На сындон па кода, со диқэн тумарэ яқа

1. Со ԥэндя о Исаия пала Иисусо, кай трэбуй сас тэ стерэлпэ? Васо кадэла алава дэн амэнди тэ аштярас англэ о лашимос?

КОДА, со ԥэндя о Исаия пала Иисус Христос и трэбуй сас тэ стерэлпэ, дэл амэнди тэ аштярас англэ о лашимос. О Исаия ԥэндя пала Иисусо: «Во на лэла тэ сындой кати па кода, со диқэн лэстирэ яқа и тэ спушэл кати важ кода, со во ашунэл. Во лэ чорорэн лэла тэ сындой па чачимастэ» (Исаия 11:3, 4). Васо кадэлэ алавэндар амэндэ ашэл драго по ди? Важ кода кай андэ кадэва миро май бут и мануша гиндон ек пала аврэстэ вэрыто. Сар жэ амэнди трэбуй о сындомари, саво би бэзэхэско и на шылийпэ, о Иисусо, саво на лэла никала тэ сындой лэ манушэн «кати па кода, со диқэн лэстирэ яқа»!

2. Сар, кала гиндосарас пала варисавэ мануша тэ терас кадя, сар о Иисусо?

² Кажно дес амэ пала варикастэ варисо гиндосарас. Но амэ най сар о Иисусо, амэ найсовершенни и важ када най еқвар гиндосарас най кадя. Амэ йто лас тэ гиндосарас кодэлэстар, со диқэн амарэ яқа. Но, кала о Иисусо сас пэ ԥув, во ԥэндя: «Хутилэла тэ сындон па кода, со диқэн тумарэ яқа, ай сындон па чачимастэ» (Иоанна 7:24). О Иисусо камэлас, кай амэ тэ терас кадя, сар во и тэ на сындосарас па кода, со диқэн амарэ яқа. Андэ кадэя статья амэ уӷанаса, васо и мануша гиндон пала авэр вэрыто. Када, кала и мануша анда разни нацыи, барвалэ чи чорэ чи лэндэ разни бэрша. Кала ласа тэ дас дума пала када, амэ погиндосараса, сар тэ терас кадя, сар ԥэндя о Иисусо.

НА СЫНДОН ПА НАРОДО ЧИ ПА НАЦИЯ

3, 4. а) Васо о Пётро ля тэ гиндой па аврятэ пала авэр народоря? (Диқэн и картинка англа статья.) б) Саво чачимос о Иегова поможысардя тэ полэл лэ Петрости?

³ Лэ Петрости ԥэндэ тэ жал андэ Кесария, андо цэр кай о Корнилиё, саво на сас евреё. Кати погиндосар, со кай о Пётро сас андо шэро, кала лэсти када ԥэндэ (Деяния 10:17 жы кай 29). Сар и всаворэ евреёнэн, лэ Петрос, кала во сас инке цыкноро, сытярэнас, кай и мануша анда авэр народоря найвужэ англа лэ Дэвлэстирэ яқа. Но андэ лэстири жизня сас кода, со парудя лэско гиндо. Лэ Петрости сас видения лэ Дэвлэстар (Деяния 10:9 жы кай 16). Во додиқля, сар англа лэстэ змэкэлпэ кирпуно котор, пэ саво найвужэ жывотни. И во ашундя, сар па нэбо лэсти ԥэнэн: «Пётро, ущи, зашын и ха!» О Пётро тривар отԥэнделяпэ. И кажно разо о ӷолосо па нэбо ԥэнэнас лэсти: «Будэр на ԥэн найвужо пэ кода, со о Дэл стердя, кай тэ авэл вужо». Кала о Пётро диқля кадэя видения, во ля тэ гиндой, со о Иегова камля лэсти тэ ԥэнэн. И катэ лэстэ авелэ и мануша лэ Корнилиёстар. О Пётро тердя, со ԥэндя лэсти о свынто духо. Во йто жыля кадэлэ манушэнца андэ лэ Корнилиёско цэр.

⁴ Сар о Пётро тэ сындой кати па кода, анда саво народо и мануша, во никала на жылоп андэ лэ Корнилиёско цэр. Важ кода кай и евреёря никала на зажанас андо цэр кай и мануша, савэ найевреёря. Со поможысардя лэ Петрости тэ улэл пэстар анда оди вэрыти гиндоря пала авэр? Лэс фартэ ля лэ одестар и видения и кода, со лэсти ԥэндя о свынто духо. Кодэлэстар, со росԥэндя лэсти о Корнилиё, во ԥэндя: «Акана мэ полав, кай о Дэл на диқэл, сави кай о мануш нацыя. Но андэ кажно народо исин кодэва, ко дарал лэстар и ритярэл лэско законо. Ко кадя терэл, чалёл лэсти» (Деяния 10:34, 35). Сар жэ ля лэ одестар лэ Петрос, кала во уӷангля кадэва чачимос! Сар када трэбуй сас тэ парувэл лэ христианонэндирэ гиндоря?

5. а) Саво чачимос о Иегова камэл, кай и мануша тэ полэн? б) Со амэндэ идоси дэкала андо ди, хоть и ӷанас о чачимос анда Библия?

⁵ Пэ кода, со сас лэ Петроса, о Иегова сыкадя всаворэ христианонэнди, кай во Дэл, саво на гиндой вэрыто пала мануша. Лэсти всаек, сави кай о мануш нацыя, племя, анда саво во народо и пэ сави шыб дэл дума. Лэ Дэвлэсти чалёл кажно мануш, саво дарал лэстар и терэл кадя, сар во камэл (Галатам 3:26 жы кай 28; Откровение 7:9, 10). Чаче, тумэ кадяжэ гиндон. Но со, сар тумэ вибарелэ котэ, кай найдраго гиндон пала авэр мануша? Файма, андэ тумаро ери кадяжэ гиндон? Файма, ту гиндос пала пэстэ, кай обжаспэ драго аврэ манушэнца и никас на вэрыцыс. Но дэкала ту полэс, кай тутэ варикай андо ди инке исин вэрыти гиндоря пала авэр. Акэ и о Пётро, саво поможыяс аврэнди тэ полэн, кай о Иегова ни пала кастэ на гиндой вэрыто, екжэно ля тэ обжалпэ аврэнца кадя, сар вонэ на затердэ (Галатам 2:11 жы кай 14). Со поможыя амэнди тэ кандас лэ Иисусос и тэ на сындосарас лэ манушэн па кода, со диқэн амарэ яқа?

6. а) Сар тэ улас вэрыти гиндоря пала авэр мануша? б) Со сас андо ди кай о старейшына, сар дицолас анда письмо?

⁶ Амэ трэбуй драго тэ росполас, ашэлэпэ андэ амаро ди вэрыти гиндоря чи най. Андэ када амэнди поможыя лэ Дэвлэско алав (Псалом 119:105). Сар амэ екжэнэ на диқас, исин када амэндэ чи най, трэбуй тэ пушас варикастар анда ԥрала чи анда ԥэя, кай вонэ ворта тэ ԥэнэн амэнди пала када (Галатам 2:11, 14). Дэкала кацавэ гиндоря фартэ састэс бэшэн андо ди кай о мануш, кай во дажэ на полэл, кай вонэ лэстэ исин. Подаса дума пала ек старейшына, саво трэбуй сас тэ пистрой письмо пала ек ери андо филиало, вонэ служинас пионеронэнца. О хулай анда кадэва ери сас анда найбаро народо, пала саво авэр мануша гиндон найдраго. Файма, кадэва старейшына на полэлас, кай во андо ди вэрыцыяс кадэва народо. Андо письмо во пистросардя бут со лашо пала ԥрал, но инке во пистросардя: «Хоть во... [анда кацаво народо], во драго пэс андярэл и парудя пэстири жизня. Важ када авэр полэн, кай най всаворэ... [анда кадэва народо], засытелэ пэс тэ андярэн найвужэс машкар мануша и най всаворэ андар лэндэ на ӷанэн, сар пэс тэ андярэн». Сости амэ анда када сытювас? Амэнди трэбуй тэ на шас сама, сави о Иегова через и старейшыноря дя амэнди тэ терас дила важ лэско народо. Трэбуй драго тэ диқас, со амэндэ андо ди и тэ прилас, кала амэнди подԥэнэн авэр. Васо? Кай тэ полас, ашэлэпэ андэ амаро ди варисавэ вэрыти гиндоря каринг авэр чи най. Со инке авелоп драго тэ стерас?

7. Сар тэ сыкавас, кай амэ всаворэ одеса каринг разни мануша?

⁷ Сар амэ всаворэ одеса каринг авэр мануша, тоди амэ домэкас, кай и любовь тэ улэл анда оди вэрыти гиндоря пала авэр (2 Коринфянам 6:11 жы кай 13). Тумэнди чалёл тэ тидэнпэ кати кодэлэнца, ко анда тумари нацыя, племя чи кодэлэнца, ко дэл дума пэ тумари шыб? Сар када кадя, тоди ақарэн андэ служэния чи пэстэ тэ побэшэн разнонэ манушэн (Деяния 16:14, 15). И тоди андэ тумаро ди авэла бут любовь каринг кадэла мануша и андэр лэстэ на ашанапэ вэрыти гиндоря. Но инке амэ дэкала лас тэ гиндосарас вэрыто пала авэр через кода, кай вонэ чорэ чи барвалэ.

НА СЫНДОН ПА БАРВАЛИМОС ЧИ ПА ЧОРЫМОС

8. Сар кода, со ԥэнэнпэ андэ Левит 19:15 о барвалимос чи чорымос парувэл амарэ гиндоря пала мануш?

⁸ Кода, кай о мануш барвало чи чороро, дэкала парувэл и гиндоря пала кадэва мануш. Андэ Левит 19:15 ԥэнэнпэ: «Тэ на авэл тутэ вэрыти гиндоря пала чороро мануш и на сто май бари патив по барвало. Кодэлэс, ко паша тутэ, сындосар па чачимастэ».

9. Савэ алава запистросардя о Соломоно и пала со амэнди трэбуй тэ погиндосарас?

⁹ О Соломоно запистросардя кацавэ алава лэ Дэвлэстар, савэ сыкавэн кода, со исин: «Лэ чорорэс вэрыцый дажэ лэско чачо, ай кай о барвало бут друӷоря» (Притчи 14:20). Сости сытювас анда кадэла алава? Сар амэ на диқас, со амэндэ андо ди, амэ ласа тэ обжас лэ чорорэн и тэ тидаспэ кати лэ барвалэнца. Васо найдраго тэ сындосарас лэ манушэн кати па кода, скати лэндэ ловэ?

10. Пала со, со сас вэрыто, пистрояс о Иаково?

¹⁰ Сар амэ сындосарас амарэ ԥралэн и ԥэян, па кода барвалэ вонэ чи чорорэ, тоди андэ собрания лэна тэ розделинпэ. Кадя сас андэ дэсавэ собрании андэ пэрво вико, и пала када пистросардя о Иаково. (Адиносар Иакова 2:1 жы кай 4a). Трэбуй тэ диқас, кай кацаво тэ на авэл андэ амарэ собрании. Сар тэ на лас тэ сындосарас аврэн па кода, со лэндэ исин чи нинай?

11. Через кода, кай о мануш барвало чи чороро, авэла лэстэ лащи дружба лэ Иеговаса чи най? Росԥэнэн.

¹¹ Трэбуй тэ диқас пэ авэр мануша лэ Иеговастирэ яқэнца. О Дэл цэний лэ манушэс най важ кода чороро во чи барвало. Амари дружба лэ Иеговаса най кодэлэстар бут амэндэ ловэ чи най. О Иисусо ԥэндя: «Ԥарэс авэла лэ барвалэсти тэ зажал андо царство, саво по нэбо» (Матфея 19:23). Кадэла алава на сыкавэн, кай лэ барвалэстэ када на вижала. Во кадяжэ ԥэндя: «Бахталэ тумэ, кодэла, ко чорорэ, важ кода кай царство, саво по нэбо, тумаро» (Луки 6:20). И кадэла алава на сыкавэн, кай всаворэ чорорэ прилинэ лэ Иисусостирэ алава и ашэлэ лэ Дэвлэстирэ друӷоря. Бут чорорэ на прилинэ лэстири весть. Вижал, нащи тэ сындосарас, сави лэ манушэстэ дружба лэ Иеговаса па кода, барвало во чи чороро.

12. Со ԥэнэнпэ андэ Библия важ и барвалэ и чорорэ?

¹² Андэ амари орӷанизацыя бут ԥрала и ԥэя. Исин и барвалэ и чорорэ. Вонэ любин лэ Иеговас и всаворэ одеса терэн важ лэстэ дила. Важ и барвалэ андэ Библия ԥэнэнпэ: «тэ на заваздэн о шэро, и тэ на аштярэн о лашимос лэ барвалимастар, саво можэт и тэ на авэл, ай тэ аштярэн лэ Дэвлэстар». (Адиносар 1 Тимофею 6:17 жы кай 19b). Кадяжэ андэ Библия ԥэнэнпэ, кай всаворэ, и барвалэ и чорорэ, тэ фэринпэ, кай тэ на любин и ловэ (1 Тимофею 6:9, 10). Чаче, сар амэ диқас пэ амарэ ԥрала и ԥэя лэ Иеговастирэ яқэнца, тоди амэ на ласа тэ сындосарас лэн кати па кода, со лэндэ исин чи нинай. Ай со тэ ԥэнас пала бэрша? Май англэ подаса дума.

НА СЫНДОН ПА БЭРША

13. Сар пистромэ андэ Библия амэнди трэбуй тэ обжаспэ кодэлэнца, ко ԥурэдэр?

¹³ Андэ Библия най еқвар пистромэ, кай амэ трэбуй тэ стас патив пэ кодэла, ко ԥурэдэр. Андэ Левит 19:32 пистромэ: «Ущи англа сидо и сто патив пэ ԥурэ. Дар пэстирэ Дэвлэстар». Кацаво жэ гиндо пистромэ андэ Притчи 16:31: «О сидо бал кай о мануш, сар корона, кала во кандэл лэ Дэвлэс». О апостоло Павло ԥэндя лэ Тимофеёсти, кай во тэ ԥэнэн кодэлэнди, ко ԥурэдэр, со вонэ терэн най кадя, но тэ ԥэнэн када ковлэс (1 Тимофею 5:1, 2). Хоть о Тимофеё и трэбуй сас тэ ԥэнэн лэнди, со тэ терэн, лэсти трэбуй сас тэ терэл када ковлэс и тэ стол пэр лэндэ патив.

14. Кала трэбуй тэ подԥэнас кодэлэсти, ко май ԥурэдэр амэндар?

¹⁴ Ай со, сар кодэва, ко ԥурэдэр амэндар ӷанэн, кай терэл бэзэх и всаек терэл чи цырдэл аврэн каринг кода, со на чалёл лэ Иеговасти? О Дэл на прошавэл када кацавэ манушэсти, важ кода кай стол патив пэр лэстирэ бэрша. Шон сама пэ алава, пэ савэ ритярдёлпэ лэ Дэвлэско законо анда Исаия 65:20: «Лэ ӷрешникос, савэсти дажэ шэл бэрш, дэна амрая». Кадэла алава шонпэ пэ Иезекиилёстири видения (Иезекииль 9:5 жы кай 7). Пэ пэрво ҭан амэ трэбуй тэ стас патив пэ кодэва, ко май ԥурэдэр всаворэндар бэршэнца, када о Дэл Иегова (Даниил 7:9, 10, 13, 14). Тоди амэ на дараса, тэ подԥэнас, кала када трэбуй кодэлэсти, ко май ԥурэдэр амэндар (Галатам 6:1).

15. Васо амэ трэбуй тэ стас патив пэ тэрнэ ԥрала, сар ԥэндя о Павло, и сар када дицэля па лэ Иисусостири жызня?

¹⁵ Ай со тэ ԥэнас пала тэрнэ ԥрала? Стон тумэ патив пэр лэндэ чи най? Акэ, со пистросардя о Павло лэ тэрнэ Тимофеёсти: «Мэк нико на шол сама, кай ту тэрно. Андяр пэс кадя, кай тутар тэ сытён кодэла, ко уже кандэн лэ Дэвлэс, сар ту дэс дума, сар андярэс пэс, сар любис, сар патяс. Андяр пэс вужэс» (1 Тимофею 4:12). Тоди лэ Тимофеёсти сас варикай набут пала 30. Но о Павло дя лэсти тэ терэл бари дила важ и собрании. Вижал, амэ на трэбуй тэ сындосарас лэ ԥралэн па кода, кай вонэ тэрнэ бэршэнца. Кадяжэ трэбуй тэ сэрас, кай кала о Иисусо росԥэнэнас пэ ԥув важ о Дэл, лэсти сас кадяжэ найбут пала 30.

16, 17. а) Пэр со трэбуй тэ шон сама и старейшыноря, кай тэ дэн дума пала ԥрал, кай тэ стон лэс помошникоса чи старейшынаса? б) Сар кода, со камэлпэ чи сар терэлпэ андэ нацыя дэкала на сжалпэ кодэлэса, со пистромэ андэ Библия?

¹⁶ Андэ дэсавэ нацыи на сытелэ тэ стон патив пэ тэрнэ мануша. Вижал, кай и старейшыноря дэкала на грабинпэ тэ ԥэнэн пала тэрнэ ԥрала, кай лэн тэ стон помошниконэнца чи старейшынонэнца. Дажэ, кала кадэлэ тэрнэ мануша терэн кадя, сар пистромэ андэ Библия. Всаворэ старейшынонэнди трэбуй тэ сэрэн, кай андэ Библия на ԥэнэнпэ, андэ савэ бэрша трэбуй тэ стон лэ ԥралэс помошникоса чи старейшынаса (1 Тимофею 3:1 жы кай 10, 12, 13; Титу 1:5 жы кай 9). Дэкала и старейшыноря терэн кадя, сар андэ лэндири нацыя терэлпэ. Вонэ екжэнэ ԥэнэн, андэ савэ бэрша тэ стон варикас помошникоса чи старейшынаса. Кадя вонэ терэн кода, со на сжалпэ ла Библияса. И старейшыноря на трэбуй тэ сындон лэ тэрнэ ԥралэн па кода, сар лэнди камэлпэ чи па кода, сар терэлпэ андэ лэндири нацыя. Вонэ трэбуй тэ диқэн пэ кода, со ԥэнэнпэ андэ лэ Дэвлэско алав (2 Тимофею 3:16, 17).

¹⁷ Подаса дума акэ пала со. Ек служэбно помошнико драго терэлас дила, сави лэсти динэ тэ терэн. И старейшыноря ӷанэнас, кай кадэва ԥрал, кай лэс тэ стон старейшынаса, терэл вся, со ԥэнэнпэ андэ Библия. Но вонэ на ԥэнэнас пала кадэва ԥрал, кай лэс тэ стон старейшынаса. Дэсавэ старейшыноря ԥэндэ, кай кадэва ԥрал па муй фартэ тэрно и пэр лэстэ на авэна тэ стон патив. Кадя гиндон и старейшыноря андэ бут страны. Фартэ трэбуй, кай амэ тэ гиндосарас кадя, сар пистромэ андэ Библия, ай най сар амэнди камэлпэ чи кадя, сар терэлпэ андэ амари нацыя! Сар кадя тераса, кадэлэса амэ кандаса лэ Иисусос и на сындосараса па кода, со диқэн амарэ яқа.

НА СЫНДОН АВРЭН ПА ТУМАРЭ ВЭРЫТИ ГИНДОРЯ

18, 19. Со поможыя амэнди тэ диқас пэ авэр лэ Иеговастирэ яқэнца?

¹⁸ Хоть амэ найсовершенни, амэндэ вижала тэ сытювас тэ на гиндосарас вэрыто пала авэр, сар о Иегова (Деяния 10:34, 35). И важ када амэнди трэбуй вся время тэ диқас, со пистромэ андэ лэ Дэвлэско алав. Тоди амэндэ вижала тэ терас кадя, сар ԥэндя о Иисусо (Иоанна 7:24).

¹⁹ Йто амаро царё о Иисус Христос лэла па чачимастэ тэ сындой всаворэ манушэн. Во сындоя лэн най па кода, со диқэн лэстирэ яқа и ашунэн лэстирэ кан, ай па кода, со вонэ затердэ (Исаия 11:3, 4). Сави дэ бахтали авэла кодэя время!