Ingene wokwumira ku rutonde rwawe rwo gusoma Bibiliya buri musi

Ibikorwa vyinshi vya misi yose, vyoba bituma kwumira ku rutonde rwawe rwo gusoma Bibiliya buri musi bikugora? (Yos. 1:8) Nimba ari ukwo biri, gerageza kimwe muri ibi vyiyumviro:

• Rondera icokwama kikwibutsa buri musi. Shira muri telefone yawe akantu koza karakwibutsa gusoma Bibiliya.

• Gumiza Bibiliya yawe ahantu haboneka. Nimba usomera muri Bibiliya y’impapuro, nuyigumize ahantu hokworohera kuyibona buri musi.—Gus. 11:18.

• Niwumvirize Bibiliya yafashwe amajwi. Urashobora kwumviriza Bibiliya yafashwe amajwi igihe uri mu dukorwa twa misi yose. Inabibondo umwe w’umutsimvyi yitwa Tara, akaba akora akazi k’ijoro, avuga ati: «Kwumviriza Bibiliya yafashwe amajwi igihe ndi mu dukorwa twa misi yose biramfasha kudasibiriza mu gusoma Bibiliya.»

• Niwumireko. Bishitse hakaba ibintu bihungabanya urutonde rwawe, nutume usoma imirongo mikeyi yo muri Bibiliya imbere y’uko uja kuryama. Naho wosoma duke vyokugirira akamaro.—1 Pet. 2:2.