Mehn Mpatail Kan Anahne Rong Rongamwahuwo
1 Kupwuren Koht iei me “aramas koaros en ale komourparail oh marainkihla me mehlel.” (1 Timoty 2:4) “Aramas koaros” pahn pil oarepene mehn mpatail kan koaros. Kalohkihong irail rongamwahuwo kin wehwehki me kitail en wekid atail padahk kan oh nsenohki dahme emen emen aramas kan me kitail tuhwong kin perenki. (1 Korint 9:19-23) Pwihn en Siohwa kin ketikihda mehn kalohk kan me kak sewese atail padahk en lel mongiongen irail ko me “warohng mour soutuk.” (Wiewia 13:48, New World Translation) Kitail en kilang iaduwen atail kak doadoahngki soangsoangen brochure kan erein sounpwong en August oh September pwehn apwaliala anahnepen pali ngehn en mehn mpatail.
2 Brochure kan me Kitail Pahn Kihla: Kitail pahn diarada iren sawas kan me ke kak doadoahngki ni ahmw kihla ekei brochure kan. Ehu ehu iren sawas kin oarepene (1) ehu peidek me pahn kamwekidada lamalam en tepiada ehu koasoakoasoipene, (2) wasa me iren padahko kin diarek ie nan brochure, oh (3) iren Pwuhk Sarawi konehng me kumwa pahn wadekpene erein amwa koasoakoasoipene. Ke kak kanokehla padahko ni pein ahmw lokaia, sang ni pasepeng en aramas. Ong pali tohtohn brochure ko, ehu neitail doaropwehn Atail Doadoahk Ong Wehio me wiawihda mahs kin pil kileledi ong iawasa me ke pahn diarada padahk ong kihla brochure.
Paieki Mour Sampah Kohkohlahte!
Komw kin medemedewe duwen dahme Sises Krais kin wiewia ahnsouwet?—Kilel 41-42; Kaudiahl 11:15; km 9/96 pali 4.
Koperment Me Pahn Wahdo Paradais.
Komw men ese duwen Wehio me Sises padahkihong kitail en kapakapki?—Pali 3; Madiu 6:9, 10; km 8/96 pali 6, km 9/96 pali 4.
“Look! I Am Making All Things New”
Komw lemeleme me sampah pahn duwehla kilel wet pohn kilin brochure wet?—Pali 3, parakrap 1; Kaudiahl 21:4, km 9/96 pali 4.
Jehovah’s Witnesses Unitedly Doing God’s Will Worldwide
Mie pak me ke kin medemedewe dahme kahrehda Sounkadehdehn Siohwa kan kalap pokonpene?—Pali 14-15; Ipru 10:24, 25.
Does God Really Care About Us?
Koapworopwor dahieu ke medemedewe me pahn mie pwehn sewese aramas kan me wiekaula?—Pali 27-8, parakrap 23-27; Aiseia 65:17, 18.
When Someone You Love Dies.
Mie pak me ke kin medemedewe iaduwen ahmw pahn kamweitih emen me kompoakepah mehla?—Pali 26, parakrap 2-5; Sohn 5:28, 29; km 8/96 pali 6.
Should You Believe in the Trinity?
Atail wehwehkihla irair pwung en Koht me kesempwal ong atail ahnsou kohkohdo?—Pali 3, parakrap 3, 7-8; Sohn 17:3.
3 Brochures Teikan: Insert en neitail doaropwehn Atail Doadoahk Ong Wehio en March 1998 kin kairekihdi ekei pwuhk kan, iangahki brochure kan, me keieu wiawihda pwe kitail en doadoahngkihong atail kalohk ong Buddhist kan, Hindu kan, mehn Suhs kan, oh Muslim kan. Nan wasa soh lipilipil, kitail en kihong aramas kan me kitail tuhwong brochure pwukat. Ke kak kousapahlih iren sawas kan ni pali 4-6 en inserto iangahki pali 21-24 nan pwuhken Reasoning oh wiahda padahk mwotomwot kan me pahn kamwekid aramas pwukat en men rong.
4 Ehu brochure pil wiawihda pwehn sewese aramas kan me sukuhl laud ahpw sohte nohn wehwehki Paipel. Brochure wet wiawihda pwehn kamwekid irail en men kasawih Mahsen en Koht. Ni ahnsou me konehng, ele ke pahn wia padahk pwukat:
A Book for All People.
Ke pahn pwungki me ale kasukuhl kin oarepene loalokongkihla dahme Paipel audaudki?—Pali 3, parakrap 1-3 oh pali 30, parakrap 2; Eklesiasdes 12:9, 10.
5 Brochure en Onop Paipel: Atail mehn akadei nan doadoahk en kalohk iei en ahnsou koaros tepiada ehu onop en Paipel, ma kaidehn ni atail tepin tuhwong aramaso de ni ehu atail pwurehng pwurala reh. Pwehn wia met, kitail kak doadoahngki brochure kan me mengei en tepkihda oh wia onop en Paipel kan:
Dahme Koht Kupwurki Kitail en Wia?
Ke ese me nan erein minit 30 te de pil mwotomwotsang ehu ehu wihk erein wihk 16, ke kak wehwehkihla padahk mengei kan en Paipel?—Iren Mehn Kasukuhl 2, parakrap 6; 2 Tim. 3:16, 17; km 8/97 pali 8.
6 Nan karasaras en mehn Sameria kadeko, Sises kasansalehda me mehn mpe mehlel men iei emen me kin kasalehda limpoak oh kadek pwehn sewese mehteikan me mihla nan apwal. (Luk 10:27-37) Mehn mpetail kan mih nan apwal en pali ngehn. Re anahne rong rongamwahuwo. Kitail en alehda pwukoah en ehukihong irail met, oh eri kasalehda me pein kitail kin wia tohnpadahk mehlel en Sises Krais.—Madiu 24:14; Kalesia 5:14.