PROMIÉ DISKUSION
LOSON 6
Pran kouraj
Prinsip la Bib : « Nout Bondié la èd anou tienbo lo kèr pou anons azot lo gayar nouvèl Bondié mèm si domoun té drès kont nou » (1 Tés 2:2).
Sak Jézu la fé
1. Rogard la VIDÉO oubien lir Luk 19:1-7. Aprésa réfléchi su bann kèstion i vien apré.
Poukosa domoun té évit kroiz Zaché ?
Kosa la pous Jézu pou koz èk li kan mèm sa ?
Rotien sa
2. Prèch lo gayar nouvèl lo Roiyom èk tout kalité domoun, sa i domand kouraj.
Fé parèy Jézu...
3. Kont dési Jéova. Lèspri sin la done la fors Jézu pou fé in ta zafèr, é li va done aou osi la fors ou la bézoin (Mat 10:19, 20 ; Luk 4:18) Domand Jéova kouraj pou prèch èk tout kalité domoun, mèm èk sak ou la pèr kozé (Akt 4:29).
4. Port pa mové jujman. Nadfoi, sak i kal anou sé la fason nou oi lo moun, si li lé rich ou pov, son plas travay, son fason d’viv oubien son rolijion. Mé oubli pa ké…
Jéova é Jézu lé kapab lir dann kèr, é pa ou.
Jéova i rouv son min plin lamour pou tout domoun.
5. Fé mont out kouraj, fé atansion é vèy sak ou di. (Mat 10:16) Évit débat èk domoun. Si lo moun lé pa intérésé dutou ou ké li komans rod dézord, èk rèspé arèt la diskusion (Prov 17:14).