nahna kan koaros;+

Ngehi me naineki mahn tohtohie nan mohs akan.

12 Ma I men mwengehda, I sohte pahn ndaiong uhk,

Pwe sahpw pwelmwahu oh audepe kan koaros iei ahi.+

13 Ia duwe, I pahn tungoale uduk en kouwol kan

Oh nim ntahn kuht kan?+

14 Kasalehda kapingkalahngan duwehte omw meirong ong Koht,+

Oh kapwaiada omw inou kan me ke kahukihla ong Wasa Lapalahpie.+

“Mie omw pwuhng en koasoia ei koasoandi kan+

De koasoia duwen ei inou lap?+

17 Pwe ke tatki ale peneu,*

Oh ke kin sohpeisang ei mahsen kan.*+

18 Ni omw kin kilang lipirap emen, ke kin perenkihda,*+

Oh ke kin werekiong aramas akan me kin kamwahl.

19 Ke kin doadoahngki ewomwen pwehn koasoiaseli dahme suwed,

Oh lokaia likamw kin mihmihte ni lowomwen.+

20 Ke kin mwohndi oh kedipa riomw;+

Ke kin kasalehda sapwung* en nein omw nohnou pwutako.

21 Ni omw wiahda mepwukat, I nennenlahte,

Eri ke medewe me I pahn duweiuk.

Ahpw met I pahn panawihiuk,

Oh I pahn koasoia ei repenpwung kan duwen kowe.+

22 Kumwail me manokehla Koht,+ kumwail menlau medewe met,

Pwe I en dehr kapisetikihkumwailpene oh sohte me pahn doareikumwailla.

23 Mehmen me kin kasalehda kapingkalahngan nin duwen eh meirong, kin kalinganeiehla,+

Oh mehmen me kin wiewiahte dahme pwung,

I pahn wiahiong en kilang komour sang rehn Koht.”+

 2 Komw ketin widensang douluhl ei sapwung,+

Oh ketin kamwakeleiehda sang dipei.+

 3 Pwe I uhdahn ese ei kauwehla kosonned kan,

Oh dipei kin mihmi mwohi* ahnsou koaros.+

 4 I dipadahr ong komwi— komwihte kelehpw;+

I wiadahr dahme suwed mwohn silangomwi.+

Kahrehda komwi me ketin pwung ni omwi kin ketin mahsen

Oh sapwellimomwi kadeik me pwung.+

 5 Maing, I ipwidi wia aramas suwed men,

Ei nohno liseiankiniehda nan dihp.*+

 6 Maing, komw kin ketin kupwurperenki mehlel me mi loalen aramas;+

Komw ketin padahkihong loaleiet erpit mehlel.

 7 Komw ketin kamwakelehkihsang dipei isop, pwe I en mwakelekella;+

Komw ketin kaduhpiehda pwe I en pwetepwet sang sinoh.+

 8 Komw ketin mweidohng ie I en rong ngilen peren,

Pwe I en kak pereperen mendahki omw ketin kamwutepene tih kat.+

 9 Komw ketin sohpeiweisang* dipei kan,+

Oh ketin irisasang ei sapwung kan koaros.+

10 Maing Koht, komw ketin wiahiong ie ehu mohngiong mwakelekelen,+

Komw ketikihong loalei elen madamadau* kapw,+ pwe I en kak loalopwoat.

11 Komw dehr ketin keseieweisang mwohn silangomwi;

Komw dehr ketikihsang ie sapwellimomwi ngehn sarawi.*

12 Komw ketin kasapahldohng ie peren en sapwellimomwi komour;+

Komw ketin kamwakidki loaleiet ineng en peikiong komwi.

13 I pahn padahkihong me kin kauwehla kosonned akan sapwellimomwi ahl akan,+

Pwe me dipan akan en pwurodohng rehmwi.

14 Maing Koht, Koht sounkomourpei,+ komw ketin doareiehsang ei pwukoahki dipen kamaramas,+

Pwe I en perenki lohkiseli sapwellimomwi pwung.+

15 Maing Siohwa, komw ketin mweidohng ie I en pato,

Pwe eweiet en lohkiseli kapingpomwi.+

16 Pwe komw sohte ketin kupwurki meirong ehu—ma ei, I pahn patohwanda;+

Komw sohte ketin kupwurki meirong me pwonte isihsla.+

17 Meirong kan me kin kaperenda Koht iei koluhla mehlel;

Maing Koht, komw sohte pahn ketin soikala* mohngiong me koluhla oh mworusala.+

18 Komw ketin kasalehda kadek kalahngan* oh wia dahme mwahu ong Saion;

Komw ketin kauwada kelen Serusalem.

19 Eri komw ahpw pahn ketin kupwurperenkihda meirong kan me meirongala ni pwung,

Meirong isihs kan oh meirong kan me pwonte meirongala;

Kouwol kan eri pahn meirongala pohn sapwellimomwi pei sarawio.+

 2 Lowomwen rasehng reise keng pwoat,+

Me kin koasoakoasoane en kauwehla oh pitih meteikan.+

 3 Ke kin poakohng me suwed laudsang me mwahu,

Ke kin perenki koasoi likamw laudsang koasoia dahme pwung. (Selah)

 4 Ia uwen omw kin likamw ni omw kin doadoahngki lowomwen,

Ke kin perenki lokaia kamedek koaros!

 5 Ihme kahrehda Koht pahn ketin kauweiukala kohkohlahte;+

E pahn ketin adihiukasang oh wurahdekihiukasang nan omw impwal;+

E pahn ketin usuhkadahsang nan sapwen me momour kan.+ (Selah)

 6 Aramas pwung kan pahn kilang met oh pwuriamweikihla,+

Re pahn kouruhrki ih.+

 7 “Iet aramas emen me sohte kin wiahki Koht eh wasahn ruk,*+

Ahpw e kin koapworopworki eh kiden kepwe kan+

Oh kin likih* pein eh koasoandi suwed kan.”*

 8 Ahpw ngehi, I pahn rasehng tuhkehn olip losolos pwoat nan tehnpesen Koht;

I kin likih sapwellimen Koht limpoak loalopwoat+ kohkohlahte.

 9 I pahn kapinga komwi kohkohlahte pwehki dahme komw ketin wiadahr;+

Mwohn sapwellimomwi aramas loalopwoat kan,

I pahn koapworopworki mwaromwi+ pwe ih met me mwahu.

Ar wiewia kan me suwed oh kasaut;

Sohte me kin wia me mwahu.+

 2 Ahpw Koht kin ketin iroirdiong pohn aramas akan sang nanleng+

Pwe en ketin mahsanih ma mie me loalokong, ma mie me kin rapahki Siohwa.+

 3 Irail koaros sohpeilahr;

Irail koaros suwed.

Sohte me kin wia me mwahu,

Sohte mwahn pil emen.+

 5 Ahpw re pahn masepwehkada douluhl,

Ni soangen masepwehk ehu me sohte kin lel irail sangete mahso,*

Pwe Koht pahn ketin kamwarakpeseng tihn irail kan me kin mahweniong uhk.*

Ni ahnsou me Siohwa pahn ketin kapwurehdo sapwellime aramas selidi kan,

Seikop en perenda, Israel en perenda.

54 Maing Koht, komw ketin doarehkiniehla mwaromwi,+

Komw ketin perehkin ie*+ sapwellimomwi manaman.

 2 Maing Koht, komw ketin karonge ei kapakap;+

Komw ketin karonge ei pato kat ni keneinei.

 3 Pwe imwintihti* kan kin uhwong ie,

Oh aramas lemei kan kin songosong en kemeiehla.+

 4 Kilang, Koht iei sawasepei;+

Siohwa kin ketin ieiang irail kan me kin utung ie.

 5 E pahn ketin dupungkihong ei imwintihti kan+ ar wiewia suwed kan;

Komw ketin kamwomwirailla* sang ni sapwellimomwi lelepek.+

 7 Pwe e kin ketin doareiehsang nan ei apwal akan koaros,+

Oh I pahn kilang ei imwintihti kan ar lohdi.+

55 Maing Koht, komw ketin karonge ei kapakap,+

Oh komw dehr ketin pohnsehse ei peki kadek kalahngan.*+

Ei pwunod kin kahrehiong ei sohte kak kommoal,+

Oh I weikeklahr

 3 Pwehki dahme imwintihtio kin ndinda

Oh kasongosong sang me suwedo.

Re kin kasokedahng pohi kahpwal,

Oh re kin lingeringer pahi oh re uhdahn kailongkin ie.+

 4 Mohngiongiet tihwolahr,+

Oh ei masak mehla katoutouwihielahr.+

 5 Masak kipeiedier oh I wie rerrer,

Oh I sohte kak uhdihsang wie rerrer.

 8 I pahn mwadangalahng wasahn ruk ehu

Me dohsang kisinieng kehlail oh melimel.”

 9 Maing Siohwa, komw ketin kapingirailda oh kasapwungehla ar koasoandi kan,*+

Pwe I kilangehr tiahk lemei oh mahwen nan kahnimwo.

10 Re* kin alialuseli pohn kelen kahnimwo ni rahn oh nipwong;

Mie kailok oh kahpwal nan kahnimwo.+

11 Kahpwal kin mi wasa koaros nan kahnimwo;

Kalokolok oh likamw sohte kin sohrasang nan wasahn tuhpenehn kahnimwo.+

12 Pwe kaidehn imwintihti men me kin kapailoke ie;+

Pwe ma iei, I kak kanengamahiong.

Kaidehn imwintihti men me pelianiehda;

Pwe ma iei, I kak rukusang ih.

13 Ahpw soh, pwe kowe, aramas emen me duwei ie,*+

Iengei men me I uhdahn ese.+

14 Kita kin ahneki nanpwungmwahu keren;

Kita kin iang pokono alialu kohlongala nan tehnpesen Koht.

Ren momourte kohdihla nan Sousou;*

Pwe soahng suwed kan kin mi nan ar wasahn kousoan kan oh nan mohngiongirail.

16 A ngehi, I pahn patohwan likweriong Koht,

Oh Siohwa pahn ketin doareiehla.+

17 I kin pwunod oh sengloal* nin soutik, nimenseng oh nin souwas,+

Oh e kin ketin karonge ngileiet.+

18 E pahn ketin doareiehsang* irail kan me kin peiong ie oh ketikihong ie popohl,

Pwe me ngeder me kin kohdo uhwong ie.+

19 Koht pahn ketin karonge oh sapeng irail,+

Ih me kin ketiket nan mwoale sangete mahsie.+ (Selah)

Irail sohte pahn men wekila,

Irail akan me sohte kin lemmwiki Koht.+

20 E* peiong irail akan me kin ahneki popohl reh;+

E kauwehla eh inou lap.+

21 Eh lokaia kan mwuterek sang pwete,+

Ahpw nan eh mohngiong e kin inengieng pei.

Eh lokaia kan kansenamwahu sang leh,

Ahpw re rasehng kedlahs keng kan.+

22 Patohwanohng Siohwa omw wisik toutou kan,+

Oh e pahn ketin seweseiuk.+

 4 I kin likih Koht, I kin kapinga sapwellime mahsen;

I kin likih Koht, I sohte kin masepwehk.

 5 Rahn ehu pwon, re kin kihong ie nan apwal;

Re kin medemedewehte ren kamedekih ie.+

 6 Re kin rukula pwe ren peiong ie;

Re kin tetehk ei kahk koaros,+

Re kin koapworopworki ren kihsang ei mour.+

10 I kin likih Koht, I kin kapinga sapwellime mahsen;

I kin likih Siohwa, I kin kapinga sapwellime mahsen;

11 I kin likih Koht; I sohte kin masepwehk.+

12 Maing Koht, I kin anahne kapwaiada dahme I kahukihong komwi;+

I pahn patohwanohng komwi meirong en kapingkalahngan.+

13 Pwe komw ketin kapitiesangehr mehla+

Oh ketin pere nehi kat pwehn dehr dipekelekel,+

Pwe I en kak weweid mwohn silangin Koht nan marain en me momour.+

57 Komw ketin kupwuramwahwih ie, Maing Koht, komw ketin kupwuramwahwih ie,

Pwe I kin diar wasahn ruk rehmwi,+

Oh I kin diar wasahn ruk pahn mwetehn omwi pehnpihr kan lao sohla kahpwal.+

 2 I kin patohwan likweriong Koht Wasa Lapalahpie,

Koht mehlelo, me kin ketin kamwomwala kahpwal kan ong ie.

 4 Laion kan kin kapiliepene;+

I kin anahne wendi nanpwungen aramas akan me men kadalleiehla,

Me ngihrail kan rasehng ketieu oh arep kan

Oh lowarail kan rasehng kedlahs keng pwoat.+

 5 Maing Koht, komw ketin kasalehda sapwellimomwi roson lapalap nanleng;

Sapwellimomwi lingan en kipehdi sampah pwon.+

 6 Re kaunopadahr uhk ehu pwe ren lidipiheki nehi kat;+

I kin itiengkihdi ei pwunod laud.+

Re weiradahr pwoahr ehu mwohi,

Ahpw pein irail me pwupwudiong loale.+ (Selah)

 7 Maing Koht, ei mohngiong kin tengeteng,+

Ei mohngiong kin tengeteng.

 9 Maing Siohwa, I pahn kapinga komwi nanpwungen aramas akan;+

I pahn koulkihong komwi koulen kaping kan* nan wehi kan.+

10 Pwe sapwellimomwi limpoak loalopwoat me laud, oh ile duwehte nanleng,+

Oh sapwellimomwi lelepek kin leldawohng pahnlahng.

11 Maing Koht, komw ketin kasalehda sapwellimomwi roson lapalap nanleng;

Sapwellimomwi lingan en kipehdi sampah pwon.+

 2 Ahpw kumwail kin koasoakoasoane mehkot suwed nan mohngiongimwail,+

Oh kumwail kin wia tiahk lemei nan sahpwet.+

 3 Me suwed kin salsalongseli* sangete ni eh ipwidi;*

Re kin ketihwo oh kin likamw sangete ni ahnsou me re ipwidi.

 4 Arail lokaia kan rasehng pwoisin en serpent kan;+

Re salengepon duwehte kopra* me kin pinahla salenge.

 5 E sohte pahn rong ngilen sounkamande kan,

Mehnda ma re mai en kamande.

 8 Ren duwehla dendenmwosi me kin peipeseng ni eh mwekimwekidwei;

Rasehng seri pwelel men me ipwidi mehla me sohte mwahn kilangedi ketipin.

 9 Mwohn noumw einpwoat kan ar karakarkihda tuhke tekateko,

Koht pahn ketin ipirala kisin rah wisekesek oh lullulo, duwehte kisinieng en melimel ehu.+

10 Aramas pwung men pahn perenda pwehki eh kilang Koht eh ketin ikih aramas suwed kan;+

Neh kan pahn wisekesengkihla ntahn me suwed kan.+

59 Maing ei Koht, komw ketin doareiehsang ei imwintihti kan;+

Komw ketin pereiehsang irail kan me kin uhwong ie.+

 2 Komw ketin doareiehsang irail kan me kin wia me suwed,

Oh ketin kapitiesang aramas lemei* kan.

 3 Komw mahsanih! Re awiawih pwe ren rukihiehdi;+

Aramas kehlail kei kin peiong ie

Kaidehn pwehki I uhwong de dipada,+ Maing Siohwa.

 6 Re kin pwurodo nin soutik koaros;+

Re kin ngiringir* rasehng kidi kan+ oh wawaiseli nan kahnimwo.+

 7 Komw ketin mahsanih dahme kohkohsang* nan awarail kan;

Kilin awarail kan rasehng kedlahs kan,+

Pwe re kin ndinda: “Ihs me rongorong?”+

 8 Ahpw Maing Siohwa, komw pahn ketin kiparamatkin irail;+

Komw pahn ketin kumwuski wehi kan koaros.+

 9 Maing Koht, ei Kehl, I pahn usehlahte awiawih komwi;+

Pwe komwi me ei wasahn ruk.*+

10 Koht me kin ketin kasalehiong ie limpoak loalopwoat pahn ketido oh sewese ie;+

Koht pahn ketin wiahiong ie I en kilang ei imwintihti kan ar lohdi.+

Sang ni sapwellimomwi manaman, komw ketin wiahiong ren kohkohseli;

Maing Siohwa, at mehn sansar, komw ketin wiahiong ren lohdi.+

12 Pwehki dihp en awarail kan,

Oh pwehki ar keria oh widing kan,

Ar aklapalap en lidipihiraildi.+

13 Komw ketin kamwomwirailla nan sapwellimomwi engieng;+

Komw ketin kamwomwirailla pwe ren sohla mie;

Komw ketin wiahiong ren ese me Koht kin ketin kaunda Seikop oh lella ni imwin sampah.+ (Selah)

14 Re kin pwurodo nin soutik;

Re kin ngiringir* rasehng kidi kan oh wawaiseli nan kahnimwo.+

15 Re kin kohkohseli raparapahki dahme re pahn kang;+

Re sohte kin medla de diarada wasahn pweidi.

16 Ahpw ngehi, I pahn koulki duwen omwi kehl;+

Nimenseng I pahn koasoia sapwellimomwi limpoak loalopwoat ni peren.

Pwe komwi me ei wasahn ruk+

Oh wasa me I pahn tangala ie ni ahnsoun ei apwal.+

17 Maing Koht, ei Kehl, I pahn koulkihong komwi koulen kaping kan,*+

Pwe Koht me ei wasahn ruk, Koht me kin ketin kasalehiong ie limpoak loalopwoat.+

 4 Komw ketikihong* irail kan me kin lemmwiki komwi kilel ehu

Pwe ren tang oh sarek kesik ketieuwo. (Selah)

 5 Komw ketin doarehkinkitala palimaun en nin limomwi oh sapeng kiht,

Pwe irail kan me komw kin ketin poakohng en pitila.+

“I pahn perenki kihwei Sekem nin duwen sohso ehu,+

Oh I pahn nehkpeseng Wahun* Sukot.+

 7 Ngehi me ahneki Kilead oh pil Manase,+

Oh Epraim me wia ei lisoarop;*

Suda me wia nei sokon en kaun.+

10 Kaidehn komwi, Maing Koht, me ketin soingkitalahr,

At Koht me solahr kin iang at tungoal karis en sounpei kan ketieila?+

11 Komw ketin sewesei kiht nan at kahpwal,

Pwe sohte katepen komour me kohsang aramas.+

12 Koht pahn ketikihong kitail kehl,+

Oh e pahn ketin tiakedi atail imwintihti kan.+

 2 I pahn patohwan likweriong komwi sang ni imwin sampah

Ni ahnsou me sohla ei koapworopwor.*+

 3 Pwe komwi me ei wasahn ruk,

Imwen doulik kehlail ehu me kin pereiehsang imwintihti.+

 4 I pahn patopato nan omwi impwal kohkohlahte;+

I pahn diar wasahn ruk pahn omwi pehnpihr kan.+ (Selah)

 6 Komw pahn ketin kareireila mouren* nanmwarkio,+

Oh e pahn momour sounpar tohto.

 7 E pahn ketidi nan mwoale* mwohn silangin Koht kohkohlahte;+

Sapwellimomwi limpoak loalopwoat oh lelepek en kin sinsile ih.+

 8 I ahpw pahn koulki koulen kaping kan* ong mwaromwi kohkohlahte+

Ni ei kin kapwaiada inou kan me I kahukihla ehuehu rahn.+

 2 Mehlel, ih me ei paip oh komourpei, ei wasahn ruk;*+

I sohte mwahn pahn rerada.+

 4 Re kin koasoakoasoiapene ren sikendihsang nan dewe me ileile;*

Re kin perenki likamw.

 5 Mehlel, I kin nennenla awiawih Koht+

Pwehki ei koapworopwor kin pwilisang reh.+

 6 Mehlel, ih me ei paip oh komourpei, ei wasahn ruk;

I sohte mwahn pahn rerada.+

 9 Aramas akan wiahte angin esingek ehu,

Aramas akan wiahte mehkot ehu me sohte mie.+

10 Kumwail dehr likih amwail kin kulih aramas

De pil dehr koapworopworki pirap.

12 Maing Siohwa, komwi me pil sapwellimanki limpoak loalopwoat,+

Pwe komw kin ketin katingiheki emenemen nin duwen eh wiewia kan.+

I* pahn lipwongmaskihla ei kin inengieng komwi

Nan sahpw ehu me uhdahn madekeng, wasa me sohte pihl.+

 2 Eri I udiahl komwi nan wasa sarawio;

I udiahl sapwellimomwi kehl oh lingan.+

 3 Pwehki sapwellimomwi limpoak loalopwoat mwahusang mour,+

Kilin eweiet pahn kalinganahda komwi.+

 4 Eri I pahn patohwan kapinga komwi erein ei mour;

I pahn kapahda pehi kat ni ei likweriong mwaromwi.

 5 I kin medkihla pwaisei me keieu mwahu oh kaselel kan,

Eri ni ngilen peren, I pahn kapinga komwi.+

 6 I kin tamataman komwi ni ei wonohn pohn ei peht;

I kin doudouloale duwen komwi erein awahn silasil kan nipwong.+

 7 Pwe komwi me sawasepei,+

Oh I kin weriwerki peren pahn mwetehn omwi pehnpihr kan.+

 8 I kin tengediong komwi;

Palimaun en nin limomwi kin koliehdi teng.+

 9 Ahpw irail akan me kin songosong en kemeiehla*

Pahn kohdihla wasa loal kan en sampah.

10 Re pahn kamakamkihla kedlahs;

Re pahn wiahla kenen kidien wel kan mwenge.

Aramas koaros me kin kahukihla inou ni mware pahn perenda,*

Pwe ewen me kin lokaia likamw kan pahn tokedi.

 2 Komw ketin sileiehsang koasoandi rir en aramas suwed kan,+

Sang pokon en irail kan me kin wia me suwed.

 3 Re kin edehda lowarail kan rasehng kedlahs pwoat;

Re kin kainene ar lokaia lemei kan rasehng arep kan.

 4 Pwe ren kasikih me sohte dipe men sang nan ar wasahn ruk kan;

Re uhdahte kasikih ih ni soh masak.

 5 Re kin tengediongete ar koasoandi suwed;*

Re kin koasoiapene ia duwen arail pahn ekihla ar lidip kan.

 6 Re kin rapahki wiepe kapw kan ong ar wiewia suwed;

Re kin wiahda koasoandi loalokong ni rir;+

Madamadau oh mohngiong en emenemen irail uhdahn rir.

 7 Ahpw Koht pahn ketin kasikih irail;+

Re pahn mwadangete ohkihla arep pwoat.

 8 Pein lowarail kan pahn kahrehiong ren pwupwudi;+

Irail koaros me kin kilikilang pahn itikala moangarail kan.

 9 Aramas koaros ahpw pahn masepwehkada,

Oh re pahn lohki dahme Koht ketin wiadahr,

Oh re pahn wehwehkihda duwen sapwellime wiewia kan.+

10 Aramas pwung men pahn nsenamwahu pwehki Siohwa oh e pahn diar wasahn ruk reh;+

Koaros me ahneki mohngiong pwung pahn perenda.*

65 Maing Koht, kaping en kohwong komwi nan Saion;+

Se pahn kapwaiada inou kan me se kahukihong komwi.+

 3 Ei sapwung kan poweiedier,+

Ahpw komw kin ketin mahkohng at kauwehla kosonned kan.+

 4 Meid peren aramas me komw ketin pilada oh luke en patohdo rehmwi

Pwehn kousoan nan wasa kelpene kan nan tehnpasomwi.+

Se pahn nsenamwahukihla soahng mwahu kan en tehnpasomwio,+

Sapwellimomwi tehnpas sarawio.*+

 5 Maing Koht, sounkomourpat,

Komw pahn ketin sapengkin kiht wiewia pwung kapwuriamwei kan;+

Aramas koaros nan sampah pwon kin likih komwi+

Pil iangahki irail akan me kin mi wasa doh en nan madau kan.