So kamel o Del la phuvasa?

1. Sostar kerdas o Del e phuv?

O Jehova anda kodo das e phuv le manushenge, te beshen pe leste. O Adam thaj e Eva na ando cheri trajinas. O Del aba angla lende, ando cheri kerdas le andyalon (Jobeski 38:4, 7). O Del ando paradichomo, ando Edeno shutas le anglune manushes (Genezarimaski [1Mózes] 2:15–17). Lenge, thaj lenge shavorenge das kodo, te shaj trajin pe phuv, thaj te na meren. Dikh: Salmongi (Zsoltárok) 37:29; 115:16.

Anglunes pe phuv, feri ando Edeno sas paradichomo. O angluno mursh thaj zhuvlyi, trubundas andre te pherdyaren e phuv shavorenca. Vi kodi lengi butyi sas, te grizhinen pal e phuv, ke o intrego te shaj avel paradichomo (Genezarimaski 1:28). E phuv chi nachola, le manusha beshena pe late, thaj chi merena. Dikh: Salmongi 104:5.

Dikh o filmo: Sostar kerdas o Del e phuv?

2. Akanak sostar naj paradichomo e phuv?

O Adam thaj e Eva na kodo kerde, so o Del manglas lendar, anda kado o Del avri bishaldas len andar o Edeno. O paradichomo xasajlas, thaj khonyik chi zhanglas palpale te anel les. Kathar kodo nasul manusha pherdyarde andre e phuv. Dikh: Genezarimaski 3:23, 24.

Atunchi shaj phenas, ke kodo so o Jehova kamlas le manushenca, ande kodo dosh sas? Na. Ke o Jehova si o legmajbaro Del, thaj so voj kamel, kodo chi perel kethane (Izajasheski 45:18). Le manusha kade shaj trajina, sar anglunes kamlas o Del. Dikh: Salmongi 37:11, 34.

3. Sar avla paradichomo e phuv?

Kana o Del krajeske shol le Jezushes, pe intrego phuv paradichomo avla. Kana avla o Armageddono, le Devlesko maripe, o Jezush le Devleske andyalonca mudarela kodolen, kon chi keren kodo, so o Del kamel. Le Benges pala kodo ande temlica shola pe 1000 bersh. Le Devleske manusha trajina, ke zhan pal o Jezush, thaj voj sama lel pe lende. Butaig trajina ando paradichomo, thaj na merena. Dikh: Viziovongi (Jelenések) 20:1–3; 21:3, 4.

4. Kana avla le nasulimasko agor?

Kana nacharela O Del o nasulimo pe phuv? O Jezush vorbindas pe kodo, so avla, so sikavel, ke kathe si la lumako agor. So akanak peren ande luma, ande bare problemi ingren le manushen, thaj kodo sikaven, ke la lumaki agoraki vrami trajinas. Dikh: Matevesko 24:3, 7–14, 21, 22.

Tela 1000 bersha o Jezush ando cheri avla kraj, thaj pe phuv nacharela sakofelo dukh (Izajasheski 9:6, 7; 11:9). Na feri kraj avla, voj avla vi o legmajbaro rashaj, thaj khosela kodolenge bezexa, kon kamen le Devles. Kade o Del, le Jezushesa kethane, nacharela o nasvalipe, o phuripe, thaj o meripe. Dikh: Izajasheski 25:8; 33:24.

5. Kon trajina ando paradichomo?

Kodola, kon kodo keren, so o Del kamel (1Janoshesko 2:17). O Jezush kodo phendas peske sityardenge, te roden le lashe manushen, thaj te sityaren lenge, sar shaj trajin kade, so shukar si angla o Del. O Jehova pe intrego luma, bute milliova manushenge sikavel kodo, sar trajina ande nyevi luma ando paradichomo (Sofoniasheske 2:3). Ande Jehovasko kher le manusha sityon kodo, sar shaj aven majlashe rom, romnya, deja, dada. Von kethene rudyin le Devles, thaj pe kodo sityon, sar shaj avel majlasho lengo trajo. Dikh: Mikeasheske 4:1–4.