Woba wizera cane ivyo Yehova yasezeranye?

Yosuwa na Salomo baremeje ko ata na kimwe mu vyo Yehova yasezeranye kitarangutse. (Yos 23:14; 1Bm 8:56) Intahe yashinzwe n’ivyo vyabona bibiri vyo kwizigirwa irakomeza cane ukwizera kwacu.​—2Kr 13:1; Tt 1:2.

None mu gihe ca Yosuwa, Yehova yashikije gute ivyo yasezeranye? Uko mugize umuryango, nimurabe ya videwo ivuga ngo ‘Nta jambo na rimwe ritashitse.’ Nimuce muganira kuri ibi bibazo: (1) Mwokwigana gute ukwizera kwa Rahabu? (Heb 11:31; Yak 2:24-26) (2) Ivyashikiye Akani bitwereka gute ko kugambararira Imana nkana ari ukwikwegera ivyago? (3) Naho Abanyagibeyoni bari bazi kurwana, kubera iki bahenze Yosuwa bakagirana amahoro na Isirayeli? (4) Ijambo rya Yehova ryarangutse gute igihe abami batanu b’Abamori barwana na Isirayeli? (Yos 10:5-14) (5) Yehova yagiye aragufasha gute uko washira imbere Ubwami bwiwe n’ubugororotsi bwiwe mu buzima bwawe?​—Mt 6:33.

Tuzirikanye ivyo Yehova yadukoreye vyose, ivyo adukorera n’ivyo azodukorera, turarushiriza kwizera ivyo adusezeranira.​—Rm 8:31, 32.