Akumba k’Ibibazo

◼ Nimba uwo dusanze ku muhana atanze intererano niniya ugereranije, twoba dukwiye kumuha ikindi candikano?

Si ngombwa. Urashobora gukoresha ubukerebutsi bwawe muri ivyo, ukarimbura ugushimishwa kugaragajwe mu gusoma ico candikano. Usubiye kumugendera mu nyuma, icandikano kivuga ibintu kanaka uwo muntu wasanze ku muhana akeneye woshobora kukimusigira. Nimba yibwirije gutanga iyindi ntererano, irashobora kwakirwa n’umutima mwiza. Urama wibuka yuko intererano zishigikira imice itandukanye y’igikorwa cacu turangurira kw’isi yose, kikaba kirimwo porogarama yacu yo kwubaka, abamisiyonari, be na ca gikorwa c’abatsimvyi badasanzwe, turetse ukuba dusohora ivyandikano.