Лошав, кала отдэс лэ Иеговасти со май лашо

1. Состар амэндэ исин радость?

О ИЕГОВА камэл, кай амэ тэ авас бахталэ. Через лэско свынто духо амэндэ исин радость (Гал. 5:22). Амэ ӷанас, кай «май бари бах, кала дас, чем кала лас» (Деян. 20:35). Важ када амэ фартэ лошавас, кала росԥэнас аврэнди пала Дэл и поможысарас лэ ԥралэнди и лэ ԥэянди.

2, 3. а) Со поможыя амэнди тэ на хасарас и радость андэ служэния, сар ԥэнэнпэ андэ Галатам 6:4? б) Пала со амэ подаса дума андэ кадэя статья?

² Андэ Галатам 6:4 о апостоло Павло пистросардя пала дуй маменторя, савэ поможына тэ на хасарас и радость (проадинон). Пэрво, амэ трэбуй тэ отдас лэ Иеговасти вся со май лашо, со исин амэндэ. Если амэ терас вся, со па амаро зор, амэ аваса па чачимастэ бахталэ (Матф. 22:36—38). Дуйто, нащи тэ сыстосарас пэс аврэнца. Вся, со амэ ӷанас драго тэ терас, амаро зор, амарэ способности — када амэнди дя о Иегова. И амэ фартэ блаӷодарни лэсти. Ай если аврэндэ май драго вижал варисо андэ служэния, амэ трэбуй тэ лошавас. Важ кода кай вонэ используют пэстирэ способности, кай тэ прославин лэ Иеговас, ай най пэс. Вместо кода, кай тэ сыстосарас пэс лэнца, фэдэр лэндар тэ сытювас.

³ Кадэя статья поможыя тэ на умэкас и вас, если амэндэ на вижал тэ терас май бут андэ служэния. Кадяжэ амэ уӷанаса, сар амэ можэм май фэдэр тэ используем пэстирэ способности и сости амэ трэбуй тэ сытювас аврэндар.

ЕСЛИ НА ВИЖАЛ ТЭ ТЕРАС МАЙ БУТ АНДЭ СЛУЖЭНИЯ

4. Васо дэсавэ ԥрала и ԥэя моӷут тэ умэкэн и вас? Росԥэнэн примеро.

⁴ Дэсавэ ԥралэнди и ԥэянди ашэл ԥарэс кодэлэстар, кай через пэско найлашо зор, вонэ ужэ нэ моӷут тэ терэн андэ служэния кадя бут, сар раньшэ. Кацаво сас кай ек ԥэй. Варикала вой служыяс котэ, кай на хутилэлас лэ Иеговастирэ свидетелёнэн. Латэ сас 35 изучений Библии, и дэсавэ андар лэндэ дажэ болделэ. Чи мало вой стердя андэ служэния! Но потом лако зор фартэ римосайля, и акана вой дажэ анда цэр почти на вижал. Вой росԥэнэн: «Мэ полав, кай через пэско насвалимос, мэ ужэ нэ моӷу тэ терав важ о Иегова кадя бут, сар авэр. Мэ вся и время гиндосарав, кай мэ най кацави дэ предано лэ Иеговасти, сар вонэ. Важ када манди фартэ ԥарэс по ди». Но вой терэл вся, со па лако зор. И када фартэ драго! Амэ можэм тэ авас уверени, кай амаро любящё Дэл фартэ цэний лако трудо.

5. а) Пала со амэ трэбуй тэ сэрас, если амэ ужэ нэ можэм тэ терас май бут андэ служэния? б) Диқэн пэ картинка. Васо амэ можэм тэ ԥэнас, кай о ԥрал вся пэстири жызня отдэлас лэ Иеговасти вся со май лашо?

⁵ Кала тутэ на вижал тэ терэс важ о Иегова кадя бут, сар варикала, пуш пэстар: «Со о Иегова мандар аштярэл?» Кай ту тэ отдэс лэсти вся, со па тиро зор. Роздиқам ек ситуацыя. Амари ԥэй, савяти пала 80 бэрш, ужэ нэ можэт тэ терэл важ о Иегова кадя бут, скати терэлас, кала лати сас 40. Хоть вой отдэл лэ Иеговасти вся, со па лако зор, лати здэлпэ, кай о Иегова всаек ласа нэдовольно. Но чаче када кадя? Погиндон: кала лати сас 40 бэрш, вой отдэлас лэ Иеговасти вся со май лашо, и акана, кала лати пала 80, вой терэл кадяжэ. Вижал, вой никала на парашэлас тэ отдэл лэ Иеговасти вся, со па лако зор. Если тути здэлпэ, кай ту мало терэс важ о Иегова, на бистэр: най амэ ришаем, со радуий лэ Иеговас, ай со най. Если ту терэс вся, со па тиро зор, о Иегова кабута ԥэнэн тути: «Ту мэрно райкано!» (Диқэн Матфея 25:20—23.)

6. Сости амэ сытювас кай и ԥэй Мария?

⁶ Кай тэ на хасарас и радость, амэ трэбуй тэ гиндосарас пала кода, со амэ можэм тэ терас. Уӷанам пала ԥэй Мария. Через о найлашо зор, латэ ужэ на вижал тэ терэл андэ служэния, скати лати камэлпэ. Лати здэласпэ, кай латар нинай нисаво толку. Но потом вой ришыла тэ подритярэл ла ԥья анда собрания, сави совсем на ԥирэлас. И Мария росԥэнэн: «Амэ доԥэнделям ла ԥьяса, кай ласа тэ служысарас па телефоно и тэ пистросарас письморя. Мэ сымас фартэ бахтали тэ поможысарав мэрня ԥьяти!». Кадяжэ и амэ аваса май бахталэ, если ласа тэ гиндосарас пала кода, со амэ можэм тэ стерас, ай най, со нэ можэм. Но, если амэ чаче моӷли бы май бут тэ терас важ о Иегова? И со, если амэндэ андэ служэния варисо драго вижал?

ТУМЭНДЭ ИСИН СПОСОБНОСТИ, ИСПОЛЬЗУЙТЕ ЛЭН!

7. Саво совето о апостоло Пётро дя лэ христианонэнди?

⁷ Андэ пэско пэрво письмо о апостоло Пётро ԥэндя лэ христианонэнди, кай вонэ тэ используют пэстирэ способности, кай тэ подритярэн лэ ԥралэн и лэ ԥэян. Во пистросардя: «Сар кажнонэсти андар тумэндэ о Дэл дя даро, кадя и используйте лэс: служын ек еқэсти сар образцови управляющи пэ разни дароря, савэ тумэндэ исин па лэ Дэвлэстири доброта, сави тумэ на затердэ» (1 Пет. 4:10). Авелоп нэправильно тэ гаравас пэско таланто, кай авэр тэ на завидуют амэнди и тэ на гиндон, кай вонэ хужэ амэндар. Кай тэ отдас лэ Иеговасти вся со май лашо, амэ обязани тэ используем всаворэ пэстирэ способности.

8. Васо на трэбуй тэ путювас кодэлэса, со амэндэ драго вижал? (1 Коринфянам 4:6, 7).

⁸ Но нащи тэ хвалисавас андэ пэстирэ способности. (Проадинон 1 Коринфянам 4:6, 7.) Например, тутэ роздраго вижал тэ залэс нэви изучения Библии. На трэбуй тэ гаравэс пэско таланто. Но ек дила, кала ту используеш кадэва таланто, ай авэр, кала путёс кадэлэса. Например, андэ служэния тутэ сас розлашо случаё, и о мануш соӷласился тэ изучает и Библия. И тути май ӥто камэлпэ тэ росԥэнэс пала када андэ ӷруппа важ и служэния. И акэ, кала тумэ всаворэ стидэпэ посли служэния, ек ԥэй лэл тэ росԥэнэн, сар вой отдя ек журнало лэ манушэсти. Вой отдя журнало, ай тутэ – изучения! Сар ту пэс андярэса? Канешно, тиро случаё придиноп зор лэ ԥралэнди и лэ ԥэянди, но авелоп фэдэр тэ росԥэнэс пала лэстэ пэ авэр разо, кай и ԥэй тэ на хасарэл и радость, кай отдя журнало. Кадя ту андярэса пэс по доброму. Но на трэбуй тэ парашэс тэ ԥэнэс лэ манушэнди пала изучения Библии. Тутэ андэ када таланто — на хасар лэс!

9. Сар амэ трэбуй тэ используем пэстирэ способности?

⁹ Важно тэ сэрас, кай всаворэ амарэ способности — када подарко лэ Иеговастар. Амэнди трэбуй тэ используем лэн, кай тэ подритярас лэ ԥралэн и лэ ԥэян андэ собрания, ай най кай тэ вистас пэс англа лэндэ (Флп. 2:3). Если амэ отдас вся пэско зор и способности лэ Иеговасти, тоди амэ сможэм тэ лошавас — най кодэлэстар, кай амэ май лашэ аврэндар, ай кай амэ прославляем лэ Иеговас.

10. Васо авелоп найгодявэрнэс тэ сыстосарас пэс аврэнца?

¹⁰ Амэ всаворэ разни. Кажнонэстэ андар мэндэ варисо драго вижал, ай варисо най. Важ када авелоп найгодявэрнэс тэ сыстосарас пэс аврэнца. Погиндосарам пала дуй ԥрала. Ек ԥрал роздраго ӷанэн тэ ԥэнэн и речи, и можэт завазглэ шэрэса тэ диқэл пэ авэр ԥрал, савэстэ най фартэ драго када вижал. Но во на шол сама, кай кодэва ԥрал май ӷостеприимно, розлашо дад и анда вся оди служый лэ Дэвлэсти. Кадэва примеро драго сыкавэл, васо на трэбуй тэ сыстосарас пэс аврэнца. Сар жэ амэ ради, кай паша амэндэ исин талантливи ԥрала и ԥэя, савэ используют пэстирэ способности, кай тэ служын лэ Иеговасти и тэ подритярэн аврэн!

СЫТЁН АВРЭНДАР

11. Васо амэ трэбуй тэ сытювас лэ Иисусостар?

¹¹ Хоть амэ на трэбуй тэ сыстосарас пэс аврэнца, амэ можэм лэндар тэ сытювас. Сгиндосарам лэ Иисусос. Во сас совершэно, важ када амэ на сыстосарас пэс лэса. Но амэ бут андэр со можэм тэ лас примеро лэстар (1 Пет. 2:21). Если амэ ласа тэ пристас зор, кай тэ сытювас лэ Иисусостар, амэ ашаса май лашэ лэ Иеговастирэ служытеля и проповедникоря.

12, 13. Сости амэ можэм тэ сытювас кай о царё Давидо?

¹² Андэ Библия росԥэнэнпэ пала бут предани мурша и жувля, савэндар амэ можэм тэ сытювас, хоть вонэ и сас нэсовершэни (Евр. 6:12). Подам дума пала Давидо. Сар ԥэнэнпэ андэ Деяния 13:22, о Иегова ԥэндя пала лэстэ, кай во мануш «саво... [лэсти] па оди». О Давидо сас нэсовершэно и стердя баро бэзэх, но всаек во важ амэндэ лашо примеро. Васо? Важ кода кай кала лэсти динэ совето, во на ля тэ виболдэлпэ. Во смирено прижангля пэстири дош, и о Иегова лэс простисардя (Пс. 51:3, 4, 10—12).

¹³ Амэ можэм тэ сытювас лэ Давидостар, если пушаса пэстар: «Сар мэ андярав пэс, кала манди дэн совето? Прижанав мэ пэстири дош или лав тэ виболдавпэ? Дошалярав мэ аврэн? Старысавав мэ будэр тэ на терав кадэла ошыбки?» Кала адинос андэ Библия пала предани мурша и жувля, ту можэш тэ задэс пэсти инке кацавэ вопросоря: «Сас кай кадэва мануш кацавэ жэ трудности, сар мандэ щяс? Савэ лашэ качестворя во сыкадя?» Кажно разо, кала ту адинос пала предано лэ Иеговаско служытелё, погиндосар: «Сар мэ моӷу тэ шавпэ пэр лэстэ?»

14. Саво лашимос амэндэ авэла, если амэ ласа тэ сытювас кай амарэ ԥрала и ԥэя?

¹⁴ Инке амэ можэм тэ сытювас кай амарэ ԥрала и ԥэя и нэ важно, саво лэндэ возрасто. Например, погиндон, ко андар лэндэ щяс пэрэандярэл варисаво ԥаримос? Можэт, пэр лэндэ тасавэн и ровэсникоря чи о родо, или лэндэ найлашо зор. Сости тумэ можэте тэ сытён кай кадэла мануша? Если тумэ лэна тэ гиндон пала лэнго примеро, тоди тумэнди авэла май вушэро тэ пэрэандярэн пэско ԥаримос. Амэ фартэ блаӷодарни лэ Иеговасти, кай амэндэ исин кацавэ райканэ ԥрала и ԥэя, савэндэ састи вера. И када анэн амэнди бари бах! (Евр. 13:7; Иак. 1:2, 3).

АВЭН БАХТАЛЭ АНДЭ СЛУЖЭНИЯ ЛЭ ИЕГОВАСТИ

15. Саво лэ Павлоско совето поможыя амэнди тэ авас радосни андэ служэния лэ Иеговасти?

¹⁵ Кай андэ собрания тэ авэл мирно, кажно андар мэндэ трэбуй тэ пристол зор. Погиндосарам пала христианоря анда пэрво вико. Лэндэ сас разно дила и разни таланторя (1 Кор. 12:4, 7—11). Но вонэ на сыстонас пэс ек еқэса и на споринаспэ. О апостоло Павло пистросардя лэ христианонэнди анда Эфесо: «Кала кажно ла тилатири часть терэл кода, со трэбуй, вой поможый, кай и тила тэ барёл и тэ ашэл май састи андэ любовь» (Эф. 4:1—3, 11, 12, 16). И ԥрала и ԥэя прилинэ кадэва совето и линэ тэ используют пэстирэ способности, кай тэ подритярэн ек еқэс. Када поможысардя, кай «лэ Христостири тила», то есть и собрания, «тэ авэл май састи». Кадяжэ и адес андярэн пэс и чачунэ христианоря.

16. Со тумэ закамлэ тэ терэн? (Евреям 6:10).

¹⁶ Важ када на сыстон пэс аврэнца. Сытён кай о Иисусо. Старыинпэ тэ андярэн пэс кадя жэ, сар во. Лэн примеро кай лэ Иеговастирэ верни служытеля, савэ жувэнас андэ библейско время, ай кадяжэ кай амарэ ԥрала и ԥэя. Если тумэ отдэна лэ Иеговасти вся со май лашо, во на бистрэла «тумари дила и любовь». (Проадинон Евреям 6:10.) На парашэн тэ лошавэн андэ служэния лэ Иеговасти и сэрэн, кай во фартэ цэний вся, со тумэ терэн важ лэстэ.