Kasalehda Omw Utung Pioneer kan
1 Kitail kin iang irail ko me kak wia doadoahk en pioneer peren. Emen kin anahne nannanti laud oh tohnmetei pwehn kak wiahla emen pioneer oh mihmihte nan doadoahk wet. Iaduwen mehteikan kak utung oh kangoange ladu idipek pwukat me kin kalohk kaukaule?
2 Kangoang laud kin kohsang rehn elder kan me kin iang emenemen pioneer kan nan mwomwohdiso kalohk pak ehu nan pahr ehu, ni ahr kin kapinga dahme pioneer kan wiahda oh sewese irail en pil wiahda kekeirada teikan.
3 Ministerial servant kan pil kak sewese pioneer kan ni ahr pahn pwerisek apwalihala koasoandi en mwomwohdiso. Pioneer sister kan kin kalahnganki ma mie brother kan me kin tiengla mwowe koasoanehdi pwihn en kalohk. Irail ko me kin apwalih pwuhk kan oh makasihn kan kak tehkada mwahu pwehn mie pwuhk oh makasihn kan me itar nan mwomwohdiso mehn kihla. Met pahn sewese pioneer kan en medemedewehte arail kalohk.
4 Sounkalohk kan kak sawas ni ahr pahn wiahda arail ahnsou en kin kalap iang pioneer kan kalohk. Pil ehu, re kak ehukihong pioneer kan kepwe kan de dipwisou kan, oh pioneer kan kin ahnsou koaros kalahnganki kadek wet.—Pilipai 4:14-19.
5 Pioneer pwerisek kan kin wia kapai ehu ong mwomwohdiso. Ni mehlel, kitail men wia dahme kitail kakohng pwehn utungada arail kalohk.