Koakon En Peidek

◼ Mwomwohdiso kan anahne en langahda map en arail wasahn kalohk nan Kingdom Hall?

Ei, e pahn mwahu ma map en wasahn kalohk pahn langahda nan Kingdom Hall. Map sohte pahn langahda nan wasao me doaropwe kan mihmi (Information board). E pahn kasalehda idin wasahn kalohk en ehu ehu map oh nempehn map kan. Mapo pahn pil kasalehda wasahn kalohk en ehuehu mwomwohdiso me kin doadoahngki Kingdom Hall en ahmw wasa. Met pahn sewese sounkalohk kan oh irail me ahpwtehn tepida iang mihding kan en wehwehki mehnia mwomwohdiso me re mihmi nan arail wasahn kalohk. E pahn pil mwahu ma mepo pahn kasalehda iawasa Pwuhk Study en Mwomwohdiso mihmi ie oh met pahn sewese koaros en wehwehki mehnia Pwuhk Study me re kin kilelehiong en iang towehda. Mepo anahne kasalehda duwen koasoandi en ahnsou wet.

Ma mep en wasahn kalohk mihmi nan Kingdom Hall, e pahn kak katamankin sounkalohk kan me re kak idek rehn Sounapwalih en Kalohk ma re kak ahneki pein arail wasahn kalohk. Mepo pil pahn sewese irail me men pilada wasahn kalohk karanih imwarail. Ekei pak, brother me kin kihpeseng pwihn en kalohk pil kak doadoahngki mepo en kasalehda wasahn kalohk ong rahno.

Mepo pil kin kasalehda me koasoandi en kalohki Wehio kin wia doadoahk soandi mwahu ehu pwe sounkalohk kan kak nantihong kalohk ong aramas koaruhsie.​—Luk 9:6.