LECCIÓN 11
Bibliamanda ashtahuan yachajungapaca ¿imatata rurana capangui?
Imapash shinlli trabajocunata rurana tucujpica ¿na ushashachu yashpa pensaripashcanguichu? Chaita rurajushpa ama yapata parangapaj nishpami asha asha rurai callaripangui. Bibliata liinahuanbash shinallatami rurai ushapangui. “Pero liingapaca ¿maimandata callarina cani?” nishpami tal vez tapuripashcangui. Cai leccionbimi Bibliata lii callaringapaj huaquin consejocunata ricugripanchi.
1. Bibliataca ¿imamandata cada punlla liina canchi?
Bibliata cada punlla liinami cushilla cachun, ali causaigutapash charichun ayudan (Salmo 1:1-3, liipangui). Bibliata lii callaringapaca punllapi asha minutocunatallami lii ushapangui. Shinami Taita Diospa Shimiguta asha asha rijsishpa, liinataca ashtahuan gushtapangui.
2. Bibliamanda ashtahuan beneficiarichunga ¿imata ayudanga?
Bibliamanda ashtahuan beneficiaringapaca liishcapi pensaringapami esforzarina capanchi. Bibliataca liina cashcamandallaca na liinachu capanchi. Liishcapimi ‘yarijunalla’ o pensarina capanchi (Josué 1:8). Bibliata liijushpaca cashna nishpa tapuripai: “Cai versocunapica ¿imatata Jehová Diosmandaca yachajuni? Cai nishcacunataca ¿imashinata ñuca causaipi pactachina cani? Cai versocunataca ¿imashinata shujcunata ayudangapaj utilizaita ushani?”
3. ¿Ima ratopita Bibliataca lii ushapanchi?
Bibliata liingapaca tucuicunallatami tiempota llujchingapaj esforzarina capanchi. Chaipaca ñucanchi ‘tiempotaca aligutami aprovechana capanchi’ (Efesios 5:16). Chaipaca punllapi ima horas Bibliata liinatami agllashcalla charina capangui. Huaquingunaca alihorata jatarishpami Bibliataca liin. Shinallata shujcunaca chishillagupi imagutapash micushca jipami liin. Cutin shujcunaca puñungapaj nara siririshpallatami Bibliataca liin. Quiquinbaca ¿ima horashi ali canman?
ASHTAHUAN YACHAJUPASHUNCHI
Cunanga Bibliata liijushpa ama aburriringapaj imata rurana cashcatami ricugripanchi. Shinallata Bibliamanda ashtahuan yachajushpa catingapaj cada leccionba imashina prepararina cashcatami ricugripanchi.
Imashinami shuj mushuj micunaguta micunata yachajunchi, shinallatami Bibliata cushijushpa liinatapash yachajuna capanchi
4. Bibliata liina alipacha cashcata ricupai
Bibliata lii callarinaca huaquinbica shinllimi ricurin. Caipi pensaripai, shuj na rijsishca micunaguta por primera vez malishpaca na ashta gushtapanchillachu. Pero tiempohuanga chai micunagutaca cushijushpami micupanchi. Bibliata liinahuanga shinallatami pasan. Asha ashami liina munaita o ‘Taita Diospa shimita’ yachajuna munaita chari ushapanchi. 1 Pedro 2:2ta liishpa, cai tapuita contestapangui:
Bibliata cada punlla liinaca ¿Bibliamanda ashtahuan yachajuna munaita charichun ayudangacha?
Huaquin jovenguna imashina Bibliata liinata gushtai callarishcata yachangapaca cai VIDEOTA ricupai. Chai jipaca cai tapuicunata contestapangui:
Cai videopi ricushcashnaca ¿imacunatallata cai jovengunaca saquina tucurca?
Bibliata liinata ama saquingapaca ¿imatata chai jovengunaca rurarca?
Bibliata liijushpa ama aburriringapaca ¿imatata chai jovengunaca rurarca?
Bibliata lii callaringapaca caita rurapai:
Intindirinalla shimicunapi traducishca Bibliata liipai. Quiquin parlashca shimipi Traducción del Nuevo Mundo Biblia tiajpica chai Bibliata liipai.
Quiquin gushtashca textocunata liishpa callaripai. Chaipaca “Bibliata lii callaringapaj huaquin yuyaicuna” nishca recuadromanda yuyaicunata ricupangui.
Maijan librocunatalla liishcata anotashpandi ripangui. Chaipaca “Maijan capitulocunata liishcata anotapai” nishca parteta utilizapangui.
JW Library® aplicaciondapash utilizapai. Cai aplicacionhuanga grabashcata uyashpandimi lii ushapangui. Caitaca quiquinba celularpillatami chari ushapangui.
Traducción del Nuevo Mundo Bibliapi tiashca apendicetapash utilizai ushapangui. Chaipica mapa nishca dibujocuna, huaquin recuadrocunapash tian. Chaicunaca Bibliata facillla liichunmi ayudanga.
5. Bibliata liingapaj prepararipai
Salmo 119:34ta liishpa, cai tapuita contestapangui:
¿Imamandata Bibliata nara liishpallata o nara yachajui callarishpallata Taita Diosta mañana capanchi?
Cai librota estudiajushpaca ¿imashinata ashtahuan beneficiari ushapangui? Shuj leccionda prepararijushpaca caitami rurai ushapangui:
Cada leccionba primer parrafocunata liipai.
Tucuilla textocunata quiquinba Bibliapi mascashpa liipai. Shinallata chai temamanda imata yachachingapaj munashcata ricupai.
Importante yuyaicunata o shimicunata señalapangui. Chaicunaca quiquinda yachachij tapuchijpi contestachunmi ayudanga.
¿Yachaparcanguichu?
Testigo de Jehovacunaca Bibliamanda huaquin traducciongunatami utilizapashcanchi. Shinapash Traducción del Nuevo Mundo Biblia intindirinalla caimanda, cabal traducishca caimanda, Taita Diospa shuti Jehová tiashcamandami ashtahuan gushtapanchi (jw.org paginapi “¿Testigo de Jehovacunaca paicunapa propio Bibliatachu charin?” nishca tematapash ricupangui).
HUAQUINGUNACA, “Bibliata estudianaca shinllimi can. Liingapapash yapa ocupadomi yalini” ninmi.
¿Quiquinbashchu shinallata pensapangui?
YARINGAPAJ
Bibliata estudiangapaca tiempota agllashcallami charina capanchi. Bibliata aliguta intindingapaca Taita Diostami mañana capanchi. Shinallata Bibliata estudiangapapashmi aliguta prepararina capanchi.
¿Imatata yachajupashcanchi?
Bibliata estudiashpa catichunga ¿imata ayudanga?
Quiquinga ¿ima horaspita Bibliata liingapaj, estudiangapapash munapanguiman?
Bibliata estudiangapaca ¿imamandata prepararinaca ali can?
CAITAPASH RICUPAI
Bibliata liijushpa imashina ashtahuan yachajui ushanata ricupai.
“Bibliata liishpa cushijupai” (Tucui gentecunapa Villajun revista 2017, Número 1)
Bibliata imashina lii callarinata ricupai.
Bibliata cushijushpa liingapaj imacunalla ayudajta ricupai.
Bibliata liingapaj imacunatalla huaquin gentecuna ruran cashcata ricupai.
Bibliata cada uno yachajunami, Diospa Shimita ashtahuan valichichun ayudan (2:06)