Dahme Kahrehda Kitail Kin Nantiong Pwurehng Pwurala Rehn Aramas Koaros?
1 Mie pak ke wia peidek wet ong pein uhk, mwein ehu rahn me ke kaunopada ong kalohk? Nan ekei wasa kan me sounkalohk kan kin kalap wia arail kalohk, tohnihmw akan kin kilang irail oh mwadang sohpeisang irail. Ekeite pahn perenki rong. Ahpw, mie kahrepe mwahu tohto me kitail kin nantiong pwurehng pwurala rehn aramas koaros.
2 Keieu, kitail mwekidki kehkehlik en nantiong kalohki rongamwahu en Wehin Koht lao imwin koasoandi wet pahn kohdo. (Madiu 24:14; 28:19, 20) Soukohp Aiseia medemedewe ia uwen werei e anahne wia eh kalohk. E ale pasepeng en eh peidek oh e ntingihdi nan Aiseia 6:11. E sansal—e pahn nantiong pwurehng pwurala rehn aramas oh padahkiong irail dahme Koht mahsanih. Pil duwehte rahnwet, mendahki aramas akan sohte rong kitail, kitail pahn nantiong pwurehng pwurala rehn aramas koaros me kin mihmi nan pein atail wasa. (Esekiel 3:10, 11) Met pwukoah ehu me kitail koaros kohwahki.—1 Kor. 9:17.
3 Pil ehu kahrepe kitail anahne nantiong pwurehng pwurala rehn aramas koaros iei en kihong kitail ahnsou en kasalehda atail lelepek ong Siohwa. (1 Sohn 5:3) Oh pil, ma kitail medewehla dahme pahn wiawi ni ahnsou kohkohdo, kitail sohte kak koledi pein kitail sang atail kasalehong mehteikan, ni limpoak, mehn peneu kan me ntingihdi nan Pwuhk Sarawi. (2 Tim. 4:2; Seims 2:8) Atail lelepek ong atail pwukoah pahn kahrehda ahnsou laud en kohwong aramas en mwekidki sapwellimen Koht kaweid en ale kamourparail, pwehki aramas en dehr nda me kitail sohte wia atail pwukoah.—Esekiel 5:13.
4 Oh pil, kitail sehse ma aramas pahn wukila. Mwein irail kak wukila pwehki mie mehkot me wiawi nan pein arail irair kan, mehkot kapwuriamwei me wiawi nan arail peneinei, de arail nsensuwedki kilang susuwedlahn irair en sampah wet. Oh pil, mehkot me kitail pahn nda kak kawukila irail. (Eklesiasdes 9:11; 1 Kor. 7:31) Oh pil, aramas kan me sohte men rong kak keseusang wasao. Kitail pahn diarada me emen me kapw mihmi nan ihmwo oh irail pahn mwekidki rongamwahu me kitail kalohki—mwein me pwulopwul kan me laudla oh met kin mihmi tohrohrsang arail pahpa oh nohno oh kin medemedewe karepen arail mour.
5 Kitail pahn nantiong pwurehng pwurala rehn aramas koaros? Ei! Iren Pwuhk Sarawi kan kin kamwekid kitail en pwurehng pwurala rehn aramas koaros. Ni imwio, ahnsou me doadoahk en kalohk nekier, Siohwa pahn kapaiada atail nannanti nan doadoahk en kalohk, oh e pahn kapaiada irail kan me mwekidki rongamwahu en Wehin Koht ni kalahngan.—1 Tim. 4:16.