Prokram Kapw en Kapokon en Circuit kan

Ia kamwahu kan me kitail kin ale ni ahnsouwet sang ni atail iang Siohwa kekeid? Iaduwen ke kak powehdi kasongosong en mweidohng soahng kan me sohte pahn sewese ahmw pali ngehn en keieu nan ahmw mour? (Madiu 6:​33) Ke kin apwalki kadehde mehnia me pwung sang dahme sapwung nan sampah wet me sapwung kin mwomwen pwung? (Ipru 5:​14) Atail Kapokon en Circuit me oaralap koasoia “Ale Kapai kan Ni Ahnsouwet me Kin Kohsang Kekeid nan Sapwellimen Koht Ahl” me pahn tepida nan September 1999 pahn koasoia duwen peidek pwukat.​—Melkahka 128:1.

Koasoandi kapw me pahn wiawi ni Rahn Kaunop en Kapokon en Circuit pahn kamwomwada Service Meeting ehu. Sounapwalih en Circuit pahn kawehwehong mwomwohdiso kan dahme pahn wiawi oh iaduwen re kak kaunopada pwehn paiekihda prokram.

Padahk me oaralap koasoia “Pioneer kan​—Kanahieng Iaduwen Ke Alu” pahn kasalehda iaduwen kitail kak doadoahngki atail loalokong pwehn isaneki atail ahnsou mwahu ong doadoahk en pioneer. (Episos 5:​15-​17) Padahk me oaralap koasoia “Kanahieng Ahl akan me kin Mwomwen Pwung” pahn padahkiong kitail iaduwen kitail kak tehk dahme Koht kin kupwurki ong atail mour. Padahk me oaralap koasoia “Iaduwen Kokohp me Pweidaiehr Kin Pid Kitail” pahn sewese kitail en poakohng sapwellimen Koht Mahsen. Kapahrek ong Wehi Pokon me oaralap koasoia “Sapwellimen Koht Ahl akan​—Iaduwen Re Kin Mwahu Ong Kitail!” pahn kasalehda kamwahupen kapwaiada sapwellimen Siohwa kosonned kan ong kitail rahnwet.

Ke men kasalehong wehi pokon me ke men iang Koht kekeid nin duwen emen me inoukihong Koht ahmw mour? Eri, ke kak koasoiong Presiding overseer pwe en kak koasoanehdi koasoandi kan.

Koasoanehdi ahmw irair kan pwe ken dehr katiasang Kapokon en Circuit wet me kesempwal. Ken iang towehda rahn riau koaros, pwe “meid pai irail kan me kin peikiong [“Siohwa,” New World Translation], oh kin momourki sapwellime kosonned akan.”​—Melkahka 128:1.