Program Musu wa Chikumangan cha Munyimuku
Mwant wetu walonda anch in kwilejend akez kuyimesh mar. (Mat. 24:9) Ov mutapu ik tufanyidina kuman yoziu? Chom ik chikutukwasha kujijaman ku mar? Program wa chikumangan cha munyimuku cha muvu wa mudimu wa 2004 ukwakul ku chipul chinech. Mutu wa mulong udi anch ‘Sangarany Mulong wa Ruchingej Ren. Jijamanany mu Mar.’—Rom. 12:12.
2 Madiskur Maad ma Yikunku Yisatu: Diskur dia kusambish dia yikunku yisatu, dikweta muntu wa mulong “Songany Mabuj Nich Kujijaman,” dikez kushinshikin jinjil kushalijan tukata kusong mabuj. Akez kuyipul in kutwa rubil kushalijan piur pa mutapu ukatau kulejan ni kufundish nich chitongijok cha kuswapej. Anvaj afanyidin kuta matu pakampwil ku chikunku chilondila anch “Payikandinau Kudiay Yehova,” chikwisambina mutapu ukutwishau anvaj kutongijokin pamwing ni anau. Mwin kulond wa nsudiel wa diskur dia yikunku yisatu ukushinshikin pa yom yitufanyidina kusal chakwel kwichidij ku mangand ma rukis ni yom yikutwikadisha akad kusong mabuj.—Mak. 4:19.
3 “Bambelany Nich Kujijaman” wawiy mutu wa mulong wa diskur dia kaad dia yikunku yisatu. Dikez kumekesh patok mutapu udia mwom wetu mud kubambel. Ov mulong wak tuswiridina kubambel kwambatan nich yijil? Ov mutapu ik tukutwisha kudjibul yom yawonsu yilimina ni kwipuk kuziy mu kubambel kwa mwom? Akez kutwinkish etu awonsu chiyul cha Mifund ya Baibel pa chisu chifanyidina chikeza kutukwash kudandamen mu kubambel nich kujijaman.
4 Kujijaman Kuletining Kwitiyik kwa Nzamb: Diskur dikupanay kalam mwin kwendangan dikez kukasikesh ritiy ra antu akata kuteshang ni kusadil chiyul chinech. Dimwing dia diskur dia kalam wa distrik dikwet mutu wa mulong ulondila anch ‘Kudandamen Kukat Kulet Wuntu Wakin.’ Diskur dia pibur dikez kwakul ku yipul yilondwila ey, Mu dijin dia nany mufanyidinau antu kuchingejin, ni chitin Yom ik? Diskur dia nsudiel, ‘Ku Kujijaman Kwen Kwawiy Kuukeza Kisakilany Mipim Yen,’ dikez kushinshikin mutapu watwishay Yesu kujijaman ku kasolikany pakad kujiman.
5 Vurik kwez nich buku wey wa École du ministère ni Tour de Garde wa kwilej rubing rinira. Fund manans makeza kukukwash kwikuchik ni kwikal mareferans ma kusadil mu machuku ma kurutu. Akez kusal dichirikin dia program winou mu machuku ma kurutu mu chikumangen.
6 Yehova amwinend, ndiy urijekina musambu winou wa yakudia ya muspiritu. Ez! Diang! Tukez kutoy nich musangar anch twikalaku chakwel kwisakin program mwawonsu.—Is. 65:14, NW.