Gusubira mu vyagezwe
33 Uwu rero ni wo muhezagiro Musa, umuntu w’Imana y’ukuri yahaye Abisirayeli imbere y’uko apfa+. 2 Yavuze ati:
«Yehova yaje ava i Sinayi+,
yabamurikiye ari i Seyiri.
Yakayanganye ari mu misozi y’i Parani+,
kandi yari kumwe n’aberanda ibihumbi n’ibihumbi*+,
ingabo ziwe zari iburyo bwiwe+.
5 Imana yabaye umwami i Yeshuruni*+,
igihe abatware b’abantu bari bakoraniye hamwe+,
bari kumwe n’imiryango yose yo muri Isirayeli+.
7 Uwu ni wo muhezagiro yahaye Yuda+:
«Ewe Yehova, niwumvirize ijwi rya Yuda+,
maze umugarukane mu bantu biwe.
8 Ku bijanye na Lewi, yavuze+ ati:
Mbere na benewabo yarabirengagije+,
yarihakanye abana biwe bwite.
Kuko yagumije ijambo ryawe,
yarubahirije isezerano ryawe+.
11 Ewe Yehova, nuhezagire inkomezi ziwe,
kandi werekane ko ushima igikorwa c’amaboko yiwe.
Nuvunagure amaguru* y’abaza kumutera,
kugira abamwanka ntibasubire guhaguruka.»
12 Ku bijanye na Benyamini, yavuze+ ati:
«Umukundwa wa Yehova niyibereho atekanye iruhande yiwe,
agume amwugamitse umusi wose.
Azokwibera ku mugongo wiwe*.»
13 Ku bijanye na Yozefu, yavuze+ ati:
«Igihugu ciwe kiragahezagirwa na Yehova+,
nakironse ibintu vyizavyiza vyo kw’ijuru,
urume hamwe n’amazi yo hasi mu kuzimu+,
14 ibintu vyizavyiza bikuzwa n’izuba,
ibintu vyizavyiza vyera buri kwezi+,
15 ibintu vyizavyiza biva mu misozi ya kera*+,
ibintu vyizavyiza biva mu mitumba yamaho,
16 ibintu vyizavyiza vyo kw’isi n’ivyuzuye muri yo+,
hamwe n’ugushimwa n’umwe yibera mu gisaka c’amahwa+.
Ese ivyo vyose vyoza ku mutwe wa Yozefu,
hejuru ku mutwe w’uwatowe muri benewabo+.
17 Afise igihagararo nk’ic’ishuri yavutse ubwa mbere,
amahembe yiwe ni amahembe y’ishuri yo mw’ishamba*.
Azoyasunikisha* amahanga yose,
ayasunike gushika ku mpera z’isi.
Ayo mahembe ni ibihumbi mirongo vya Efurayimu+,
ibihumbi vya Manase.»
18 Ku bijanye na Zabuloni, yavuze+ ati:
«Ewe Zabuloni, nezererwa ingendo zawe,
nawe Isakari, nezererwa amahema yawe+.
19 Bazokoraniriza amahanga ku musozi.
Aho ni ho bazoshikanira ibimazi vy’ubugororotsi.
Bazokwirira ubutunzi bwinshi bwo mu biyaga*
hamwe n’itunga rinyegejwe mu musenyi.»
20 Ku bijanye na Gadi, yavuze+ ati:
«Uwagura imbibe za Gadi aragahezagirwa+.
Azobunda nka kurya kw’intambwe
igira itabagure ukuboko kw’ico yafashe, mbere n’umutwe waco.
Abatware b’abantu bazokoranira hamwe.
Azoshitsa ubutungane bwa Yehova
n’ingingo yashingiye Isirayeli.»
22 Ku bijanye na Dani, yavuze+ ati:
«Dani ni icana c’intambwe+.
Azosimba avuye i Bashani+.»
23 Ku bijanye na Nafutali, yavuze+ ati:
«Nafutali ahagijwe n’ugushimwa na Yehova,
kandi yuzuye imihezagiro yiwe.
Niyigarurire uburaruko n’ubumanuko.»
24 Ku bijanye na Asheri na ho yavuze+ ati:
«Imana yarahaye abana benshi Asheri.
Natoneshwe na benewabo,
kandi ahonyoze* ikirenge ciwe mu mavuta.
26 Nta n’umwe ameze nk’Imana y’ukuri+ ya Yeshuruni+,
imwe igendera kw’ijuru kugira igutabare,
ikagendera ku bicu mu cubahiro cayo+.