Urutonde rw’amakoraniro y’umurimo
Indwi itangura ku wa 14 Nzero
Imin. 10: Amatangazo y’iwanyu. Amatangazo arobanuwe mu yo mu Gikorwa dukorera Ubwami. Mukoresheje inama ziri ku rupapuro rwa 12 canke ubundi buryo bwo gushikiriza ibinyamakuru bubereye mu cibare canyu, nimwerekane ingene umuntu yoshikiriza Umunara w’Inderetsi wo ku wa 1 Kigarama na Réveillez-vous! yo muri Kigarama.
Imin. 15: “Nukoreshe neza umwanya wawe mu busuku”.a Nubaze ibibazo umuvukanyi w’intangakarorero mu vyo kurongora ikoraniro ryo gusohoka mu ndimiro. Akora iki mu kwitegurira kurongora ikiganiro co gusohoka mu ndimiro no mu gutuma bakoresha neza umwanya bamara mu busuku?
Imin. 20: “‘Imvugo yanyu yame nantaryo irunze umunyu’”.b Igihe murimbura ingingo ya 2, nimusome Yohani 4:7-15, 39.
Indwi itangura ku wa 21 Nzero
Imin. 10: Amatangazo y’iwanyu. Nimuvuge ibisohokayandikiro bizoshikirizwa muri Ruhuhuma, mwongere mugire umwerekano w’ingene kimwe muri ivyo coshikirizwa. Remesha umwumwe wese kuraba ya videwo ivuga ngo “Soigner sans transfuser:besoins et droits du patient” (Ukuvura hadakoreshejwe amaraso, ivyo umurwayi akeneye be n’agateka kiwe bikubahirizwa) mu kwitegurira ikiganiro kizoba mw’Ikoraniro ry’umurimo ryo ku ndwi itangura ku wa 4 Ruhuhuma. Aho iyo videwo itaboneka, hazokwihwezwa “Ibibazo vy’abasomyi” biri mu Munara w’Inderetsi wo ku wa 15 Ruheshi 2004 be n’uwo ku wa 1 Munyonyo 2000 canke ikiganiro kivuga ngo “Woba Ugabirije Guhangana n’Ingorane z’Ivy’Ukuvurwa Zotuma Ukwizera Kwawe Kugeragezwa?” co mu Gikorwa dukorera Ubwami co muri Ndamukiza 1991. Abamamaji barashobora kwihweza ayo makuru imbere y’uko mugira Ikoraniro ry’umurimo ryo ku ndwi itangura ku wa 4 Ruhuhuma.
Imin. 10: Woba ukoresha agatabu Twihweze Ivyanditswe ku musi ku musi? Insiguro be no guhana ijambo n’abumviriza bishingiye ku ntangamarara y’agatabu Twihweze Ivyanditswe ku musi ku musi?—2008 canke ku ntangamarara y’agatabu Twihweze Ivyanditswe ku musi ku musi?—2007, nimba ako mu 2008 kataraboneka. Nimuganire ku kamaro ko gufata umwanya buri musi wo kwihweza Icanditswe be n’insasanuro zaco. Nusabe abumviriza bagire ico bavuze ku rutonde bafise rwo kurimbura icanditswe be n’ukuntu vyabagiriye akamaro. Umuntu umwe canke babiri muri abo, yoshobora kuba yategekanijwe imbere y’igihe. Nuce irya n’ino muri make icanditswe c’umwaka wa 2008.
Imin. 25: “ ‘Nushingire intahe inogangije inkuru nziza’ ”.c (Ing. 1-10) Gishikirizwe n’umucungezi w’umurimo. Nubaze ibibazo umwamamaji umwe canke babiri bakoze ubutsimvyi bwo gufasha mu mwaka uheze naho bari bafise vyinshi bakora canke bafise ubumuga kanaka bwo ku mubiri. Bashoboye gute kubukora? Ni ivyiza ibihe bahakuye? Igihe mwihweza ingingo ya 7, nimuvuge urutonde rw’amakoraniro yo gusohoka mu ndimiro mu kwezi kwa Ntwarante, Ndamukiza na Rusama.
Indwi itangura ku wa 28 Nzero
Imin. 10: Amatangazo y’iwanyu. Niwibutse abamamaji gutanga raporo y’umurimo wo mu ndimiro yo muri Nzero. Soma raporo y’ivy’amakonte be n’ivyete vyemeza ko intererano mwatanze zashitse. Ikiganiro co guhana ijambo n’abumviriza gishingiye ku Munara w’Inderetsi wo ku wa 15 Kigarama be na Réveillez-vous! yo muri Kigarama. Umaze guca irya n’ino muri make ibiri mu nomero imwimwe yose, nubaze abumviriza ibiganiro vyoshobora guhimbara abantu bo mu cibare be n’igituma babona ko ivyo ari vyo vyobahimbara. Nusabe abumviriza bavuge ivyiyumviro kandondwa biri mu biganiro bategekanya kuzoshikiriza. Ni ikibazo ikihe umuntu yobaza abantu kugira ngo batangure kuyaga? Ni icanditswe ikihe kiri muri ico kiganiro boshobora guca basoma? Ico canditswe gifitaniye isano irihe n’ico kiganiro? Mukoresheje uburyo bwo gushikiriza ibinyamakuru bwatanzwe bwa karorero ku rupapuro rwa 12, nimugire umwerekano w’ingene kimwekimwe cose muri ivyo binyamakuru gishobora gutangwa.
Imin. 20: “ ‘Nushingire intahe inogangije inkuru nziza’ ”.d (Ing. 11-17) Nimba bwa butumire budasanzwe bw’Icibutso bumaze kuboneka, nimuhe umwe wese mu bumviriza ikopi igihe murimbura ingingo ya 14. Nimuvuge intunganyo zagizwe aho iwanyu kugira ngo muheture icibare.
Imin. 15: “Nufashe abatohoji ba Bibiliya gucika abamamaji b’inkuru nziza y’Ubwami”.e Nimba umwanya ubakundiye, nimusabe abumviriza bagire ico bavuze ku vyanditswe vyatanzwe yamara bitasubiwemwo.
Indwi itangura ku wa 4 Ruhuhuma
Imin. 10: Amatangazo y’iwanyu. Nimwihweze Inyishu ku bibazo vyanyu.
Imin. 10: Ibikenewe iwanyu be n’Udukuru twa gitewokarasi.
Imin. 25: “Woba uriko uravyigizayo”? Gishikirizwe n’umukurambere. Utarinze kurandira, nuce utanguza ikiganiro co guhana ijambo n’abumviriza gishingiye kuri ya videwo “ Besoins et droits du patient ” (Ivyo umurwayi akeneye be n’agateka kiwe bikubahirizwa), ukoresheje ibibazo vyatanzwe muri iki kiganiro. Mu gusozera, nusome ingingo ya nyuma wongere uremeshe bose gusuzuma bitonze ibiganiro vyerekanywe vyo mu Munara w’Inderetsi be n’ivyo mu Gikorwa dukorera Ubwami. Aho iyo videwo itaboneka, nimuganire ku “Bibazo vy’abasomyi” biri mu Munara w’Inderetsi wo ku wa 15 Ruheshi 2004 be n’uwo ku wa 1 Munyonyo 2000 canke ku kiganiro co mu Gikorwa dukorera Ubwami co muri Ndamukiza 1991 kivuga ngo “Woba Ugabirije Guhangana n’Ingorane z’Ivy’Ukuvurwa Zotuma Ukwizera Kwawe Kugeragezwa?”. Nusigure ukuntu umuntu wese atarabigira ashobora gukoresha rwa rukaratasi rwo kurabirako ruri mu nyongera y’Igikorwa dukorera Ubwami co muri Munyonyo 2006, kugira ngo yifatire ingingo ku vyerekeye uduhimba dutoduto tw’amaraso be n’uburyo bwo kuvurwa, maze ivyo yahisemwo avyandike ku gakarata DPA, aho gakoreshwa. Abamaze kwuzuza agakarata DPA canke agakarata AMD boshobora gushima gusubira kwihweza amakuru ari muri iyo nyongera, maze nimba babona ko hari ico bakwiye guhindura, bace buzuza akandi gakarata.
[Utujambo tw’epfo]
a Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
b Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
c Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
d Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
e Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.