En Kaukaule Iang Towehda Mihding kan—Pwukoah Kesempwal Ehu
1 Ia uwen kesempwal ong komwi en kaukaule iang towehda mihding kan? Pali laud en kitail kin kalahnganki mihding kan. Ahpw, nan mwomwohdiso tohto, nempehn aramas me kin iang towehda mihding kan kin wie kohkohdi. Dahme kahrehda? Ekei kitail kin mweidong doadoahk me nohn daulihla dahme anahnepe, de pwang, de homework, de ekiste soumwahu, de ekis keteu en kerempwa atail pwukoah en kaukaule iang towehda mihding kan? (Deuderonomy 31:12) Pwehn kaukaule iang towehda mihding kan kin wie kehkehlik ehu sang nan Pwuhk Sarawi, emen emen kitail anahne medemedewe mwahu peidek wet: Ia uwen kesempwal en kaukaule iang towehda mihding kan ong ie?
2 Nan pein ahmw mwomwohdiso, mwein mie ekei brother oh sister lelepek kan me “sohte kin katiasang” mihding kan mendahki arail soumwahu laud kan, sohunsek en paliwar kan, doadoahk tohto nan arail wasahn doadoahk kan oh pil homework tohto sang sukuhl. (Luk 2:37) Dahme kahrehda irail pwukat kin nannanti en kaukaule iang towehda mihding kan? Pwehki re wehwehki me re sohte kak powehdi arail kahpwal kan ma re likih pein arail kehl. Re anahne likih kehl me Koht ketikihda.—2 Kor. 12:9, 10.
3 Rahnwet kitail kin idawehn mehn kahlemeng mwahu en Kristian kan en mahs, me kin kaukaule pokonpene ong kapakap, koasoiapene ekspiriens kan, oh onop Mahsen en Koht. (Wiewia 4:23-30; 11:4-18; Kol. 4:16) Kitail kin ale kaweid kan me pid kokohp en Paipel kan oh padahk kesempwal kan, oh iangahki kaweid kan ni ahnsou konehng me kin sewese kitail en kamwahuiala pein atail mour kan sang ni atail pahn kapwaiada iren Paipel kan. (1 Tim. 4:8) En kapataiong met, kitail pil kin ale mehn kataman kan duwen atail koapworopwor me ehu rahn, kahpwal kan oh kalokolok kan solahr pahn wiawi. E kesempwal me atail koapworopwor en dehr solahr.—Ipru 6:19.
4 Ia uwen kesempwal ong ahmw peneinei en kaukaule iang towehda mihding kan? En kaukaule iang towehda mihding kan kesempwal duwehte ahnsou ke kin mwenge de iang doadoahk en mwohni? Mwohnte mihding kan, ke kin peikasalki ma ke pahn iang towehda mihding de soh, de ke sohte kin nohn kesempwalki kaukaule miniminiong riomw kan ni pali ngehn?
5 Dahme kumwail koaros, nin duwen peneinei ehu, soh mwohndipene oh kapakap oh koasoiapene duwen dahme kumwail kak wia pwehn kaukaule iang towehda mihding kan? Eri, ma anahne, kumwail kak kapwungala oh pwurehng koasoanehdi amwail koasoandi. En kaukaule iang towehda mihding kan kin wia mehkot kesempwal ong kasukuhlih kitail duwen padahk kan me kohsang powe oh kitail en dehr mwamwahliki koasoandi wet.