Prokram en Kapokon en Circuit Kapw

“Kasikasik Sapwellimen Koht Rahno” iei oaralap en kapokon en circuit en rahn riau me pahn tepida nan September. (2 Pit. 3:​12) E pahn kamwekid kitail. Tohnsampah pahn kerenieng pehm sapwellimen Koht kadeik kan. Ihs me pahn pitsang “Rahn Lapalap en Koht, Wasa Lapalapie”? Ihte irail me kin pepehd ni pali ngehn oh mourki “mour mwakelekel oh kasarawihong Koht.”​—⁠Kaudiahl 16:14; 2 Pit. 3:​11.

Mehkot kesempwal en wia pwehn pitsang sapwellimen Siohwa rahno iei en pepdaisla. (1 Pit. 3:​21) Sounkalohk kan me men pepdaisla ni kapokono pahn padahkiong presiding overseer, me pahn koasoanehdi soahng pwukat.

Padahk pahieu me pahn patpene (symposium) me oaralap iei “Soahngen Mour Dah Kan Kitail en Weweidki” pahn kasalehda wiewia dah kan kitail pahn wia pwehn kasikasik sapwellimen Koht rahno. Oaralap en kapahrek ong wehi pokon iei “Mourki Erpit Pwe Sapwellimen Koht Rahno Kerendohr,” oh e pahn kawehwe ia wehwehn ‘rapahki Siohwa, pwung oh aktikitik,’ pwe kitail en pitsang rahno.​—⁠Sepanaia 2:3.

Kapokon en circuit pahn imwikihla padahk riau me ira soundoulik kan pahn wia oh oaralap iei “Ahmw Mour Kin Mwohnki Padahk Mehlel?” oh “Kaunopada Ong Sapwellimen Siohwa Rahno.” Padahk pwukat pahn kamwekid kitail en kasawihada pein atail mour oh kapwungala soahng kan me kitail anahne. Kokohp en Paipel oh mwekid en sampah kasansalehda me sapwellimen Koht rahno kerendohr. Prokram en kapokon wet pahn kangoange kitail en ‘onohnop oh mwasamwasahn.’ (1 Pit. 5:8) Kaunopada mwahu pwehn iang towehda rahn riau pwukat.