Predlogija so ka pomožinen tuke te čitine i Biblija sekova dive

Dali tuke pharo te čitine e Devleskoro Lafi sekova dive adaleske so isi tut but obvrske? (Is. Nav. 1:8). Ako oja, probin jekh taro sledna predlogija:

• Ker tuke alarma so ka setinkerel tut sekova dive. Mestin tuke alarma ko tlo elektronsko ured te šaj te setinkerel tut te čitine i Biblija.

• Čhiv i Biblija ko than kote so šaj te dikhe la. Ako čitinea tari pečatimi Biblija, čhiv la ko than kote so šaj sekova dive lokhe te dikhe la (5. Moj. 11:18).

• Šun audiosnimke. Šun audiosnimke džikote kerea tle sekojdnevna obvrske. I Tara, jekh daj koja so džala ki buti rakjate hem tani pionerka, vakerela: „Adava so šunava o audiosnimke tari Biblija džikote završinava mle kherutne obvrske pomožinela mange redovno te čitinav i Biblija“.

• Ma otkažin tut. Ako ikljola tuke nesavi buti koja so ruminela tlo plani čitibaske i Biblija, čitin barem nekobor stihija angleder te sove. Čak ako čitinea samo nekobor stihija sekova dive, adava but ka koristinel tuke (1. Pet. 2:2).