‘Dizu dikat kulondau pa chisu chifanyidina’
1 Ov chikukasikedin kwisambin uruu wa dipandish ni antu akwau? Ov utongin anch ufanyidin kulond chom chimwing chijim chakwel kwasin in kukutesh? Yesu payitumay in kwilej end, wayileja anch: “Yangany, ukarumburilany dizu dia Nzamb anch: ‘Want wa mwiur udi piswimp!’ ” (Mat. 10:7) Uruu wadingap kwau ukash ni wading uswapela kulejan. Chishalijadinap ni nlel unou.
2 Chisu chivud kuswiridin kusu mazu makemp chakwel kusambish misamb. Filip pamusankanay ntung mwin Etiopi, wamwipula anch: “Ov, wovil kurumburik kwa yom yiutangina?” (Midimu 8:30) Yidi misamb yisangareshina mud ik yabudikina ku ‘dizu dikat kulondau pa chisu chifanyidina’!—Jinsw. 25:11.
3 Ukutwish kusadin misamb ya chilik chimwing. Ov mutapu ik? Nich kushinshikin ni kutond mazu mafanyidina ni milong usankena. Ipul chipul, ni kuchingel chakul.
4 Yipul yimwing ya dishin: Chakwel kusambish misamb, ukutwish kupakish chimwing cha yipul yiney:
◼ “Ov ukakusadilang Dilembil dia Mwant (ap, Tatukwetu) mu difukwil diey?” (Mat. 6:9, 10) Chirikinap mazu mamwing ma dilembil dined, kupwa lond anch: “Antu amwing akat kwipul anch, ‘Ov dijin ik dia Nzamb dialonday Yesu anch aditumbisha?’ Akwau akat kwipul, ‘Ov Want ik walonday Yesu anch tufanyidin kulembidil?’ Ov wamenap kal yakul yisangareshina ku yipul yiney?”
◼ “Ov wiyipulap kal anch: ‘Ov dirumburik dia mwom chom ik?’ ” Mekesh anch chinech chambaten nich ronganyin ra Nzamb.—Mul. 12:13; Yohan 17:3.
◼ “Ov utongin anch rufu akez kuridiosh chikupu?” Sadil Isay 25:8, NW ni Kujingunik 21:4 chakwel kupan chakul cha kashinsh.
◼ “Ov kudaku mutapu uswapela wa kupwish kuvundangan kudia mu mangand?” Lejan anch Nzamb ufundishin anch “mukata mukwen.”—Mat. 22:39.
◼ “Ov chinzwish chimwing chiyimp chikez kushesh divu dichuku dimwing?” Isambina kushilamu kwa Baibel anch divu dikushal chikupu.—Kus. 104:5.
5 Lejan rusangu ruwamp mu mutapu umwing uswapela, zenzal kamu, nich misamb yimwing yitudishina. Yehova ukez kuyukish usu wey usadila chakwel kwisambin ap “dizu dimwing” dia uyakin nau antu akwau.