Akumangena Pamwing Mulong wa Kumushiman Yehova
1. Chikumangan chikwet mutu ik wa mulong, ni mulong wak Yehova ndiy ufanyidina kushiman kwetu?
1 Yehova udi mwin-dikand-diawonsu mu usu, wakad kwilikan mu manangu, uwanyidina mu kutentam, ni udi untu wa rukat. Chidiay Sakatang, Mwin Kupan Mwom, ni Mwant Mwin Mangand Mawonsu, ndiy kusu amwinend ufanyidina difukwil dietu. (Kus. 36:9; Kuj. 4:11; 15:3, 4) Chikumangan cha Distrik “Panany Uyaj Kud Nzamb” cha muvu unou chikez kukasikesh chiyul chetu cha kumushiman ndiy chidiay Nzamb umwing kusu wakin.—Kus. 86:8-10.
2, 3. Kwirijek nawamp kurutu kwa chisu kukutukwash nchik kwisakin sens?
2 Chiswiridin Kwirijek Nawamp: Chakwel anch twisakina sens musambu wa muspiritu utulamidinay Yehova, chiwapidil nakash kwirijek nawamp. (Ef. 5:15, 16) Ov wapwishin kal kwitenchik mulong wa ndond ya kulal, nfalang ja kufutin njil, ni chisu cha konje ku mudimu ap ku shikol? Kangal washa milong yiney ya usey nakash chakwel kuyitenchik mu aminit a nsudiel. Ang walabijok mu kwit konje, ukutwish kuburen chikunku chimwing cha chisu chinech cha musangar. Kupwa kwa kusal usu nakash mulong wa kukumangan ku chikumangan cha distrik, tukusotap kushil chom ap chimwing ndond ya kutukangesh kutaninamu ukwash ku program mwawonsu. Kudi yom yaad yikutwisha kutwikadish in kuzuwol ni kutukangesh kulondul program nich kashinsh kawonsu. Cha kusambish chitwishikin anch muntu ashakam pa ndond pa wash, pakad kwikal cha kwibwik mulong wa kwiking ku muten, ni chikwau chitwishikin anch ruvul anaka mutapu umwing wa kukashimwish. Nich chitong chinech mu manangu, twitin anch majuku masenda yisik yau, yikeza kuyitwishish kulondul program kwikalap nchik yom yiney. Etu awonsu tufanyidin kwikal ku chikunku ni chikunku.
3 Itekina rutong ra kushik kurutu kwa chisu kwi ndond ya chikumangan dichuku ni dichuku. Chawiy chikukutwishisha kushakam pa ndond yey kurutu kwa muminy wa kusambish ni chikeza kukukwash kwikal nich mwikadil uwamp wa manangu chakwel kutambul malejan mapaninau. Yis akez kuyazuril pa 8:00 wa pamanch dichuku ni dichuku. Kangal amboku kukwatin ndond ja kushakam jivud ja in dijuku diey ap chisak cha antu wezinanya nau.
4. Ov mulong wak utwitinau etu awonsu kusend yakudia ku chikumangan?
4 Yitin anch antu awonsu asenda yakudia yau pa ndond pa kudiokal kwi ndond ya chikumangan ni kuya ni kukimb yakudia pa chisu cha kupim pa midi. Kusadil kwey pamwing nich ditenchik dined kukat kukwash kulet mwikadil wa chisambu ni kukutwishish kwikal nich chisu chivud cha kwambamb pamwing nau ambay netu in ritiy. (Kus. 133:1-3) Vurik amboku anch yom ya kusadil ya yilaud ni maar ma kulewish yifanyidinap mwi ndond ya chikumangan.
5. Ov mutapu ik tukutwisha kusambish kurijek michim yetu mulong wa chikumangan?
5 Tuteshany ni Kwilej: Ezra warijeka kamu muchim wend chakwel kutambul dizu dia Nzamb. (Ezra 7:10, NW) Ndiy wata muchim wend ku malejan ma Yehova. (Jinsw. 2:2) Tukutwish kusambish kurijek michim yetu mulong wa chikumangan ap kurutu kwa kutumbuk kwol kwetu mu kutongijokin pa mutu wa mulong wa chikumangan ni kuwisambin pamwing ni dijuku dietu.
6. Yom ik yikutwisha kutukwash kwasin manangu metu pa program? (Tal mushet.)
6 Mukach mwa runtu, mukutwish kwikal yom yivud ya kutal ni kutesh yikutwisha kuzuwol manangu metu. Kuzuwol kwinoku kukutwish kukarumwin swa manangu metu kulemp nenday mwin kulond. Anch chom chinech chashiken, tukutwish kukangany kutambul jinsangu ja usey. Yiyul yidia mu mushet ulondwilaku ou yikutwish kutukwash kukungin manangu metu pamwing.
7, 8. Mutapu ik tukutwisha kumekesh kalimish mulong wa antu akwau, ni ditenchik ik didiaku mulong wa antu akad kuteshang nawamp?
7 Tumekeshany Kalimish Mulong wa Antu Akwau: Chitwishikin kusadil yamu ya kukwat nich yipich ni makamera pa chisu cha program, pakwez chakwel kwipuk kuyizuwol antu akwau, yisadila ching pa ndond piushicha. Matelefon chifanyidin kumafung chakwel kangal mayizuwol antu akwau. Kwikil chom cha mudimu cha muntu ipend chifanyidinau kunung ku kasu ka nzembu kadia kwi ndond ya chikumangan ap ku yisaj ya kujimbish nich dizu.
8 Tuchingejin chakin kamu kukumangan pamwing kurutu oku mulong wa kumushiman Yehova! Tukwatany chiyul cha kumushiman ndiy kusutil ku kukumangan ku chikunku ni chikunku, ni kusutil ku kutesh nawamp, ni ku kusadil yitwilejina.—Kuv. 31:12.
[Caption on page 1]
[Study Questions]
[Caption on page 3]
[Picture on page 3]
Tesh Piudia ku Chikumangan
▪ Tongijokin pa mitu ya milong ya madiskur
▪ Tang mifund
▪ Fund mazu miswimp
▪ Tek kashony pa manans ma kusadil
▪ Chirikin yiwilejina