Uvod ko e Devleskoro Lafi

Ki Biblija isi poraka taro Devel koja soj dendi sa e manušenge. Oj sikavela amen sar šaj te ovel amen pošukar životo hem so valjani te kera te šaj te ova paše e Devlea. Isto agjaar, dela odgovor ko akala pučiba:

1. Koj tano o Devel?
2. Sar šaj te džana poviše bašo Devel?
3. Koj pišingja i Biblija?
4. Dali i Biblija tani naučno točno?
5. Koja tani i poraka e Biblijakiri?
6. So prorokujngja i Biblija bašo Mesija?
7. So prorokujngja i Biblija bašo amaro vreme?
8. Dali o Devel tano krivo bašo muke e manušengere?
9. Soske o manuša cidena muke?
10. So vakerela i Biblija baši idnina?
11. So ovela e manušea keda merela?
12. Isi li nesavi nadež e mulenge?
13. So vakerela i Biblija baši buti?
14. Sar te koristine mudro o pare hem o materijalna bukja?
15. Sar šaj te ove čače srekjno?
16. Sar te ikljove ko krajo e sekiraciencar?
17. Sar šaj i Biblija te pomožinel tle familijake?
18. Sar šaj te ove paše e Devlea?
19. Bašo so kerena lafi o različna lila tari Biblija?
20. Sar šaj te ovel tut najbari korist taro čitibe i Biblija?

SAR TE ARAKHE O BIBLISKA STIHIJA

I Biblija tani sostavimi taro 66 potikne lila. Ola tane delime ko duj delija: O Hebrejsko-aramejska spisija („Purano zavet“) hem o Hristijanska grčka spisija („Nevo zavet“). Sekova lil tano delimo ko poglavja hem stihija. Keda isi pišimo jekh stiho, i prvo brojka palo anav e lileskoro sikavela o poglavje, a o javer broj sikavela o stiho. Na primer, Matej 1:1 tano o lil Matej, poglavje 1 hem stiho 1.